好耐無去過Guidis 食飯......
星期六(6月4日)同Mr.T 唸緊食乜野，心有靈犀不約而同想去Guidis!
咁就去Guidis 啦!!
未認識老公時我已經去過Guidis，除咗餐廳內外裝潢十幾年如一日之外，連食物水準一樣都係十幾年如一日!
無論我地密密去，或者隔好耐先去一次，每次去親Guidis 食物水準都一樣咁好~
餐廳裡面果咋意大利人staff 十幾年如一日地熱情友善，每一次去Guidis 都係一個好味又enjoy 既experience!
之前來親Guidis 我頭盆一定會點雞肝醬! 既然而家我自己識整雞肝醬，咁出街食就緊係點雞肝醬以外既野啦!!
依個海鮮沙律裡面有大蝦, 中蝦, 魷魚, 青口, 蜆 + 帶子，除咗海鮮 + 墊底既雜菜沙律新鮮爽口之外，我好鍾意海鮮上白色果幾條波紋狀叫做giardiniera 既酸醃菜! 真係好好食，同海鮮非常夾味!!
不過依個頭盆真係出乎意料之外地大portion! 食完頭盆已經有飽飽地......
試咗一啖，熱辣辣香噴噴 + 好足料!
是日我 + 老公都好想食有cream 既意粉......
最近愛上咗三文魚!
依個煙三文魚意粉忌廉香濃意粉al dente，超多煙三文魚而且三文魚煙燻味 + 鹹味適中，簡單得來非常好味!!
無論頭盆 + 主菜都幾大portion，加上今次我地兩份主菜都有忌廉，飽到漏夜晚果餐都唔想食!!
睇見都流哂口水！
回覆刪除[版主回覆06/08/2011 03:51:00]依間餐廳係其中一間我最鍾意既餐廳!
你说到那么好吃，有机会也想试试，sheffield 好想没这家餐厅。
回覆刪除[版主回覆06/08/2011 03:50:00]英國唔係間間餐廳都係連鎖性質架嘛! 如果妳來蘇格蘭的話，我請妳去Guidis 食飯啦!
btw 我買咗枝喜山粉紅鹽比妳! 過幾日等我pack 埋其他野一次過去郵局寄比妳吖~
(Empty)
回覆刪除[版主回覆06/08/2011 03:48:00]
以一人份頭盆黎講, 果碟沙律確實大份量...
回覆刪除[版主回覆06/08/2011 03:47:00]係呀~ 果日天氣又熱熱地，食完份沙律都飽咗大半咯......
我自己在咁多種國家既菜式中 , 意大利菜是我最喜愛的了 , 見到你main course 的 Spaghetti Al Salmone 忌廉煙三文魚意粉 , 很喜歡呢 ! 我對鮮奶 , 又或是奶類的乳製品都很喜歡 ! 剛過的Mon (端午節) , 我跟家人前往了Macau行行逛逛 , 到了新開的Galaxy hotel , 當晚在刻酒店的餐廳享用了dinner buffet , 她們做的意大利意粉也很不錯呢!
回覆刪除[版主回覆06/08/2011 22:01:00]我唔會話意菜係我最鍾意既菜式~ 不過一定係其中一種我喜歡既菜，個人始終最愛中國菜!
不過真正既意大利菜並唔止意粉薄餅既! 意人都好有飲食文化架~ 舊年我同老公重遊羅馬，去試咗一樣特色菜"Quinto Quarto"，就同平時接觸到既意菜好大分別嘞! http://hk.myblog.yahoo.com/veronicams_tsim/article?mid=31090
賣相好吸引,睇見都好想食
回覆刪除[版主回覆06/08/2011 21:53:00]依間餐廳d野真係好好食，十幾年來都無試過令我覺得失望!
我都好鐘意食三文魚
回覆刪除[版主回覆06/08/2011 21:52:00]我一向唔算特別鍾意食三文魚，不過最近唔知做乜成日都想食三文魚.....
这餐厅很棒噢！可以让食物味道都保持一定的水準 不简单耶！
回覆刪除因为很多都是初次吃好吃 第2次就会走样！
[版主回覆06/08/2011 21:52:00]非常同意啊! 我真係試過好多次頭一兩次去一間餐廳好好食，之後再去就開始退步......
Glasgow 有幾間fine dining 既餐廳十幾年來都維持一樣高水準; 不過好似Guidis 依類中價餐廳一樣多年來保持水準就比較少有，難能可貴呢!
海鮮沙律望落好正好FRESH!! 也是我至愛之一
回覆刪除[版主回覆06/08/2011 21:49:00]果日天氣好又熱熱地，食依個海鮮沙律啱哂!
個沙律份量好大, 食完都飽飽啦
回覆刪除[版主回覆06/08/2011 21:48:00]係呀~ 我第一次去依間餐廳時，已經發現佢地頭盆份量好鬼大! 十幾年如一日呢~
Mrs. T 睇你的Blog 真係好開心架!! 我又識左個生字喇!!就係---> giardiniera 既酸醃菜, 呢個係我未見過的食材字!!
回覆刪除個沙律個感覺真係好FRESH 好有呢個開胃頭盤FEEL!!! 食完再加一個忌廉意粉~我諗你地一定食得好滿足
[版主回覆06/11/2011 00:13:00]giardiniera 係特別指意式酸醃菜! (係好好食既! )
第一次點依個沙律，真係好新鮮好好食! 我 + Mr.T 係食到好"滿"!! 因為頭盆 + 主菜都好大份呢!
你果日海鮮餐WOR~
回覆刪除[版主回覆06/27/2011 18:09:00]本來都點海鮮意粉架! 不過見有個海鮮沙律，所以先改咗三文魚意粉~