碟頭飯 - 紅砵酒燴牛脷配白飯
兩碟都係燴牛脷?
無花無假Mr.T 果碟同我果碟一樣係燴牛脷來!
事源要講返舊年既12月12日，當時我 + Mr.T 身在香港~是晚我地喺沙田新城市廣場樓下既Pokka Cafe 晚餐......
Mr.T 喺懵盛盛既情況下夾咗舊 + 我特登唔出聲由佢放入口
，佢食完塊牛脷後......
Mr.T: 咦~ 幾好食喎! 咩來架?
我: Ox tongue!
Mr.T: ......估唔到都幾好食喎.......OK喎......總之係內臟就唔好食 - 依個信念喺Mr.T 心底實在太根深柢固! 所以牛脷由原來"幾好食喎"，漸漸變成"OK喎"!
不過我一直緊記住Mr.T 依一晚對牛脷既評語"估唔到都幾好食喎" - 我認為憑佢依句評語，我好有"餐屎"繼雞肝之後，進一步游說Mr.T 去嘗試其他唔同既內臟!但牛脷並唔常見，豬脷就成日都有得賣~
所以我曾經試過喺完全唔隱瞞Mr.T 既情況下，叫佢試吓豬脷......可惜佢以一句: 我試過啦，我唔鍾意!......就咁拒絕咗我，試都唔肯試!!
皇天不負有心人......
牛脷同豬脷價錢真係相差好鬼遠啊~~~~~
依條牛脷要£9 - 竟然貴過1隻全鴨! 
平時我整開豬脷完全唔覺得核突~
不過今次依條牛脷咁鬼大條，好有異形feel......我都有少少驚驚地!
今次第一次整牛脷~ (第一次買到牛脷嘛!)
上網見有d人話一定要叫肉檔起埋脷苔厚皮，因為起牛脷脷苔厚皮對一般人來講係mission impossible!
我心唸: 今次捉蟲嘞!
牛脷唔買都買咗，而且仲要咁貴~ 唯有頂硬上，反正依度無肉檔幫我起厚皮，點都要自己整!
Well......
脷既後半部 + 脷面既皮較薄，所以難少少搣，不過喺小刀輔助下都好容易解決!
Overall 牛脷雖然比豬脷難去厚皮少少，但絕對唔係mission impossible 囉!
比我預期實在容易太多嘞!!
完全唔需要特別技巧，需要既只係耐性......
話時話 - 我幫條牛脷剝緊皮時已經聞到一陣肉香味~~~~
不過條牛脷只係汆過水一陣未熟果喎......依種肉香味同我處理緊豬脷時真係好唔同... 豬脷只有豬味!
要煮熟咗先變好味~其實今次條牛脷既煮法同上次整既紅酒燴牛尾差不多~
唔同既係今次用咗帶甜既紅砵酒; 而且牛脷多數多汁，所以今次用炆既方法，唔洗入焗爐!
Mr.T 放工渣緊車返來時打電話比我......
Mr.T: Honhon~ 今晚有咩食?
我: 今晚食Ox tongue stew 配白飯!
Mr.T: 淨係得牛脷咋? (聽得出語帶少少猶豫 + 擔心~) 我: 係呀~ 得牛脷咋! 
Mr.T: 淨係牛脷? 有無其他料?? (絕望地~) 我: 有~ 有紅蘿蔔、西芹 + 洋蔥囉!
Mr.T: 咁......有無汁架? (受咗好大打擊! 一絲希望可以有汁撈飯!!)
我: 有汁~ 不過你唔好同我講話唔食牛脷齋撈汁喎! 我記得之前喺香港你食過Pokka Cafe d牛脷話好味架~ 如果你唔食我整既牛脷即係唔比面我! 
結果有人一路食一路話好味
: 咦~ 點解牛脷咁似牛肉，唔似其他內臟既? 
我心唸: 超~ 平時叫你試吓都唔肯，你知鬼其他內臟係點!結果我碟飯只食到一半，有人已經食到個碟乾乾淨淨，仲自動波走去廚房裝咗大碟飯 + 牛脷!!
我又心唸: 超~ 又話自己咩內臟都唔鍾意食? 哇哈哈~~~~
>>>>>>>>>>>>>>>>>>>>>>>>>>>>>>>>>>>>
豬頭骨題外話.......
可愛既太陽伯伯早排曇花一現之後，近排成日龜縮!
無太陽都算嘞，唔洗日日都落雨吓哇!!?!?
狗屎 + 毛毛雨輪流當值咁款~ 條街濕哂依頭啱啱乾返，轉頭又濕過!!
咁我d水鞋一定要出場啦!
無比較就無得好講......
有比較之下就......真係一分錢一分貨!
Hunter 真係舒服好多 + 輕好多!!對MJ實在太笨重嘞，所以我決定將佢貶為"買餸專用水鞋"!!
紅砵酒燴牛脷食譜click here~
「如果你唔食我整既牛脷即係唔比面我!」 咁大頂帽壓落黎...mr.T邊敢唔食丫...XDDDD
回覆刪除[版主回覆06/23/2011 18:05:00]妳錯嘞! Mr.T 鍚我還鍚我，但佢從來都唔會under my thumb 呢! 如果佢唔鍾意食一樣野，佢真係會企硬掂都唔掂架!
不過最大問題其實係佢連試都唔肯試，所以我先咁講來大佢試吓啫，結果咪鍾意食到要添飯! 佢叫我下次再整過喎~
條牛脷 超過1呎長...好大條吖...
回覆刪除你同 Mr.T 嘅對話好搞笑...
Mr.T 真係好失望咁唸住用汁撈飯...
[版主回覆06/23/2011 18:01:00]未拆包裝都估唔到原來咁鬼大條!
Mr.T 根本就唔係唔鍾意食內臟，問題其實係佢覺得內臟核突唔肯去試! 而家試過知道正野，叫我下次再整過喎!
你真系好0力女 连mission Impossible 都俾你搞掂~ 劲呀！
回覆刪除也估唔到你0甘锺意吃动物内脏 因为很少女生爱吃
牛舌拿来BBQ 其实也蛮好吃的 （我曾经试过！）
[版主回覆06/23/2011 17:58:00]過獎嘞Cindy! 唔係我叻 ，而係根本就唔係mission impossible! 牛脷去厚皮根本唔算難，果個人誇大咗難度啫!
我由細到大都好鍾意食內臟架! 幾乎咩內臟都啱呢~ 我下次都試吓用牛脷來BBQ先! 請問成條燒定切片燒呀?
Hunter係英國賣幾多錢架?我都想買返對...因為我呢邊成日落雨!我之前見到有對Hunter x Jimmy Choo...好攪鬼啊~
回覆刪除Mr.T 放工渣緊車返來時打電話比我...... Mr.T: Honhon~ 今晚有咩食? <---關生都係一樣架...我有時會答...你返來咪知囉...哈哈哈!
[版主回覆06/23/2011 17:53:00]我舊年買好似£60; 今年唔知係咪因為加咗VAT，我依個款original gloss 官網賣緊£72~ 不過妳買都係喺美國買架啦，唔會山長水遠喺英國買吓哇?
Jimmy Choo 果幾個款好粗獷好男人喎! 我個人就唔鍾意嘞，而且我本身都唔鍾意依個JC依個牌子~
我同妳相反- Mr.T 問親我有咩食我都會話佢知架! 因為如果我好似妳咁答，佢一定會不停累我話比佢知!!
你個 紅砵酒燴牛舌 好正呀,好想食啊~~~~
回覆刪除我第一次吃牛脷是姑奶的家,她煮得超好味(她說是在吉之島購買)係日本旅行時,食的牛脷都好好味. 前日係香港的日本餐廳食串燒牛脷,嘩賣相整到好似一條脷甘,味道難食(淋滋滋)
[版主回覆06/23/2011 17:42:00]多謝讚賞!
喺日本食過鹽燒牛脷，我個人覺得普普通通啦~ 喺香港反而無食過! 我始終比較鍾意有汁既食法，一係就好似太平館果既鹹牛脷!!
本身我好鍾意食豬/牛脷架, 買燒肉實叫佢搭一舊, 但自己整我就真係好怕, 汆 完水後幫佢起 脷苔時, 我真係覺得好核突. 不過鬼叫自己鍾意食咩!!
回覆刪除我通常用瑞士汁整, 因阿女都會食, 用紅砵酒燴, 煮後會唔會好重酒味呢?
[版主回覆06/23/2011 17:35:00]gimme5!!!!! 我超鍾意食燒豬脷呀!!!! 永合隆!!
平時買豬脷一係用來煲湯，一係整鹵水~ 妳起脷苔時只要集中唸住煮好時既美味，就覺得無咁核突架嘞!
其實用咩酒來做炆燉菜，煮好後都唔會有酒味架! 一煲野炆粒幾兩粒鐘，乜酒精都揮發哂啦!
您好~第一次黎~打個招呼先~ 你整碟牛脷好靚呀!好夠油水~~~ 我整親d食物都好似暗淡無光咁架~ 燴牛脷我以前好鍾意食架~但而家戒左 ~無得食~ 我最最鍾意食係 一齊炆果d紅蘿蔔同洋蔥呀~索哂d味~好正呀 !
回覆刪除[版主回覆06/23/2011 17:27:00]妳好啊AN! 歡迎妳~
多謝妳讚我整既牛脷! 其實有汁咪唔會暗淡無光囉~
唔食牛用豬脷來整一樣好味!!
omg, 製成品真係好正, 但見埋個製作過程就真係............
回覆刪除[版主回覆06/23/2011 17:24:00]哈哈~~~ 未煮熟既牛脷又的確係幾嘔心既!
牛利好食啊~不過要同佢剝皮好核突~~wakkakaka
回覆刪除[版主回覆06/23/2011 17:22:00]我覺得未剝皮既牛脷核突d! 因為似異形.....
自己一手一腳剝完皮後好有滿足感呢!
又係喎~可以試下用豬 脷~~ 我冇諗過tim~hehe 等我下次試下參照你個食譜黎整~ 好多謝你的食譜分享呀~對我呢d煮野唔叻的人真係好有用~ 圖文並茂又易明~ 仲有我想講呢~見到你張撕條牛脷d厚皮的相呢~我好想試下撕~ 因為我好鍾意做呢d野ga~係咪好變態呢..hehe
回覆刪除Thanks for your sharing!
[版主回覆06/23/2011 18:23:00]唔洗客氣!
Mr.T 食完依煲野話好正，佢叫我下次再整~ 我唸緊下次買豬脷來假扮牛脷 - 價錢相差好遠啊!
哈哈~~~ 其實某程度上我都叫做鍾意去牛脷厚皮架! 因為完搣哂成條脷d皮靚仔哂，會好有成功感呢!
未煮熟既牛脷個樣好唔掂,但俾你煮熟之後真係正好多,我睇到流口水
回覆刪除[版主回覆06/23/2011 19:32:00]我平時整慣豬脷，但見到條未熟既牛脷咁鬼大條，我都覺得好核突呢!
I dun mind eating that, but not to prepare ......looks horrible ....
回覆刪除[版主回覆06/24/2011 23:44:00]haahaa~ call me insane! actually i quite enjoyed preparing it!
好似好好味
回覆刪除[版主回覆06/24/2011 23:43:00]妳果碟都好似好好味啊!
真係好異形ge感覺~一眼睇落去以為係生物,原來係俐...
回覆刪除不過牛俐好似係日本好多人食~應該唔錯=]
[版主回覆06/24/2011 23:43:00]日本好多人食所以應該唔錯? 好奇怪既唸法......
鍾唔鍾意食一樣野係好個人既喜好來架嘛~
我都好怕食 內臟呢, 情況同Mr.T差唔到. 又係有一次我食過一碟鮮茄牛脷燴意粉, 其實係真係好好味. 不過當我中段時候知道佢係牛脷之後, 我就再唔想食, 係一種十分矛盾既感覺呢. 因為成碟意粉都好味到我想encore, 但係我又再放唔到佢入口. 哈哈. 好多朋友都唔明我哩種"好鍾意食鮮茄燴牛脷但係又永遠都唔會叫黎食"既情況
回覆刪除[版主回覆06/24/2011 23:41:00]咁似乎Mr.T 情況好過妳喎! 佢食完依餐之後叫我遲d再整過牛脷比佢食!
妳真係好心機整餸 , 衹係起皮都要一個小時 , 企到腳到攰了 .
回覆刪除[版主回覆06/24/2011 23:40:00]過獎嘞ak! 其實一小時都唔好耐啫，嘻嘻~~~
回覆刪除原來你係第一次整牛利﹐不過真係整得好有水準呀 ﹗ 如果唔係﹐你既Mr. T都唔會向內臟踏出第一步啦 。
[版主回覆06/24/2011 23:38:00]係呀~ 我第一次整牛脷咋，因為好少見到有牛脷賣! 暫時我只見過依間超市有得賣咋!
多謝Dai Fa Tung 讚賞! 我都好開心Mr.T 鍾意食牛脷，咁我以後唔洗因為就佢搞到自己都無得食嘞!!
You are very inch to your hubby. hahaha so funny! lol I am also like that. hahahahahahahahaha That massive 牛脷 looks very scary. LOL I mean before cooking. :) hahaha You are brave! I wouldn't like to prepare it. lol The presentation is great! :) Yum yum! I bet your hubby wants you to make it again.
回覆刪除[版主回覆06/24/2011 23:35:00]haha~ actually we're both very cheeky to each other!
yeah the raw ox tongue was quite disgusting! however i felt quite fulfilling after i finished preparing it!
Thank you Stella! and yes surprisingly Mr.T asked me to cook this again!
嘩...真係好多功夫喎....
回覆刪除初時睇你個標題都奇怪...跟住再睇到條脷後...我已估中咗答案....
我有個外國朋友又係吾食內藏架....但自從我介紹佢食過新鮮牛柏葉後...佢就愛上尼味內藏...
[版主回覆06/24/2011 23:18:00]哈哈~~~ 以前連試吓都唔肯試內臟既Mr.T，而家竟然鍾意咗食雞肝 + 牛脷! 仲唔係歷史性!!
反而牛柏葉我自己都係麻麻地~ 希望下次可以叫佢試吓牛肚!
当然系切薄片喇。。好好吃0架！记得试下喇。。
回覆刪除[版主回覆06/24/2011 23:16:00]Thanks Cindy! 下次BBQ 我一定會試吓~
肯去試 , 肯俾時間 , 肯去整 , 就實有好野食 但我未有勇氣 , 去試呢譠野
回覆刪除[版主回覆06/24/2011 23:15:00]我鍾意煮野食嘛! 鍾意煮就自然肯花時間~
其實我覺得條牛脷未汆水時核突d! 汆完水剝完皮後好有成功感!
我好鐘意食牛脷,尤其太平館的,而家盡量食素,無刻意唔食但又唔會專登走去食,有就食亦依然覺得好好食,但無想過牛脷是內藏.
回覆刪除[版主回覆06/24/2011 23:13:00]我都好鍾意食太平館既鹹牛脷! 過幾個月返香港時一定要帶Mr.T 去試吓!!
我屋企成家人都好鍾意食紅酒燴牛脷o架, 所以以前我都成日整! 不過依家屋企人少咗，食量又細咗(個個都話要健康只食七分飽喎)，整一次就要食幾日，搞到我都好少整lu! 不過見到你整又心思思好想食，今個weekend等我又炆返煲先!
回覆刪除[版主回覆06/27/2011 04:04:00]牛脷大條怕食唔哂既話可以試吓用豬脷代替! 依種濃味既菜分別應該唔會太大~ 不過上面依條咁大條，我 + Mr.T 2個人食咗2餐就無哂嘞......
我跟你買左對HUNTER﹐ 上年冬天落雪落到七彩﹗ 雪咁厚我仲俾人呃去探病﹗ 我成對鞋變成灰白色~
回覆刪除[版主回覆06/27/2011 04:02:00]妳有無買埋佢地出既cleaner 呀? 對鞋著過後放一排會有層橡膠腊浮面變白架，用cleaner 就可以抹走!
製成品真係冇食都覺得好好味 但過程真係有所保留!!! 好似要好大勇氣咁 哈哈
回覆刪除[版主回覆06/27/2011 03:58:00]未處理既牛脷我都覺得幾核突，不過最後成品真係好好味! 所以一番功夫都係值得既~
條利好......................................
回覆刪除[版主回覆06/27/2011 03:51:00]條脷係有少少核突既......
睇親你個blog, 我都忍唔住坐係個mon前爆笑!!!
回覆刪除你又成功咁樣改變左Mr.T的口味喇!恭喜你呀!
我超鍾意食牛脷同豬脷!但係估唔到原來整之前個樣真係有點恐怖同核突呀!哈哈哈! 搣出黎o個D皮好似塊膠布咁o既!?個樣真係好詭異呀!
多謝你的分享呀!令到我鍾意食之餘都知道原來個製作都幾煩呀!
[版主回覆06/27/2011 03:49:00]嘻嘻~~~ 我唸緊下次整牛肚比Mr.T 試吓!
係呀~ 未整既牛脷真係幾核突架! 成隻異形BB咁..... 豬脷我就唔覺得核突~
牛脷塊厚皮真係幾似橡膠質地架! 同豬脷完全唔同!
hahaha...你倆既對話好正
回覆刪除[版主回覆06/29/2011 22:45:00]我用心良苦想佢試吓牛脷嘛!
原來係咁 ~ 咁我要出去搵下先得﹐唔該晒~
回覆刪除[版主回覆07/03/2011 02:45:00]有hunter 賣既地方都應該有果枝cleaner 賣架!