紅蘿蔔無花果螺頭煲瘦肉; 柳丁醬油雞翼; 樹子炒蛋 & 蒜蓉白菜
，所以今餐仍然係紅蘿蔔無花果螺頭煲瘦肉!
柳丁醬油，其實即係混合咗橙汁既黑豆豉油~
話說台灣人見到日本生產柚子醬油，於是就開始研發柳丁醬油;
喺研發期間遇上一年台灣橙生產過剩 ，於是西螺既大同醬油就製造出柳丁醬油嘞!!
不過個人覺得柳丁醬油味道清淡，橙味亦唔突出~ 聞都會聞到少少橙汁味，不過煮完出來就完全無哂橙味!
雞翼仍然係好味既，不過就完全突出唔到柳丁醬油特別之處，所以今次唔出食譜嘞!
柳丁醬油味道比我想像中清淡好多，
我唸用來配燒魚、沙律、冷麵依類比較清鮮既食物會比較適合，等我下次試吓先~ 
香甜既樹子配只有胡椒粉調味既蛋液......效果出乎意料之外地夾!!
唯一美中不足係每粒樹子都有粒細細既核，要逐粒吐核都幾麻煩......
不過依個炒蛋就真係好好食 + 好好送飯~連最憎累骨 + 成日發夢話要發明一隻無骨雞 + 一條無骨魚
既Mr.T 都話依個炒蛋正，罕有地唔介意每食一啖累一粒核呢! 
紅蘿蔔無花果螺頭煲瘦肉食譜click here~ 樹子炒蛋食譜click here~
係英國都咁多變化 如果係香港咪仲勁 笨笨太大鄉里啦
回覆刪除[版主回覆06/10/2011 23:34:00]香港咁多食材，我可能樣樣都想煮，唔知煮邊樣先好......結果可能乜都無煮到!
因為你煮 Ｄ 嘢太好食啦。。。
回覆刪除連 Ｍｒ Ｔ 都唔介意 每食一啖累一粒核。。。
[版主回覆06/10/2011 23:33:00]咁應該係粒樹子好味，所以Mr.T 先唔介意食一啖累一粒核喎! 哈哈~~~~
你好叻叻呀。。。成日煮咁多好野食比老公仔食。。。。。 我就。。。。嗚～嗚～嗎～～～
回覆刪除[版主回覆06/10/2011 23:32:00]過獎嘞姬絲汀! 我煮既都係家常小菜，無咩難度架咋! 我煮到既個個人都煮到!
你地好厉害两个人可以吃3菜一汤+白饭
回覆刪除我最多一菜/一肉+汤+白饭而已。。就饱了
[版主回覆06/10/2011 22:54:00]我地一向都好大食 - Mr.T 大餸，我就大飯!
我每餐都盡量要有菜食，不過老公唔鍾意食菜，所以我多數會煮3餸，多d選擇嘛!
我家的老火湯都是飲二天,因為大鍋,飲不完,我媽天天煮飯,我很喜歡吃她拿手小菜,相信你老公喜歡吃你煮的美味飯菜,是吧!
回覆刪除[版主回覆06/10/2011 22:53:00]我食飯最好要有湯，就算唔煲，滾湯都照殺! 煲一煲湯要3粒鐘，咁緊係煲大煲d飲多餐啦! 慳電嘛~ (我屋企用電煮食爐!)
我老公餐餐一路食一路話好正，仲會不停讚我好叻又話佢自己好幸福......我唸佢真係鍾意我煮既餸啩!
試咗蒜蓉蒸魷魚仔啦 ---------好正呀!
回覆刪除不過自製咸旦唔成功呀 ----- 又唔咸, 個黃又仍然好似雞旦一樣, 激c呀!
[版主回覆06/10/2011 22:48:00]正呀呢? 係咪好鮮味呢? 我尋晚用魷魚仔乾來蒸肉餅!
妳d鹹蛋浸咗幾耐呀? 妳試咗幾多隻? 全部都唔得呀??
妳d鹹蛋浸咗幾耐呀?----- 30/4開始浸架
回覆刪除妳試咗幾多隻?------- 好似6隻
全部都唔得呀??----- 好似食咸雞旦囉! (而家剩番兩隻)
[版主回覆06/12/2011 03:18:00]咁妳一次過浸咗8隻呀? 妳用鴨蛋浸定雞蛋浸??
我浸咗咁多次，次次都好成功喎! 不過我每次只浸6隻，浸足一個月就食得，而且隻隻都起砂有黃油呢~
tks a lot~~~
回覆刪除[版主回覆06/12/2011 03:10:00]you're welcome!