星期日(6月26日)我同老公本來打算去果頭既湖區玩，不過是日天公不造美
，所以我地去咗The Hungry Monk 撐枱腳!
我一向都唔鍾意依個湯，但老公就好鍾意! (佢真係好奇怪 - 明明唔鍾意食菜，但佢就偏偏鍾意依個材料係菜既湯......
)不過今次依個Potato & Leek Soup 比我之前見過既濃好多杰好多，於是我叫老公比我試一啖......
雖然我唔鍾意Potato & Leek Soup，不過不得不講一句 - 今次依個的確係幾好味! 我飲咗幾啖呢~~~
嘻嘻~~~ 雖然我話過自己學識咗整雞肝醬後，出街食飯唔會再點雞肝醬.......不過果日見到個餐牌後又忍唔住!
碟雞肝醬來到後......哇~ presentation 靚到有少少唔捨得食佢呢!
依份雞肝醬好好食!
而且仲有一種好特別既aftertaste - 食完口腔喉頭會留有一種類似Parma ham 既香味，味道真係前所未有好特別!! 
老公試完一啖後都話好香好滑~ 佢叫我下次再整雞肝醬時試吓整埋個汁......
漢堡裡面夾咗隻流心煎蛋，老公話好正! 不過我無試到......
但老公唔鍾意coleslaw，所以比我食咗 - coleslaw 就好好味!
牛肉好大份 - 竟然有3大塊!!!
個gravy 好濃稠好好味，不過唔多夠gravy + 牛肉燒得少少太乾，Yorkshire Pudding 只得1個，好鬼細隻而且都係太乾......
但味道都係好味既，不過不失啦~
值得一讚既係The Hungry Monk 裡面每一個Waiter + Waitress 都超級有禮貌又好好笑容!
雖然唔係咩高級餐廳，但客人一入門口開始就會受到貴賓式招待!
最搞笑既係因為佢著住西裝，所以只曬到無西裝遮住既地方 - 所以兩隻手背曬到黑忟忟，手臂就白雪雪，好似帶咗對手套咁款!
大家留唔留意到Mr.T 既右手比左手更深色呢?
有無人知道點解?
碟燒牛肉真係好夠份量呀，食完唔使食甜品囉
回覆刪除[版主回覆06/29/2011 21:22:00]嘻嘻~~~ 其實我地一向出街食飯都唔會食甜品架! (buffet 除外! )
唔通因為你地個邊既車係右軚車...?? 我地呢邊係左軚車所以會同你老公掉返轉~xdd
回覆刪除[版主回覆06/29/2011 21:21:00]全中! 不過無唸過兩隻手分別咁大.......
個雞肝醬見到都覺得好滑....
回覆刪除朋友仔都係右手黑 d...
我唸係 d 太陽由個曬窗入....!!
[版主回覆06/29/2011 21:21:00]係呀~ 個雞肝醬真係好滑滑呢~~~
係就係太陽由窗曬入來，不過我係問點解右手深色過左手呀?
Uk drivers sit on RHS , that's why , I think. I love yorkshire pudding and roast beef !
回覆刪除[版主回覆06/29/2011 21:19:00]100% correct!
this one was just so so, too dry~ i can make better roast beef and yorkshire pudding!
今次忍唔住留言啦!!! 我想大叫"你老公食黎食去都係果d, 我淨睇唔食都覺得好悶呀 " " 你老公真係好專一既姐~咁都係一件好事!!!!
回覆刪除哈哈~真係好似帶左手套呀, 好爆呀! 不如叫你老公揸車果陣真係帶對手套黎揸呀! 唔洗越曬越黑呀嘛!
[版主回覆06/29/2011 21:17:00]我唸Mr.T 打算試勻哂所有我地去過餐館既burger.....
之前我地去西班牙，Mr.T曬到一身tan，我覺得佢好型仔架! 不過而家得個頭 + 對手，感覺超級怪雞!
你老公唔单只双手黑 连块脸都系
回覆刪除而你就白雪雪 滑溜溜。。
[版主回覆06/29/2011 21:13:00]係啦! 總之凸出西裝以外既地方都曬到黑哂，怪怪的.....
我鍾意白皮膚 - 一白遮三醜嘛!
而家d太陽真係唔晒得
回覆刪除[版主回覆06/29/2011 21:11:00]其實我依邊成日天陰，已經無咩陽光架嘞! 可能我老公個人易曬黑??
Mr.T 既右手比左手深色，我估因為Mr.T 用左手拿電話，右手揸軚盤所致，係咪？等你開估呀！
回覆刪除[版主回覆06/29/2011 21:10:00]妳指一路渣車一路左手拿電話? 唔可以一路渣車一路手拿電話咁傾果喎，係犯法架!
其實係因為英國右駄車! 加上老公返工時太陽由右面射入來; 放工時反方向行車，不過太陽落山又係由右手面射入來! 所以曬到咁怪雞......
Mr.T對burger真係情有所鍾 我估妳地係右軚車
回覆刪除[版主回覆06/29/2011 21:08:00]我懷疑Mr.T 知我唔嗜burger 所以特登點，等我唔可以分一杯羹!!
無錯! 就係右駄車嘞~ (不過估中無獎! )
今次我對妳既主菜 Roast Beef & Yorkshire Pudding 好有興趣
回覆刪除但係妳老公毫無驚喜既主菜其實我都鍾意
[版主回覆06/29/2011 21:06:00]個燒牛肉我自己整比依份好味! 肉同yorkshire pudding 都太乾嘞~
因為單手剩係用右手揸軚盤, 所以曬得深色D?
回覆刪除[版主回覆06/29/2011 21:06:00]唔係~ 而係英國係右駄車! 加上老公返工時太陽由右面射入來; 放工時反方向行車，不過太陽落山又係由右手面射入來!
Mrs T, 妳媽媽上左報紙, 仲要比妳偶像封左做"金魚街狄波拉", 快D開黎睇^_^ http://the-sun.on.cc/cnt/entertainment/20110629/00470_008.html
回覆刪除[版主回覆06/29/2011 21:04:00]睇咗嘞ilovebobo, thanks for letting me know!
其實校長改咗依個朵比V媽媽已經好耐架嘞!
因為隻右手近窗所以比較易曬黑D? 其實我2隻手都有深淺色 都係右手深色過右手 不過無MR T咁嚴重 珮夫人
回覆刪除[版主回覆06/29/2011 21:01:00]無錯! 我地依邊係右駄既~ 妳果邊係左駄定右駄架?
妳果邊時時好太陽嘛! 無唸過蘇格蘭成日天陰陰都佢到會曬到咁怪雞......
因為右手揸軚?
回覆刪除[版主回覆06/29/2011 21:02:00]當妳啱啦! 因為英國係右駄車!!
個 chicken liver pate 好吸引呀
回覆刪除[版主回覆06/29/2011 22:15:00]係呀~ 個賣相幾鬼靚呀! 口感仲好滑滑呢~~~~
澳洲都係右軚咖 天陰陰D紫外線先勁呀 男友有好多次見天陰陰唔搽防曬走左去釣魚 之後返到來就燶左啦 珮夫人
回覆刪除[版主回覆06/29/2011 22:32:00]OIC!
其實之前我同老公去西班牙一星期，佢曬到好tan，果時我覺得佢好鬼型仔架!
不過而家曬到得個頭 + 對手.....感覺好怪雞!
你碟雞肝醬既賣相真係好靚呀~ Coleslaw 我都鐘意食~ 你老公真係好似唔多肯食菜啵~ 不過你整蟹籽沙律佢又唔抗拒WOR~
回覆刪除[版主回覆07/03/2011 02:43:00]係囉~ 唧哂花咁幾鬼靚! 靚到有少少唔捨得食!!
依個coleslaw 好好食，我老公不嬲都唔食coleslaw，益咗我!
緊係啦 - 蟹籽沙律有蟹柳嘛! 佢好鍾意食蟹柳架!!