台式鹽酥雞; 吻仔魚乾煎蛋 & 雞油炒菜心
本來今餐想煲個豬肚湯，不過前一晚唔記得喺冰格攞個豬肚出來溶雪!
好老實我真係無唸過依個第一次整就會咁成功!
因為我無唸過咁簡單既材料 + 做法，竟然真係會做到100%既台灣小食既味道!!
通常我試做一樣新菜，第一啖會先比Mr.T 試味~
當Mr.T 尋晚試咗第一塊鹽酥雞後，
照平時一樣誇張地大讚好味! 可能比老公讚得多我已經麻木哂(禾好囂張啊!!
)，當時我反而覺得: 唓~ 都唔知係咪真係咁好味?
於是我趕緊夾一塊試吓自己手勢......
哇~ 真係好好食喎!!間中去愛丁堡既台灣小餐廳Meadowood Cafe，我幾乎一定會點佢地既炸雞飯(其實即係鹽酥雞飯!
)不過我唸以後再去Meadowood，我會點其他食物咯!
因為Mr.T 話我整得好食過Meadowood......
爆香咗吻仔魚乾後先落蛋液去炒，食起來鹹鹹香香好餸飯~
今次包菜心好鬼大棵又好粗!
大棵菜心我一向白灼唔會用來炒~
忽發奇想 - 不如試吓用雞肥膏來炒菜咯! 
先將雞肥膏炒出雞油，落菜心去炒，再落少少雞粉調味，連蒜頭我都唔記得落......
碟菜心竟然好香好好食!
我以後一定要善用雞肥膏!!
台式鹽酥雞食譜click here~ 吻仔魚乾煎蛋食譜click here~
(Empty)
回覆刪除[版主回覆06/24/2011 23:00:00]Thanks 月兒!
P.S. 妳收到樽鹽未呀?
good
回覆刪除[版主回覆06/24/2011 22:59:00]Thank you 靚仔oscar!
Very good ! I like your dishes !
回覆刪除[版主回覆06/27/2011 04:46:00]Thank you very much Eddy!
太好了~我成日整雞都多左好多肥膏出黎 現家你試過知用雞油炒菜好食~咁我下次又試試先!!! 上次試過豬油ok~下次試雞油~!!!!
回覆刪除[版主回覆06/27/2011 04:45:00]用得唔好嘥嘛! 雞油炒菜真係好香好好味~~~~
我無試過用豬油炒菜~ 豬油我只用來搓包、炒粉麵、撈飯! 最近買咗樽鵝油，早兩日試過用來炒菜，又係好香好好味! 有興趣買來試吓吖~
唔係呢~ 你果D魚細D﹐ 似我網上睇到果D多D啵~ 哎﹐我岩岩先有D頭緒﹐ 依加你一話係白飯魚﹐ 我又冇晒頭緒喇 ~
回覆刪除[版主回覆06/27/2011 04:43:00]我依隻其實即係細條既白飯魚曬乾!
係喎~ 我買咗樽鵝油呀! 早兩日試過用來炒菜，哇~~~ 香到不得了! 好正啊~~~~ 多謝介紹呢!
噢﹗我依加明喇 ﹗ 原來 魩仔魚非指一種魚類， 而是數十至數百種類的魚苗之總稱。 不過其實我仲係唔係好明呀 ~ 魚類既野實在太多名喇 ~
回覆刪除[版主回覆06/27/2011 04:41:00]無錯! 我當初同妳有同一疑問 - 點解吻仔魚有大有細既?
但台灣人指既吻仔魚多數係上面依種囉~
妳咩都識整又整得好食其實都唔駛出街食飯真係羨慕Mr.T
回覆刪除[版主回覆06/27/2011 04:39:00]過獎嘞~ 我唔係咩都知識整架! 而且有時我都好懶，我都鍾意出街食飯架!
哇，好犀利啊～！好想試啊！
回覆刪除[版主回覆06/27/2011 04:38:00]過獎嘞Vicky! 家常小菜來啫，唔難整架~ 更加唔係好犀利呢!
Mrs T, 你好，今天（25/06）已经收到你寄来的东西了，因为今天我一大早就带女儿去上中文课，没遇上邮差，今天就只收到一张卡。等星期一就马上去拿。
回覆刪除[版主回覆06/27/2011 04:37:00]OIC~ 知道妳收到就得嘞!
雞肥膏炒菜! I'm drooling.....
回覆刪除[版主回覆06/27/2011 04:36:00]用雞肥膏來炒菜真係好香好好味呢!
我依個哎呀台灣人見到妳整我既至愛真係佩服得五體投地
回覆刪除[版主回覆06/29/2011 20:46:00]鹽酥雞? 咪玩啦~ 我唔信妳唔識整依個!
魚乾仔我都好想試食~ 我都覺得鵝油好香好好味呀~
回覆刪除[版主回覆07/03/2011 02:44:00]果樽鵝油就咁聞都已經好香! 反而豬油要煮溶咗先至香~
讚讚讚
回覆刪除[版主回覆07/16/2011 03:28:00]謝謝謝!