紅蘿蔔無花果螺頭煲瘦肉; 泰式醬蒸雞; 香煎福壽魚 & 蒜蓉炒菜心
尋日6月6日係端午節，
大家有無食粽、睇扒龍舟or 游龍舟水呢? 我3樣都無呀!
我由細到大都唔鍾意食粽
，所以我都無試過包粽，端午節既晚餐就同平時差唔多- 一樣係家常小菜!! 
先講返上星期四果餐先......上星期四(6月2日)係農曆五月初一 - 我第一日正式開始實行
初一十五食花齋既日子!想試吓間中食吓齋已經有一段日子，喺香港都話可以隨時去寶蓮寺，不過喺英國就要顧及Mr.T 依隻食肉獸，所以遲遲未下定決心去實行......
為咗有規律地去進行依件事(有規律就唔會輕易放棄嘛!
)，我揀咗每月2次初一十五定時定候食齋~好感動食肉獸Mr.T 堅持決定同我一齊食花齋......
同佢講過我一個人食就夠，不過佢話想陪我 + 唔想我食齋既日子一餐要分開2次來煮咁辛苦!
今次試咗依隻上次喺愛丁堡台灣美食節買既花生麵筋......
只得幾粒花生，幾乎全部都係麵筋......正!
因為我麻麻地花生~個人覺得依罐花生麵筋好好食，但略嫌甜咗少少，不過配白飯唔錯!
講返尋晚端午節果餐嘞.......本來唸住淮山杞子煲螺頭瘦肉，不過去買餸時神推鬼擁買咗4條紅蘿蔔!
返到屋企問自己: 我買紅蘿蔔來做乜呢?
感覺紅蘿蔔同淮山杞子唔多"啦間"......
啖湯超級甜超好飲呢~~~~~
想食白切雞......
黃油雞脾蒸熟，順手搞掂埋半枝蒸雞醬!!
已經想試福壽魚好耐架嘞!
福壽魚喺台灣好受歡迎，台灣人叫佢做吳郭魚~ 好多時睇台灣人既網誌食譜，見佢地用好多唔同方法去烹調，又大讚吳郭魚點點點好味......
真係睇到我流哂口水呢!!
其實間中都見到Tesco 魚檔有red tilapia 賣，但個樣大多好核突 - 即係放喺冰上面d眼凹哂，魚鱗又乾哂咁款......
見到就唔開胃，真係送比我都唔要，莫講話要我比錢買!
(註: Red Tilapia - 紅色品種既福壽魚，又名紅尼羅魚、紅郭魚 + 埃及紅魚; 外表同普通黑色種福壽魚差唔多~)
星期日去泗和行買餸，魚檔有個大缸放滿大大條生猛游水黑色種福壽魚，而且價錢相比起其他已經死咗瞓緊冰既魚來講算好平 - £5.50/kg，即時有少少心思思......
當我行埋魚檔睇吓仲有咩其他魚時，
見到有條眼凸凸好靚仔既福壽魚既瞓緊冰!問吓魚檔阿叔係咪魚缸裡面果d，阿叔話係~ 而且條魚幾粒鐘前先瓜老襯，所以仲好新鮮靚仔，佢仲掹開魚腮比我睇，真係紅卜卜喎!
我即時作出一副思考狀，即係咁既樣 -
!!阿叔見狀就主動話平d賣比我~ 我依招無聲講價又成功咗嘞!
嘻嘻~~ 
煎魚時我仲要用2個鑊剷先剷得起成條魚......
福壽魚雖然係淡水魚，不過一d腥氣都無!
魚皮香脆得來，魚皮 + 魚肉之間仲有一層黏黏既膠質(膠原蛋白)，多食皮膚可變靚靚......正!!
咁鬼大條魚我 + Mr.T 2人包辦成條搞掂哂! 可想而知依條魚幾好味呢~ 唔怪之台灣人咁鍾意食福壽魚，
仲唸到大咋烹調福壽魚既方法啦!咁依條咁物美既福壽魚究竟有幾價廉呢?
因為啱啱瓜咗老襯唔係游水，魚檔阿叔計平我，盛惠£3.77 (約$48)!
題外話......
請問各位潮人 - 上面依對叫做FiveFingers 既鞋係咪好興?
最近網上頻頻見到佢!
據我所知依對野其實係一對跑步鞋來~
撇開其功能性......個人覺得依對野真係醜到離哂譜!
星期日喺泗和行魚檔，見到有個男人真人示範演繹依對鞋......
對方仲要著住條四個骨褲單車褲!!
紅蘿蔔無花果螺頭煲瘦肉食譜click here~ 香煎福壽魚食譜click here~
講真 , 我見到對鞋 , 會有 D驚囉 !
回覆刪除[版主回覆06/08/2011 21:34:00]攞把刀行住我條頸都唔洗旨意我會著出街!
有時食下齋都幾好吖清清地．．．．
回覆刪除我對對鞋無好感．．．應該話覺得有 ｄ 恐怖．．．
[版主回覆06/08/2011 21:33:00]果對鞋係恐怖! 我見到著住佢果個男人個樣都差唔多......
係呀係呀! 對鞋醜到可怕 , 以前見到D有腳趾形的襪 , 我已憎到不得了 , lee 對鞋見到真係想第一時間消滅佢!
回覆刪除[版主回覆06/08/2011 21:27:00]妳只睇我貼張相已經咁大反應，我唸如果妳好似我果日咁親眼睇到人著，可能妳真係會走埋去剝咗佢對鞋來消滅佢! (實物仲加恐怖呀!!!!!)
而家有D所謂fashion, 真係睇到都驚...喺香港, 著boot開始變到一年四季都有人著...今日見位'太太', 著背心加短裙, 重要加水靴...佢可能覺得自己好潮, 但我見到真係O晒咀...
回覆刪除[版主回覆06/08/2011 21:25:00]水靴我覺得靚架! 因為我自己都有2對~
咁當然仲要睇吓咩款式、襯唔襯自己 + 點去配搭啦!
紅蘿蔔同淮山杞子其實是好夾的，仲可以選擇加埋其他食材，例如沙參、玉竹、茨實、薏米、粟米等，非常甜同好味架 ，下次不防試試吖！ 我都是食肉獸呢架！曾經想過間中食素，不過都無實行，等我試下用妳個方法試下先，希望成功啦。
回覆刪除[版主回覆06/08/2011 21:24:00]其實因為我一向煲開紅蘿蔔多數都會放南杏北杏，但放南杏北杏又唔會放淮山杞子.....所以我個人感覺紅蘿蔔唔夾淮山杞子啫! 妳講既其他組合我反而覺得無問題喎~
人始終有隋性，如果無定下有規律既日子，就可能會有"過多幾日先啦"依類藉口......結果最終完全無實行到! (我之前就係咁架嘞! )
對鞋點止醜..我直頭覺得恐怖 ~
回覆刪除[版主回覆06/08/2011 21:19:00]同意~ 見到實物妳會覺得仲加恐怖呀!
妳個湯好正一定好甜
回覆刪除[版主回覆06/08/2011 21:18:00]係呀~ 係好好好甜呢!
煎魚又香口又美味 正呀
回覆刪除[版主回覆06/08/2011 21:18:00]福壽魚肉厚得來嫩滑，真係好適合用來煎呢!
對方仲要著住條四個骨褲單車褲!! <---I saw that on the street the other day too...I looked at him and his "shoes"...and I was so speechless...
回覆刪除[版主回覆06/08/2011 21:17:00]when i saw that guy, i asked Mr.T what the hell is he thinking......by using my eyes!
def the ugliest shoes ive ever seen in my life!
原來呢條叫福壽魚, 食過好食, 但係唔知係咩, 講唔返比魚檔知, 因為次次都係魚檔阿姐見邊條靚就比我, 所以好多時都唔識分係咩魚.
回覆刪除(對鞋真係好恐怖下)
[版主回覆06/08/2011 21:13:00]哈哈~~~ 妳買魚都唔知自己買咩魚咁搞笑既!
無錯~ 我喺網上見到依對鞋只係覺得好核突，但當見到真人示範時，真係覺得好恐怖!!
哈哈~对鞋真系劲潮呀！我第一次见喳~
回覆刪除[版主回覆06/08/2011 21:11:00]我依d師奶真係唔識欣賞依對潮鞋......
福壽魚原來係咁既樣, 煎完出黎個樣好得呢! 個皮好卜卜脆咁, 等我又揾下有冇RED TILAPIA先~~
回覆刪除對鞋...唔知講咩好, 真係好核突, 完全諗唔到係會有人買喎, 佢個腦諗咩呢?
[版主回覆06/08/2011 21:10:00]係呀~ 煎完出來個皮好香脆架! 而且魚肉厚啖啖肉仲好嫩滑呢!! 完全愛上咗福壽魚~
福壽魚唔一定係red 架! 我依條就係black tilapia 嘞~
我網上睇到依對鞋已經覺得超級核突! 估唔到現實真係有人買來著，而且仲唔平果喎!! 見過實物仲加核突!!!
Hi V 女, 吳郭魚真係又平又好味架, 我通常都用來紅繞架....
回覆刪除[版主回覆06/08/2011 21:06:00]真係好開心喺英國都食到又平又好味既鮮魚!
我見台灣人食吳郭魚真係好多花款! 最常就係紅燒，又有五柳又有樹子蒸......我以後會多買吳郭魚試唔同烹調方法!
hahah 我上年去美國第一次見到呢對有腳指既鞋,覺得超樣衰呀! 有冇人著架呢?
回覆刪除淮山杞子唔答紅蘿蔔？我唯一識煲既湯就係紅棗杞子紅蘿蔔+豬骨/ 肉啦...
[版主回覆06/08/2011 21:03:00]我咪親眼見到有個男人著囉......
因為一向煲開紅蘿蔔多數都會放南杏北杏，但放南杏北杏又唔會放淮山杞子.....所以我個人感覺紅蘿蔔唔夾淮山杞子啫!
E..花生麵筋OK WO 等我買番2罐係屋企試下先 珮夫人
回覆刪除[版主回覆06/10/2011 23:55:00]雖然係甜咗少少，不過我覺得幾好味!
Mrs.T見到你個湯，突然發覺呢排真係好似好耐冇咩湯水落過肚tim~~睇到我流哂口水！
回覆刪除你呢招思考無聲講價真係十個得呀!!等我有機會又試下先!
我見到呢對鞋同你段野,又忍唔住對住個mon 笑左出黎 真係好肉酸呀!!
[版主回覆06/10/2011 23:51:00]咁就快d煲返啖湯飲吓啦!
哈哈~~~ 其實條魚由游水到dead 咗，我唸阿叔都想快d賣走佢!
果對所謂鞋......我真係從來未見過一對咁核突既鞋!!!
睇扒龍舟和 游龍舟水我都無呀!我係琴日食左個粽,我都幾鐘意食,不過胃唔係太好,所以難消化的食物我都盡量唔食,當日好熱鬧,我仲係網度見到人地龍舟比賽,年年都有,而且都不少人看!唔知外國個邊係點既呢?
回覆刪除[版主回覆06/10/2011 23:47:00]我由細到大都唔鍾意食粽既!
以我所知往年英國有d大埠會有龍舟比賽，不過我都唔知今年有無? 始終依個都係中國人既節日，但又唔似得中國新年咁出名，好多洋人都未必知道有端午節~
原來你亞超有魚檔架?~ 我覺得對鞋唔得既 ~
回覆刪除[版主回覆06/27/2011 17:54:00]係呀~ 不過得一間亞超有魚檔咋!
對鞋實物仲加恐怖呀!!! 我無可能接受到任何人著依對鞋!