日本 - 照燒三文魚 (Teriyaki Salmon)

1. 連皮三文魚2件(去骨)，灑上少許海鹽靜置30分鐘待出水。

2. 照燒汁: 日式醬油100ml、味淋Mirin 4湯匙、清酒Sake 4湯匙、糖2湯匙和薑汁2茶匙 - 全部材料拌勻備用。

3. 將三文魚上海鹽沖淨，用廚房紙抹乾三文魚。

4. Grill pan 掃上食油燒熱，三文魚裹上一層薄薄麵粉。

5. 放入三文魚先煎魚皮一面，煎至兩面金黃。(將三文魚放入grill pan 前要將多餘麵粉拍去! )

6. Sauce pan 將(2)之照燒汁煮滾，將(5)的三文魚放入汁內2 - 3分鐘，至汁變稠和包裹著全塊三文魚即成。

NOTE

- 我用grill pan 來煎三文魚，因為一來我鍾意果種類似炭燒既香味;

- 二來grill pan 既坑紋可以隔開煎三文魚時流出來的魚油汁~

- 三文魚既魚油會令魚肉帶腥氣，所以我另用一個sauce pan 來煮照燒汁!

(我唸無人會用grill pan 來煮汁咁笨啩!!??  盞洗餐死喎!!!)

- 如果你 / 妳唔用grill pan ，打算只用一個煎鑊搞掂哂既話，Step (5) 煎完魚時要先倒走煎魚油 + 用廚房紙抹乾淨先好再煮照燒汁呀! 咁整出來既三文魚就唔會腥架嘞!