V媽媽告知譚校長是日又去逛金魚街，
今次仲同佢 + 一位我從小認識既auntie 影咗張合照，
校長講到明張相會放上網~
由於張相係用校長既手機影既 (我估應該係iphone!)，
V媽媽於是派我留意張相何去何從......
以我估計2個最大可能性係Facebook + 微博!
果然不出我所料......
尋日一早起身已見到有網友留言話我知 - 校長貼咗張相喺微博;
跟手我check 埋校長既FB......中哂! 
啱啱又有網友話我知 - 張相今日上埋"太陽報".......
V媽媽聽完我報告後，
佢除笑爆咗個咀之外
，仲託我向大家澄清一樣野......
"金魚街狄波拉"依個朵，
其實並非如校長所講"她們自己介紹說"!
只係因為V媽媽英文名叫做"Deborah"，
校長打趣幫V媽媽起咗個朵啫~
認識我比較長時間既網友都應該知道，
校長係我從小由幼稚園開始既偶像!
(可見我細細個已經非常有品味! 嘻嘻~~~~
)多年來除咗睇校長演唱會之外，
我有幸喺V媽媽既店見過校長3次~
詳情請睇前文!
有緣碰見自己偶像可以面對面交談，機會可遇不可求!
不過我覺得自己真係好無用....... 
因為雖然校長完全無巨星架子超nice 平易近人， 不過無論係我以前只得十幾歲，
抑或而家三張幾，平時咀"gel gel"既我，
一見到校長就只識碌大雙眼啞口無言......
不讓V媽媽專美，所以我又唔執輸upload 咗張我同校長既陳年合照上FB......
有朋友搞笑地留言 - "你係金魚街狄波拉之女，即係金魚街婷婷!"
咁......Mr.T咪即係金魚街安志杰?
佢地2個都係叫做Andy 呢!! 
11111111111111111111111
回覆刪除[版主回覆06/29/2011 21:28:00]
叻 叻 叻 叻 叻 叻 叻 叻 叻 叻!
你係金魚街狄波拉之女
回覆刪除[版主回覆06/29/2011 21:27:00]
V 媽同你個朵好響呀
回覆刪除[版主回覆06/29/2011 22:07:00]我係二打六來架咋!
好搞呀 ﹗你媽媽係狄波拉﹐你係婷婷﹐而你老公又真係Andy。
回覆刪除[版主回覆06/29/2011 22:07:00]得啖笑!
haha 又真係甘啱叫Andy
回覆刪除[版主回覆06/29/2011 23:02:00]就係咁啱得咁橋!
真係< 咁啱得咁橋 > 喎！ 除咗< 碌大雙眼啞口無言 >個心肝仔有冇卜卜跳咁呢？
回覆刪除[版主回覆06/30/2011 16:27:00]直頭成個懷春少女咁款，心如鹿撞 + a butterfly in my stomach 呀!!!!
你Honey似安志杰都唔错呀！
回覆刪除靓仔又打得（功夫了得）
[版主回覆06/30/2011 16:23:00]我覺得我老公靚仔過安志杰喎!
而且我老公夠係跆拳黑帶 + thai boxing 咯~
唔知我幾時先會有機會見到阿倫
回覆刪除[版主回覆06/30/2011 16:21:00]得閒去金魚街逛吓呀!
勁呀！
回覆刪除[版主回覆06/30/2011 16:20:00]係勁搞笑就真!
依家D明星好少咁無架子囉~
回覆刪除我唯有安慰自己...我既偶像要同我保持一定距離先有神秘感...哈哈哈
[版主回覆06/30/2011 16:20:00]以前果咋明星全部上哂神枱多數都好有class 無架子; 而家果d所謂明星根本毫無星味，上親娛樂版大部份都係唔好既新聞.....
< 我覺得我老公靚仔過安志杰喎 > 哈哈，我絕對同意囉！
回覆刪除[版主回覆07/03/2011 02:32:00]喺我心目中，我老公永遠係第一位最靚仔既!
原來妳都係校長fans 佢係我由細到大嘅偶像嚟架
回覆刪除[版主回覆07/03/2011 02:31:00]係呀~ 我由幼稚園已經好有品味，做咗校長粉絲架嘞!
校長既facebook今日又見到V媽媽呀！
回覆刪除[版主回覆07/03/2011 02:30:00]係囉~ 原來果日譚校長又去金魚街!
講真～妳有張相真係好似婷婷架，係左上角第一張呀
回覆刪除[版主回覆07/03/2011 02:29:00]左上角果張唔係相來，係公仔來架肥媽咪!
I'm loving it!!!!
回覆刪除[版主回覆07/03/2011 02:28:00]im loving her!
金魚街狄波拉
回覆刪除[版主回覆07/03/2011 02:28:00]或者係金魚街拉姑!
我同你一樣對住偶像都係會講不出話~ 對住我有Crush on 果D 人都係 ~
回覆刪除[版主回覆07/03/2011 02:27:00]我對住自己鍾意既人反而唔會講唔出說話，因為我鍾意得一個人，一定係已認識咗一段時間，已經有一定程度既認識同了解~
譚校長真係好平易近人!
回覆刪除[版主回覆07/03/2011 02:25:00]譚校長全無架子，所以佢先會咁成功咁受fans 歡迎!
係妳honey載住綠色帽嗰張喎
回覆刪除[版主回覆07/05/2011 17:38:00]哦~~~~~ 肥媽咪妳話我老公帶綠帽!!!!!!!
不許人間見白頭，介紹譚校長用美源髮釆啊！
回覆刪除[版主回覆07/05/2011 17:37:00]Honey姐~ 譚校長個頭唔係白髮來架! V媽媽話佢染咗一種類似灰既淺藍色呀!
哈哈~你地一家無啦啦升格左做明星WO!
回覆刪除[版主回覆07/05/2011 17:35:00]V爸爸同我都無啊!
今天天氣好 , 心情會更好 , 亞Mag特前來 , 向 V 女 問好 !
回覆刪除[版主回覆07/05/2011 17:35:00]Hi Maggie! 我依邊近排天氣都好好呀，不過少少太熱所以好懶update blog~ 不過心情超靚，大家都要keep 住好心情啊!
你同婷婷一樣咁索。我幾鍾意婷婷架，覺得好好有格
回覆刪除[版主回覆07/05/2011 17:33:00]緊唔係! 婷婷身材咁好，我.......
我都幾鍾意婷婷，外表身材均索~ 廣東話少少唔正好cute，把聲又好聽，談吐大方!
尋日係附近落車,同朋友去食菠羅油同燒鵝,心諗會唔會見到V媽媽,跟住見到有人係度切哈蜜瓜,心諗唔通有生果店,一睇原來係V媽媽. (希望無認錯人)
回覆刪除想問聲你用既焗爐係邊隻,我唔知應該買TEFAL定DELONGHI好.......呢兩隻你有無用過呀?
[版主回覆07/11/2011 16:48:00]哈哈~~~ 等我一陣問吓V媽媽係尋日係咪食過哈蜜瓜先!
我兩個都無用過呀~ 我由以前讀書時租屋開始，到而家自己屋企一直都係用一大座坐地連爐頭果種大焗爐架! (如果唔係邊度燒到成成火雞呢? )
Tefal 係法國牌子 + Delonghi 係意大利牌子~ 兩個牌子都唔錯，我個人傾向Tefal 多d!
早兩日經過金魚街,終於見到你媽媽,"V 媽狄波拉"哈哈!!
回覆刪除[版主回覆10/21/2011 02:31:06]=)
Mrs.T
回覆刪除我今日經過果個好似V媽?食緊蛋撻!
[版主回覆10/26/2011 02:09:13]今日睇到妳個留言時咁啱同佢傾緊電話，我問佢今日有無食過蛋撻，佢話有! XDDD