2011年7月4日星期一

Isle of Arran 一日遊 (2011年6月30日)


上星期四(6月30日)老公休息,見依排天氣好好,於是我地搭船去咗離島Isle of Arran 玩咗1日!

 一早起身去pub 食咗個有史以來等咗最耐既早餐  - 10.26am 落咗order,竟然等到11.00am 有野食!!

拿拿淋食完早餐即刻飛車去碼頭 - 班船12.30pm~ 我地渣埋架車過去,理應要早30分鐘check in,不過我地12.15pm 先到碼頭......

好彩一早買咗船飛 + 碼頭阿姐好人比我地過啫!

 船飛好鬼貴啊 - 架車 + 2個人total 要£82.20 - 1030HKD!!

 我地就係搭依架船嘞!

 開船嘞! 藍天白雲天氣好好啊~

 出邊太鬼大風! 吹到頭都甩咁滯......

 都係裡面舒服好多!

大約50分鐘後就到咗Isle of Arran~

Isle of Arran 唔算好大,一路上風景好靚,周圍都望得見大海,心曠神怡!

以前一直以為天鵝只會喺淡水湖邊出現!  原來鹹水海邊佢地都啱果喎~

 依pair 天鵝好鬼sweet~ 睇吓佢地連視線都好一致,夫唱婦隨! 哈哈~~~~~

 半路上見到依間Torrylinn Creamery - 顧名思義係賣奶類製成品!

 裡面有個大玻璃窗,可以睇到工廠裡面製造芝士既過程! (不過唔比影相......)
可惜我地來遲一步 - 工廠早15分鐘已經收咗工!

 老公買咗1杯雲呢嗱雪糕~ 依杯雪糕好好味 - 無咩雲呢嗱味,反而好重奶香味!

食完雪糕繼續上路......

 突然有群羊咩咩攔路......

 行近影羊咩咩,點知我一禁制佢就......

 終於到達我地既目的地King's Cave - 一個有好多天然山窿既海邊~

 泊好車先要行一段山路 - 上完山再落山,之後沿住小路到海邊~

山路沿途漫山遍野開滿紫色野生heather......


 行吓停吓大約1粒鐘就到咗海邊!

King's Cave area 有太多山窿! 我地只夠時間睇咗其中3個~
先爬上小山坡搵到依個窿中有窿......

 依個就係"窿中窿"嘞!

 "窿中窿"裡面好大,最少可以擺到10圍!
不過裡面太濕又太黑,我無膽捐入去......

 裡面生咗好多野生山蘇呢!
依個山窿大到可以開燒烤場......

 我唸喺原始人時代一定係豪宅呢! 哈哈~~~~

 依個又黑又窄又滴水,我有"幽閉恐懼症"! 我真係無勇氣行入去......

 依間"超級豪宅"......

 "豪宅"盡頭有個壁畫十字架,根據旅遊小冊子係古代遺跡~

 山窿外大太陽,但山窿內陰風陣陣,日光日白都好恐怖~~~~~~

 老公渣機依張相雖然over exposed 又濛查查,不過我覺得好型!

擒高擒低行濕地爬石......搞到一腳都係泥!
係時候回程嘞~~~~~
回程時再沿返來時既山路行粒幾鐘返去入口......

 無意中發現樹叢暗處生咗好多菇菇~

 咁鬼鮮艷一睇就知係有毒架啦!

 Amanita Muscaria - 毒蠅傘,又稱毒蠅鵝膏菌、蛤蟆菌; 英文俗稱Fly Agaric 或 Fly Amanita,係一種含有神經毒性既真菌,會令人產生幻覺~
(Source: http://en.wikipedia.org/wiki/Amanita_muscaria)

回程返碼頭搭船返去Main Scotland......

 水裡面好鬼多紅色水母啊!!

 開船嘞! Bye bye beautiful Isle of Arran......


平時完全唔做運動既我,是日上山下海行崎嶇山路行足大半日,返到屋企又攰又餓......

 牛扒飯 + 西蘭花做晚餐~ 吸咗一日新鮮空氣,好好瞓呢!

  Isle of Arran 帶返來既紀念品!





16 則留言:

  1. 個度D風景真係好靚ar~~ 空氣應該好清新~唔似香港又熱又焗~ 一出到去成個蒸爐咁~
    [版主回覆07/05/2011 17:29:00]係呀~ 果度風景真係好靚! 果日天氣好好又大太陽,山路難行行一陣已經成身汗! 不過一入到山窿裡面即時變到好清涼,天然冷氣呢!
     
     

    回覆刪除
  2. 这岛的风景好漂亮, 我们打算这summer 去cornwall, 你去过了吗??
    [版主回覆07/05/2011 17:27:00]我無去過Cornwall 呀~ 不過睇電視見過,近海邊好多海鮮美食呢!
     
     

    回覆刪除
  3. 出去離島遊山玩水 好開心呀
    [版主回覆07/05/2011 17:27:00]平時完全無運動,有時間出去吸吓新鮮空氣個人都精神好多呢!
     
     

    回覆刪除
  4. 紫色野生heather好靚!如果我見到一定開心死
    [版主回覆07/05/2011 17:26:00]一到夏天蘇格蘭好多郊區近山邊都會生滿heather 架! 離遠望到一遍紫紅色真係好靚呢~
     
     

    回覆刪除
  5. 點心b的貓媽媽2011年7月5日 上午4:42

    2公婆一齊親親大自然行下影下真係賞心樂事 (你地真係好sweet呀~) 嘩搞完一日仲有心機煎牛扒 (哈仲要好靚添), 俾著我一入門口已經lui低... (係呢你臨起西蘭花面嘅係乜黎架?)
    [版主回覆07/05/2011 22:10:00]原來平日完全唔做運動......一到依d親親大自然行吓影吓相都會好鬼攰架!
     
    哈哈~ 其實牛扒飯係最快手搞掂既晚餐來架! 飯熟撻咗制就燒熱grill pan,一次過同時煎兩塊厚切肉眼扒,每邊2分鐘就搞掂啦! 又餓又攰煎牛扒就最啱!
     
    西蘭花上面係日本BB蛋黃醬來架!
     
     

    回覆刪除
  6. 哩個小島真係好天然﹑好有pure既感覺 。
    [版主回覆07/06/2011 05:58:00]果度真係好靚! 有機會一定會再去~
     
     

    回覆刪除
  7. 《Ka MaN 日記》2011年7月5日 下午6:46

    天氣好好吖...
    藍天白雲....
    有時間去 d 離島行下吸下新鮮空氣人都會開心d..!!
    [版主回覆07/07/2011 04:46:00]係呀~ 最近蘇格蘭天氣好好,成日都有大太陽!
     
    我平時完全唔做運動,間中去郊外吸吓新鮮空氣真係好舒服!
     
     

    回覆刪除
  8. 行完山仲煮飯, 妳都好勁呀 比我一定出去食
    [版主回覆07/07/2011 04:45:00]我就係攰到想盡快返屋企唔想再喺架車或街上! 其實煎扒好快好方便架,由煲飯到整好到食埋洗埋碟,前後一粒鐘多dd架咋!
     
     

    回覆刪除
  9. 看見你的相,天氣好好, 我想起長洲的張保仔洞,都是濕濕"淋淋",但你哋去的大洞同張保仔的小洞相差什遠~~~
     
    [版主回覆07/07/2011 04:41:00]係呀~ 最近蘇格蘭天氣唔錯! 成日都有大太陽!
     
    我喺長洲長大架!  張保仔洞比較隱閉,唔留意都唔知道係個山洞來; Isle of Arran 既山洞除咗比較"開放"之外,其實好多洞行到洞最深處仲有路行通到地底架! 不過行地穴好似爬山咁要學過同埋有好多專門架生先玩得~
     
     

    回覆刪除
  10. 依個地方既風景真係好靚呀!天空又好靚,我都好鐘意大自然,吸多啲新鮮空氣,個人都精神爽利^.^
    [版主回覆07/07/2011 04:37:00]果度真係好靚! 不過就真係好唔方便,得閒去玩吓吸吓新鮮空氣就唔錯,要我喺果度生活就無可能咯!
     
     

    回覆刪除
  11. 呢個旅程好得意呀,遠離繁囂又可以見下平日唔會見到既事物~ 好鍾意二人手拖手周圍去呢 ^^
    [版主回覆07/07/2011 04:36:00]係呀~ 第一次去依個島,又第一次見到咁多咁大個既天然山洞!
     
    最近有無煮好餸呀吉比太太?
     
     

    回覆刪除
  12. 真係好靚呀, 我同老公八月會返英國, 到時應該會坐火車去蘇格蘭玩, 不過暫時仲未plan行程....
    [版主回覆07/07/2011 04:34:00]坐火車上來不如自己渣車仲方便! 去邊都無問題~
     
     

    回覆刪除
  13. Isle of Arran好特別呢...喺外國行山又唔同感覺...
    [版主回覆07/07/2011 04:33:00]我喺香港郊外多數玩掘蜆,無行過山啊~
     
     

    回覆刪除
  14. I wanna go there! :D I love hiking and being in the countryside! :) I like this pic> 依間"超級豪宅"......! Very cool!
    [版主回覆07/07/2011 04:32:00]me too!  will try other caves if we go back there in the future!
     
    超級豪宅 - that cave was very dark, very cool, a bit wet and windy.....really creepy!
     
     

    回覆刪除
  15. 你地D船費好貴呀 ~ 西蘭花我鐘意食呀~
    [版主回覆07/14/2011 03:19:00]係啦~ 幾死貴呀!! 主要係架車張票貴,不過個島都幾大,所以一定要渣埋架車去!
     
    西蘭花就咁灼熟,加少少鹽 + 淋少少BB醬...正!!
     
     

    回覆刪除
  16. 寫意啊!
    [版主回覆07/16/2011 03:26:00]係啊~ 好舒服寫意既一天!
     
     

    回覆刪除

Related Posts Plugin for WordPress, Blogger...