蕃茄薯仔煲豬骨 & 蝦醬蒲瓜絲煎餅
雖然Mr.T 出咗trip，不過as usual 我自己一個人都會照煮飯食架!
好多人話英國一天四季，但其實一到夏天都唔係人咁品!
最近天氣熱到坐喺度唔郁都會標汗，熱到連胃口都無埋!!
除咗熱到無哂胃口之外，連煮飯都受影響......
首先無胃口得來又想煲啖湯水飲吓(始終中國人嗜湯水嘛!)，
但唸來唸去都只想飲酸酸地開胃既蕃茄薯仔湯;
第二本來依餐仲有條石斑既，尋日未蒸時我已經懷疑條石斑霉咗
，抱住姑且一試既心態去蒸......
蒸出來宜係霉喎!!!!!!!!!! 
明明我買條魚時好新鮮架嘛......
以我估計果日買餸天氣太熱，買完餸又唔係即時返屋企，條魚喺架車裡面焗一焗......所以搞成咁~
第三天氣熱咗，就感覺連個雪櫃都好似唔夠凍，所以我一到夏天就會將雪櫃較凍少少......
今次係我第一次買蒲瓜 + 煮蒲瓜!其實中超成日都有蒲瓜賣，不過唔知點整
，所以一直無買過......早前無意中睇到依條link - http://tw.nextmedia.com/subapple/article/art_id/31698735/IssueID/20090611/sec_id/1898
一系列既蒲瓜食譜好吸引，尤其係個蒲瓜絲餅~
就買1條蒲瓜試吓整啦!不過我將食譜材料份量改咗，因為我覺得原食譜好似用太多麵粉!
我唔鍾意太多粉既感覺
，所以自行減咗麵粉份量，但加多咗1隻雞蛋~就咁睇條link 個食譜已經覺得好香口好吸引......
(哈~ 唔知關唔關我改咗個食譜事呢?
)蒲瓜既清甜同蝦醬非常配合~
雖然依個餸有蝦醬，不過我覺得Mr.T 一定會鍾意食!
等Mr.T 出完trip 返來再整比佢食!!
本來無咩胃口...突然胃口大增......
最後一大碟煎餅、2碗白飯 + 一湯碗蕃茄薯仔湯全部比我清哂!!
蕃茄薯仔湯食譜click here~ 蝦醬蒲瓜絲煎餅食譜click here~
一邊煮野食一邊諗住另一半既時候 就算過程可能會有少少麻煩都會好幸福的 Mrs T. 希望你呢份熱誠keep forever呀:p p.s. 我係CitySuper買咗罐Irn Bru 都okay wo,不過我覺得太多氣 :) $9 一罐,um..貴其他普通soft drinks 1倍.
回覆刪除[版主回覆07/22/2011 05:15:00]Thanks Joey! 我當然會keep 住依份熱誠啦，因為Mr.T 對我廚藝既讚賞就係我既動力!
我知妳買咗罐Irn Bru，妳貼咗上FB嘛! 不過應該係妳setting 問題我老公睇到我睇唔到啊!
妳下次飲完記得睇吓自己條橙色脷喎!
一大碟煎餅、2碗白飯 + 一湯碗蕃茄薯仔湯全部比我清哂
回覆刪除妳又幾擦得架喎 , 又有得食又唔怕肥~真happy羨慕呀!
[版主回覆07/22/2011 05:11:00]嘻嘻~~~ 其實我一向多飯少餸架! 不過個煎餅太好味，所以先清哂!!
可能你要買個保凍袋/櫃仔...雪住D食物...咁易霉, 真係熱得好利害喎...
回覆刪除[版主回覆07/22/2011 05:10:00]其實之前喺香港去美食節我有一個保凍袋既，不過果日無唸住買魚買肉，所以無帶到出去! 下次會擺定個袋喺車!
你令我諗起芙蓉蛋飯啊.好想食,哈哈......
回覆刪除[版主回覆07/22/2011 05:09:00]依個煎餅好食過芙蓉蛋多多聲呀!
你一個人可以食到一大碟煎餅、2碗白飯 + 一湯碗蕃茄薯仔湯咁食得都唔肥真係好多人羨慕架
回覆刪除[版主回覆07/22/2011 05:08:00]妳唔記得我個胃裡面有個黑洞咩?
You really have 4 stomach ar
回覆刪除[版主回覆07/23/2011 17:11:00]hey~ im NOT a cow!!!!!
讚
回覆刪除[版主回覆07/23/2011 17:11:00]謝!
睇完我都好想食,click入去睇下難唔難先,唔難我今晚整
回覆刪除[版主回覆07/25/2011 18:04:00]尋日我又買咗條蒲瓜，唸住整比Mr.T 試吓! (其實我自己都好想食!! )
你個餅賣相已經好香口﹐引C我喇~ 因為我好鐘意食呢D香口野﹐ 但自己屋企又好少整(怕油煙)﹐ 所以一出街(有機會)就會買或點黎食~
回覆刪除[版主回覆08/05/2011 21:24:00]依個煎餅我食上咗癮嘞! 我個個星期都買一條蒲瓜整一次先安樂....