我一次過將過去寫咗3年多共1673篇網誌備份成功!
"La Cuisine De Veronica"最初由我喺討論區同網友分享煮食心得，
後來有幾位網友向我提議開一個blog 來整理食譜兼方便分享，
於是我選擇咗Yahoo Blog 依個平台，貪佢功能多、易上手、
版面可以隨意設計到好有個人風格......
當時根本無唸過自己會咁有恒心一直keep 住寫到咁耐，
我更想唔到依個小小吹水之地，令我認識咗一班好好既blog 友!
(當然入來留言攻擊我果幾個無聊路過不在此列呀吓!!
)依個blog 令我有過好多得著，讓我從網友處學習咗好多，
我可以有緣同部份blog 友成為咗好朋友，
仲因此收過好多大家送比我既厚禮! (哈哈~~~~
)依個blog 亦曾經令我有幸被邀為一個網站寫食譜，
雖然當時因為自己身體問題而婉拒咗...
依個blog 載滿咗過去3年好多我既感覺、
我同Mr.T、同家人、同朋友、同blog 友好多好多好寶貴既回憶......
由尋晚開始到今日下晝15粒鐘裡面，
我一口氣backup 哂自己過去3年多既心血，
之後睇埋blog 友們比我既留言，
我先發現原來自己真正有幾唔捨得依度同埋一班blog 友!
我會用新平台嗎? 我暫時仲未決定~
因為新平台除咗醜陋無比之外，仲存有好多超級戇居既問題!
先唔講有好多舊平台既功能被cut......
- 有人搬到新平台後，無咗好多網誌，會唔會出現返好成問題;
- 新平台回應功能白痴到無人有 - 最新回應竟然排到最後!!
e.g. 每頁只顯示10個回應~ 假設有100個回應就有10頁，
要睇最新回應，就要click 去最後果頁，
不過又可能只睇得到首頁最舊既回應，因為中間有好多頁都係空既!
- 喺自己blog 裡面回覆blog 友既回應，竟然都要打驗証碼!!
而最大問題係 - 新平台會將所有Yahoo Users 既個人資料檔案，
全部歸入Yahoo Pulse 統一處理!
現有blog 既綽號(e.g. 成日都好鬼happy 既Mrs.T)及頭像將不再適用，
用戶要自行更改將取代blog 綽號既"暱稱"及頭像，
依個暱稱同頭像係"一稱通行" - 即係你喺Yahoo 網內進行任何動態都會以同一個暱稱同頭像來顯示!
暱稱會直接link 去你既個人檔案 - 裡面包括有你登記電郵用既名字、性別，甚至係email address!
雖然users 可以自行去Yahoo Pulse 更改setting 私隱度，
但我認為依個做法對users 既私隱真係好無保障!
據我所知已經有網友中招! 有網友到已upgrade 到新平台既blog 友處留言，
用緊新平台既blog 友，login email 後見到留言網友既真姓名!
原本熟悉既blog 友"面目全非"......
用戶對住完全陌生既新措施，講真有幾多個人真係有心機去睇佢地複雜難明長篇大論既指引吖? 況且睇咗都未必會明!
講返blog 本身，版面死咕咕單調毫無生氣，真係睇見都唔想再寫!
相簿又未搞掂、自定欄位同CSS都唔可以用......
小編輯好口響地話依d功能會續步推出，
不過小編輯往績大家有目共睹啦!
2010年Yahoo Blog 發生過唔少問題，
但小編輯2010年只1月時update 過一次咁大把.......
雖然我已將依3年多所寫過既網誌全部備份，
但有好多blog友留言超過50個既網誌，較早既留言部份備份唔到，
不過我會用print screen 來做返備份唔到留言既backup，
因為都係blog 友花時間用心去留言比我，
當中有好多大家一齊交流過既寶貴心得~
之後我就會開始著手尋走搬blog 新落腳點!
雖然我仲未唸到搬去邊度，不過我暫時既決定係搬，會繼續寫落去~
當我搵到一個合意既新blog 時，仍然會以"La Cuisine De Veronica V女廚房"做blog 名;
我仍然會係"成日都好鬼happy 既Mrs.T"!
務求當我喺新落腳點再同大家"見面"時，大家會有"賓至如歸"既感覺!
哈哈~~~~~
至於2個月後強制性搬到新平台既Yahoo Blog，
我就會視乎到時Yahoo Blog 既情況而定，
睇吓會唔會同新落腳點同步update~
喺upgrade 到新平台之前依2個月，我仍然會如常update，
而當我搵到新blog 落腳點，我亦會喺依度公報~
與其日日埋怨有幾唔鍾意新Yahoo Blog 平台都改變唔到事實，
倒不如好好"享受"埋依最後2個月，把握時間同大家繼續分享啦!
(分享還分享，記住要備份喎!
)
勁!!!!BACKUP曬!!!!:) 你搬去邊,我都會照追BLOG
回覆刪除[版主回覆07/31/2011 18:30:00]晴晴好耐無見啊! 妳好嗎?
點解妳無再寫blog 既?
我好鍾意你呢種精神,我一百分支持!
回覆刪除[版主回覆07/31/2011 18:26:00]多謝agnes 支持~ 逆來順受，阿Q精神嘛!
Whereever you move to I will follow you! Fully support. Yeah!
回覆刪除[版主回覆07/31/2011 18:21:00]Thank you so much for your support peggy!
(Empty)
回覆刪除見Yahoo寫明「現有香港Yahoo!BLOG用戶於升級後，所有BLOG文章內容及相片檔案也會移動保留至全新平台。簡單來說，現有用戶自己BLOG的基本內容在升級後不會有所變更，只是將會繼續以全新介面來使用我們的BLOG服務」，希望升級後仍可睇到你d新update，同埋睇翻你嘅BLOG d舊內容，因為我唔識點做backup呀 ！如果你要轉移個BLOG到其他平台，我都會用我有限的使用電腦知識繼續支持你架，不過就驚住唔識用其他的平台啫！
回覆刪除[版主回覆07/31/2011 18:16:00]佢地講吖嘛! 唔通話升級後好多內容會無咗咩? 小編輯果度有好多人鬧鬼話升咗少少就無料到，而且2個月後佢地一次過將未升級既blog 升哂，佢地次次有動作都一鑊泡，我對佢地真係無信心呀!
新地方我一定會搵，至於新平台就到時睇情況先決定會唔會同進步update~ 多謝妳支持啊為食鬼!
支持你呀MRS. T!!!!!!!!!!!!!!!!!!!!
回覆刪除[版主回覆07/31/2011 18:11:00]Thank you very much kira!
我搬完屋...好攰咁睇你個blog... 睇完之後想按個"like"...先記起呢度唔係FB...XD 要搬就搬啦!! sina好似都唔錯...~!! 不過你搬左之後我地都會照跟架喇!! 要知道我地跟過去只係好簡單save做favorite/bookmark 你就慘d!!要重新整過晒d野!!
回覆刪除[版主回覆07/31/2011 18:10:00]其實我早兩年前已經喺Sina 開咗個backup blog，不過後來見Yahoo 穩定返咁多，我先懶無keep 住update~ 果日摷返個sina blog 出來，想搞搞個版面，upload 2張相出得1張; 明明話張相上載成功，出來又得個交叉! 唉.....
我搬blog 唔一定會將依度既舊post 貼返出來架! (食譜除外)，就算貼都可以慢慢整，每日整幾篇，長命功夫長命做啫!
勁~~ 想請敎吓, backup 要點做?? thanks
回覆刪除[版主回覆07/31/2011 18:05:00]唔係我勁，係人地勁呀!
點backup 妳去睇依度吖: http://hk.myblog.yahoo.com/wedding-louisa/article?mid=9260
請教下點備份? COPY去WORD ?? 我真係唔識呢....
回覆刪除[版主回覆07/31/2011 18:04:00]哇唔得~ 逐篇copy 去word 我唸15日都未搞掂呀!
妳睇依度吖: http://hk.myblog.yahoo.com/wedding-louisa/article?mid=9260
或者可以開個Qooza accout background,user name同個blog既名都可以改 仲可以播下This I promise you 添;p (不過唔知Scotland 有冇) 點都好,我地都會照繼續追架xd 希望你既blog搵到個好好既新屋啦;p
回覆刪除[版主回覆07/31/2011 17:56:00]Thank you Joey!
不過唔係好明妳講咩"不過唔知Scotland 有冇"?
唉~我最後都係UPGRADE左 UPGRADE完之後...我係"媽媽聲"... 因為新BLOG同舊BLOG無LINKAGE 我唔可以係新個邊去睇番我SUB左既BLOG友 (除非個個BLOG友已經轉左去新版) 攪到我要一個一個咁SEARCH ~_~" 不過SO FAR 我地之前既個D BLOG POST都係番哂度 如果你真係搬屋的話 係新屋個度你整個RSS SUBSCRIPTION TO EMAIL (FREELAND用開http://www.rssfwd.com/rssfwd/index) 每次出POST都會SEND個EMAIL去EMAIL度做BACK UP 咁你以後就唔使逐個BACK UP 珮夫人
回覆刪除[版主回覆07/31/2011 17:53:00]妳果blog 係暫時我見過所有已upgrade 咗既blog，最順眼果個! 咁都有返些少信心，但 仍然非常討厭佢地用核突既藍加白做主題色!!
新地方我會搵，用唔用新平台就到時先決定~ 不過我以後都唔敢唔backup 咯!
唔該哂妳介紹依個方法比我啊珮夫人!
I will follow you~~ Support!
回覆刪除[版主回覆07/31/2011 17:44:00]Thank you very much Kanny!
雖然睇左你個blodg個幾兩個月, 但我好鐘意睇, 好多嘢學, 我都會跟住你去追blodg .
回覆刪除[版主回覆07/31/2011 18:32:00]真係好多謝妳支持啊Melody!
我一定會著手快d搵新地方，而新平台就到時睇情況再決定!
thanks
回覆刪除[版主回覆07/31/2011 19:20:00]you're welcome!
等妳搵到平台搬我地就跟妳過檔!!
回覆刪除[版主回覆07/31/2011 19:20:00]新地方我一定會搵，而新平台我就到時睇情況先決定會唔會繼續用!
妳個備份搞掂咗未?
不過唔知Scotland 有冇Qooza,因為佢係香港網址.
回覆刪除[版主回覆07/31/2011 19:17:00]吓...Internet 係全世界果喎!
Yahoo HK blog 都係香港網址來架啦~
你真係好好, 為左我哋(我當係啦,heehee~)繼續寫blog之餘仲有呢篇咁詳盡嘅解說, Mrs. T 好野~~~~~
回覆刪除[版主回覆08/01/2011 05:05:00]過獎嘞Cherry~ 其實我都唔好捨得各位blog 友嘛!
支持你ar!! 到好地方就要同大家講ar
回覆刪除[版主回覆08/01/2011 04:37:00]Thanks Kelly! 搵到適合既地方時，我會喺度同大家公報!
Support You!
回覆刪除[版主回覆08/01/2011 04:26:00]Thank you very much Catherine!
哩個所謂升級版睇黎真係新不如舊呀﹗雖然我開blog得大半年﹐不過真係好開心認識到好多blog友﹐可以互相交流﹐仲學到好多野﹐依家唯有見步行步。好彩你提醒﹐等我都做back up先得 。
回覆刪除[版主回覆08/01/2011 04:25:00]新平台點止新不如舊? 直情係不知所謂!
我而家點都唔會upgrade 住架嘞! 咪等到最後一刻，佢地自己來up 飽佢囉!
Veron, 其實我地呢D blog 友真係唔知點，焗住要轉，但轉左都唔知到時情況如何。 YAHOO係咪已經確認左兩個月之後強迫轉？要備份，我真係唔知點備，太多了...
回覆刪除[版主回覆08/01/2011 04:17:00]龍師傅~ 今次轉新平台係強制性轉硬架，唔會有用戶幸免，而家仲係佢地所講既試玩期，但2個月後就全面關閉而家用緊既舊blog，就算你唔轉，佢地都會自動同你轉架!
至於備份係用software 既，你可以 睇依度試吓吖: http://hk.myblog.yahoo.com/wedding-louisa/article?mid=9260
我就一定支持妳
回覆刪除[版主回覆08/01/2011 04:13:00]Thank you Andrea!
搬到邊, 記得通知我呀, 我跟住妳架啦。
回覆刪除[版主回覆08/01/2011 04:13:00]我搬到新地方會喺度公報架嘞! 而且新平台我視乎到時情況再決定會唔會繼續用~
不過大家最好用返原來blog 名+ 綽號，如果改咗新綽號最好單聲比小妹聽~ 如果唔係到時過到新平台都唔知邊個打邊個?
阿V~ 辛苦你了，花左咁多時間做Backup，感受到你對呢個blog & bloggers有深厚既感情 ^^ 你搬去邊我都會繼續支持你呢~
回覆刪除BTW, 近呢個月Yahoo blog既每日訂閱已經唔係日日有send email黎通知，搞到我都miss左唔少bloggers既update呢 @@
[版主回覆08/02/2011 04:47:00]多謝妳支持啊吉比太太!
唔辛苦~ 唔辛苦! 都係用software backup 啫，電腦夜晚備緊份時我去瞓覺之嘛! 不過無唸到第二朝仲備緊，而且我起身後都仲要過咗7粒鐘先搞掂......
係呀~ 我知道呀! 我自己本身無訂閱，不過好多網友同我講話收唔到訂閱，入來睇一睇先知道我已經update 咗好多新網誌.......
每次Yahoo Blog 有新動作，隨之而來都係大咋問題，我都麻木哂咯!
V女 我地一定繼續支持你呀
回覆刪除[版主回覆08/02/2011 04:43:00]Thank you Katie!
感謝你的介紹呀, 我都跟住你推介果個blog 將自己的網誌備份緊 如果個yahoo blog 新版太唔好用, 可能我都會選第個平台去寫 哈~~~不過我哩種懶人, 分分鐘都係1月1blog~
回覆刪除[版主回覆08/02/2011 04:42:00]唔洗客氣!
聽已升咗級既扑友講，新版又核突又難用又多問題! 如果唔係因為一班扑友，真係睬Yahoo 都有味!!
我係傻下傻下咁UPGRADE左個BLOG UPGRADE左之後先發現好多野都冇哂 冇得睇返人氣BLOGGER. 個關注個度又冇啦啦多左D唔識既人. 真係激屎我啦.
回覆刪除[版主回覆08/02/2011 04:41:00]佢地好似話訂閱同blog 友會合併做關注呀，所以妳個關注果咋人應該係妳認識既blog 友來!
只係佢地好白痴 - 升級後原本既綽號 + 頭像唔再適用，所有人都要重set，所以妳既blog 友先會面目全非!
support you always
回覆刪除[版主回覆08/02/2011 04:36:00]Thank you drm!
等緊妳的去向 , 希望能繼續看到妳的網誌 .
回覆刪除[版主回覆08/02/2011 04:33:00]如果2個月後升級時我仲未搵到新地方，我都會先用住新平台一段時間既!
相信每一位用yahoo的blogger, 都好頭痕遲D的去向, 不過, 轉咗邊個網站, 記得要單聲啊
回覆刪除[版主回覆08/02/2011 04:24:00]其實佢地有講話會將原有既blog 友名單搬埋去新平台，只係所有blog 友原有綽號頭像不再適用!
所以我建議大家搬到新平台後，先用返原有綽號頭像相認，要改就之後再改!
真係好煩囉~咁樣, 咪好有機會睇唔番D BLOGGER以前既BLOG囉? 咁有時想翻睇番D食譜咪好麻煩?
回覆刪除[版主回覆08/02/2011 04:22:00]我會搵新blog 繼續寫，而且會逐步將依度原有食譜貼過新blog，不過應該要花上一段時間~
而新平台既Yahoo Blog，我會視乎到時情況先決定會唔會繼續用或公開開放!
我都要快d做back up先
回覆刪除[版主回覆08/02/2011 04:20:00]快手做咗backup，到時就算佢地搞到一鑊泡都無咁頭痕嘛!
Though I seldom leave messages, I do read your blog every day. Please update your new blog address. Cheers
回覆刪除[版主回覆08/02/2011 04:18:00]Thanks for your support tigerbobo! i will announce my new blog here as soon as i find a new place~ it's a promise!
Though I seldom leave messages, I do read your blog every day. Please update your new blog address. Cheers
回覆刪除Wait for your news
回覆刪除[版主回覆08/02/2011 04:15:00]okey doky!
真係煩... 冇嗰樣整嗰樣, 而家咪幾好, 又要改, 但係又唔係改得好喎, 真係好黑人憎......
回覆刪除[版主回覆08/02/2011 16:50:00]早年零傳過話Yahoo blog 會執笠，而家唸返轉頭未必係空穴來風!
洋人Yahoo blog (Yahoo 360)已經全面關咗! 今次輪到香港Yahoo blog 佢地講得好聽話升級，但似係升級咩? 升級點會cut 走咁多功能? 新平台點會有咁多bugs? 點會連最基本既回應功能都咁戇居??
agree.... 所以我都慢慢將我個 blog back-up, 同埋開始搬啲舊網誌去 sina 個新 blog......
回覆刪除[版主回覆08/03/2011 17:20:00]係備就好快手嘞! 得2個月時間比妳搞咋~
係呀,琴日花左成個鐘去研究,因為有D人禁落去又話咩未有BLOG喎,真係勁白癡囉. 真係想放棄用YAHOO囉
回覆刪除[版主回覆08/03/2011 17:20:00]聽聞升級後所有網誌自動lock 做私人，要blog 主重新set 返公開或私人網誌~
我發現新平台既問題比我想像中更嚴重! 尤其回應部份問題多到難以想像!!
唔好意思，想請教下，我都BACK UP了﹗但我只可以看到文字，但看不到圖D圖有D (X)咁，BLOG到有YOU TUBE的片，個D係唔係都BACK UP唔到？因為我見唔返D VEDIO，謝謝你﹗麻煩晒﹗我都用左好多時間BU，但整到怪怪地咁﹗YAHOO真係衰﹗
回覆刪除[版主回覆08/03/2011 17:17:00]其實所謂備份係將網誌變做html files，而你既備份係儲存喺電腦hard drive 裡面(或外置空間)，你可以試吓disconnect internet connection 再開備份來睇，一樣會開到 + 睇到，因為你睇緊既 備份source 來自hard drive 或外置空間，並非網誌原本所在既平台! 你睇返備份上頭既URL亦唔會再見到http://~
因為備份唔喺原本所在平台，所以備份裡面所有連住其他平台既hyper link 都唔再work! e.g. 播放音樂用Xuite, YouTube, Slides.....全部連結都唔得架嘞! 所以你睇唔到video 係正常既~
另外就係Yahoo 遲d升咗級既情況都會一樣 - 所有hyper link 都唔再work，要重新整過!
你真好人事﹗麻煩晒﹗但我離線個時只係見到文章，D 圖要係另一個FILE先見到﹗是不是正常？麻煩晒你﹗
回覆刪除[版主回覆08/04/2011 20:16:00]唔洗客氣!
不過你離線時只見到字見唔到圖就有少少怪嘞! 應該字同圖都睇到果喎!
你d圖係咪存喺Yahoo Blog 相簿裡面架?
唔見晒D相我都試過幾次﹐ 最後果次我連補番上去都廢事~ 轉新版面我都係心大心細~ 因為今日睇到我地卜友珮夫人果度我有D唔慣~ 好似咩都簡化晒咁﹐好唔慣~ 加上我適應能力唔算高~ 新版面睇到我好唔自在~
回覆刪除[版主回覆08/05/2011 21:10:00]阿珮夫人個新blog 已經係我見過所有新平台blog 最順眼架嘞! 睇來珮夫人都下咗一番功夫執靚佢......
不過一睇見佢地個回應我就眼火爆!! 真係白痴到無人有!! 對新平台越來越無信心!!!!!!
我係SAVE係YAHOO相薄架﹗
回覆刪除我用外置HARD DISH SAVE個BACK UP ，想問下係唔係要用返火孤開先會見到﹗
我就咁打開，就只係見到D圖變左個格內裡有個X咁？D 文章就係到
最衰都係YAHOO﹗唉﹗
我現在都唔敢UPDATE D 新﹗真係多謝你的回覆﹗
[版主回覆08/05/2011 21:07:00]哦~ 咁係嘞，係要用返火狐來開架!
唔洗客氣! 反正大家就好似Titanic 既搭客 - 搭咗Yahoo Blog 依條咁不負責任既沉船!!
我剛剛copy部份的posts落words做back up, 發覺這5年內, 500幾篇blogs, 根本沒可能, 幸好看到你介紹的link幫手, 謝謝! (不過這麼多, hard disk會否負荷不到呢?)
回覆刪除另外如你所說, 當我到改了新平台的blog友處留言, blog名竟變了真名, 立刻改名時又無意中啟動了新平台, 不知到升級後舊blog的東西會被搬過去呢?
糾結! 糾結! 憶萬個不願意啊!
[版主回覆08/07/2011 18:39:00]你hard disk 仲有幾多space 呀? 我1673篇網誌 + 勁多相都係用咗2.5GB咋，你500幾篇應該1GB都唔洗~
佢地話最後階段所有用戶都要升級，到時會將舊blog 所有內容搬到新平台......不過我見到而家好多已升級既人都話網誌唔齊! 所以最好都係備咗份先~
我都要開始做備份嘞...仲係研究階段中...死人YAHOO 真係好鬼煩....
回覆刪除[版主回覆08/13/2011 21:04:00]咁妳知唔知點備份呀?
吾知點做呀...你知我電腦幾叻架啦...
回覆刪除諗住研究吓識吾識做...吾識就諗住入黎問你....
[版主回覆08/15/2011 21:37:00]
妳去睇依度吖: http://hk.myblog.yahoo.com/wedding-louisa/article?mid=9260
搞唔掂就問我啦!
好好好...麻煩晒你... 我要等我啲囡返學吾玩電腦時才去整呀...佢哋二個日日係咁霸住部腦..我都係只得玩手提電話咋.....
回覆刪除