靈"Can"

話說上星期二99篤篤撐表演(網誌)後收咗好鬼多花!

99架車已塞到爆棚，所以將其餘既花分哂比我地、大伯 + 姑仔自行處理~

當晚返到屋企已好夜，所以將花放咗喺hallway......


第二日經我一輪左插右攝，因為花樽太迫唔小心比我整斷咗好多枝!
喺半插半整斷迫爆哂全屋僅有3個大花樽既情況下......

 終於勉強安置好1個大花籃 + 4大紮鮮花!

花籃有幾枝白色劍蘭，揀咗2枝開得特別靚既剪短，插喺迷你花樽仔......

  原來劍蘭都唔一定老土既!

一插好花就聞到一屋鮮花芳香~~~~~

不過......
Mr.T 放工返來一入客廳就講咗句"好香"，但隨即不停打乞嚏 兼嚴重鼻塞流鼻水! (真係好誇張果隻!! )

因為Mr.T 本身有花粉症，一到夏天就會發作! 我唯有拿拿淋將所有花搬哂入廚房......

神奇既事發生嘞 - 喺關上廚房門既一刻，Mr.T 就無再打過乞嚏，鼻水亦慢慢收乾，鼻哥變返暢通無阻!

拔......
當Mr.T 去廚房為我沖茶，佢一推開廚房門就即時連續打3個大乞嚏!

幾鬼靈"Can"呀!!

其實之前99表演都攞過花返屋企插; Mr.T 又會間中送花比我，
但佢既花粉症從未試過咁一觸即發! 估計今次係因為攞返屋企既花數量太多吧~

Mr.T 尋晚(7月17日)出咗trip......我終於可以將d花由廚房搬返出來嘞!

已經過咗足足一星期，花仍然開得好燦爛! (落咗flower food d花果然可以last 好耐!)
之前仲未開既香水百合 + 火百合都開花嘞!
不過好似太迫d火百合唔夠位開花......

以防萬一 - Mr.T 出trip 前，我特別買咗盒hayfever 藥比佢袋定喺身! (我幾賢慧!! )
Mr.T 為咗報答我......

 吼我睇睇吓電視恰著咗，賜我右鴨乸蹄一個佢既肖像......

好讓佢出咗trip 我都可以同佢朝夕相對! 
(佢竟然用好難洗得甩既permanent marker! 搞到我今日shopping 試鞋時比隔離個女人笑!)