家樂牌食譜: 香茜蕃茄魚湯蛋餃

收咗家樂牌送比我既禮品包已一段時間，禮品包一早已被V媽媽同佢好友瓜分咗!

但我尚未履行諾言提交食譜......

不過除非我大懵無記性啦，否則我應承過人家既事係一言九鼎既!  (但唔排除我會軟皮蛇......)

食譜喺我收到禮品包前已經一早構思好，遲遲未動手只得一個原因 - 天氣太熱唔想食又唔想煮!

 依個食譜共用咗4個家樂牌產品: 雞粉、鮮露、鷹粟粉 + 濃湯寶(鮮魚濃湯)~

 1. 餡料: 鱈魚柳300g用食物處理器打碎(或用刀剁爛)，混入免治豬肉200g中，加入蔥花和剁碎莞茜一同拌勻。
用少許胡椒粉、雞粉、糖、鮮露各1茶匙和麻油1/2茶匙調味，加入鷹粟粉2茶匙拌勻成蛋餃餡料。

 2. 蛋餃皮: 雞蛋8隻、鷹粟粉和清水各1.5湯匙打勻，用少許胡椒粉和雞粉調味拌勻。
P.S. 蛋液中加入粟粉水可增加蛋皮彈性，令蛋餃皮不易破~

 3. 燒熱平底鑊，用廚房紙滲少許生油，抹在平底鑊上，保持小火。

 4. 將約2湯匙(中式湯匙) 蛋液倒在平底鑊中心，利用湯匙調整蛋液成圓形薄蛋皮。

 5. 將適量餡料放在蛋皮中心。

 6. 用筷子將蛋皮對摺覆蓋餡料成餃子狀，再用筷子沿著接口邊輕按。

 7. 在蛋餃接口處加上少量蛋液封口，反轉煎一會至蛋餃完全成形，盛起備用。

 8. 蕃茄適量洗淨切塊; 待蛋餃完成後，鍋中下少許油，加入蕃茄塊炒一會。

 9. 加入清水和魚味濃湯寶煮溶成蕃茄魚湯底。

 10. 下蛋餃滾1至2分鐘至蛋餃熟透。

 11. 盛入碗中，灑上蔥花和莞茜即成。