早前買咗盒斯里蘭卡茉莉花味綠茶包......
紙盒裡面另有密封鍚紙袋包住茶包~
當我一打開鍚紙袋包裝，一陣廉價廁所香精味道衝出來!
陣茉莉花味假到無朋友!!
其實我心中都曾經閃過一絲念頭 - 不如沖一個來試吓啦!
拔...聞多一下，陣味實在太假
; 唸深一層，我實在無咁既膽量!! 
不過我當然唔會就咁揼咗佢啦......
因為茶葉含有茶多酚、茶葉鹼等多種成分，具有吸附異味及吸濕作用，係一種天然淨化空氣既清新劑~我個人覺得用茶包來做雪櫃吸味劑，比甚麼雪櫃吸味劑、活性碳或檸檬既效果更加好呢!
都總算係塞翁失馬~
LUK YU---呢隻jasmine tea幾好味架!
回覆刪除[版主回覆07/28/2011 18:50:00]係呀~ 我覺得依隻幾香幾好味!
其實我平時喺屋企係沖茶葉多既，不過出街時我沖個保溫杯帶出街先用茶包~
你又几聪明喔。。识得变通。。
回覆刪除俾着其他人 可能真系会黎手就丢落垃圾桶噜~
[版主回覆07/28/2011 18:48:00]過獎嘞Cindy!
咁茶包本身係無問架嘛，只係我嫌香味太假，啱啱買返來就揼咗佢實在太浪費嘞! 老公搵錢好辛苦架嘛~
想請問茶包就咁放入雪櫃就得? 唔洗加水? 咁擺幾耐就拎走架? 好鐘意天然清潔~如容許, 我都唔鐘意太化學!
回覆刪除真係麻煩你~唔該晒~
[版主回覆07/28/2011 18:46:00]就咁放入雪櫃得架嘞，唔洗加水架! 乾茶葉本身好吸味，所以如果茶葉保存得唔好，就會陳化失去茶香~
唔同茶含茶多酚、茶葉鹼既level 不同，所以吸味效果都有異! 聽聞效果最好係紅茶~ 如果唔阻訂既話，最好長期放一兜喺雪櫃，一個月更換一次~
真係好想比個 "讚" 你 (facebook 上身) ... 哈哈
回覆刪除[版主回覆07/28/2011 18:37:00]哈哈~~~ 之唔係上哂身!
Oh, so smart! I never thought of that!
回覆刪除[版主回覆07/28/2011 18:37:00]Thanks 荔枝冰!
我都會好似你咁ar~~廢物利用~ 會將d過左期既茶包~擺係d鞋入面~尤其係D BOOT 真係好有效~幫助吸哂D臭氣~~
回覆刪除[版主回覆07/28/2011 18:36:00]我d鞋一向只放防潮珠.......
今次第一次用茶包吸雪櫃味，真係好掂! 我以後都會用依個方法!
環保又廢物利用抵讚
回覆刪除[版主回覆07/28/2011 18:34:00]依個方法真係好好! 而且仲平過買雪櫃吸味劑添~
廉價廁所香精味>>> 超頂唔順呢隻味
回覆刪除[版主回覆07/30/2011 00:07:00]隻味幾恐怖呀!!!! 我未擺入雪櫃前放咗入鐵罐，竟然可以"惹"到個罐都一陣味.....
茶包吸雪櫃味又幾好喎~~我都要學妳
回覆刪除[版主回覆07/30/2011 00:05:00]依個方法真係好掂! 而且又平又環保~
好介紹
回覆刪除[版主回覆07/30/2011 00:05:00]我第一次試用依個方法，估唔到效果咁好喎!
我通常用啲沖咗茶既茶包放雪櫃 不過既然依隻茶包 假到無朋友，咁唯有等佢做雪櫃個朋友啦
回覆刪除[版主回覆08/11/2011 19:30:00]用過既茶包我反而唔會用來放雪櫃，因為始終有濕氣嘛~