Mr.T 出Trip 的日子 (附食譜)

出trip 出咗一星期既Mr.T 星期六(7月23日)終於返咗來嘞~

平時Mr.T 出trip 我一個人都會煮飯食，今次佢出trip 時間比較長，
我反而少咗煮飯比自己食，因為天氣實在太太太太太熱嘞!!!!!!!!!!!!!!

熱到無哂胃口，有時仲熱到連食都唔想食，更加唔會想煮!

7月21日

晚餐: 火腿炒蛋 & 清炒白菜仔

 火腿係之前整蝦醬蒲瓜絲煎餅用剩既~

用火腿快手炒個簡單火腿蛋;

加埋清炒白菜仔 - 我而家炒菜經常唔落蒜蓉，只用油 + 香菇精去炒，除咗比較清淡之外，仲更加食得出菇香~

 連碟都費事分，一碟過咁就搞掂一餐嘞! (洗少1隻碟嘛~ )


7月22日

午餐: 煙鱒魚火箭菜蕃茄沙律 & 焗法國蝸牛

 依隻煙鱒魚淡淡煙燻香味，非常適合用來做沙律!

 加埋火箭菜 + 車厘茄，紅紅綠綠既賣相好省鏡;
檸檬汁 + 橄欖油，味道清新開胃~ 天氣熱時食依個沙律最適合不過!

 一份12隻原裝法國入口既雪藏蝸牛......

 放入預熱焗爐7-10分鐘就食得嘞，方便又好味，而且同餐廳食到既無分別呢!
啱啱出街買咗2 pack 擺定喺冰格!

晚餐: 唐芹炒雞柳 & 腐乳

其實真係無咩胃口唔係好想煮，不過一早已經買咗唐芹 + 雞肉，擺得太耐唔煮盞浪費......
口痕仲加咗兩磚腐乳......


7月23日

約10年前我曾經喺Morrisons 買過一包9成激似廚師腸既火雞肉腸仔!
食過一次翻尋味，不過再去Morrisons 已經搵唔返果隻火雞肉腸......

 早幾日喺Tesco 發現依隻波蘭腸仔......

 見佢個樣都有幾分似廚師腸，只係比廚師腸大條少少......

 成份除咗豬肉，仲有火雞肉喎!
就買一包試吓，睇吓可唔可以成為廚師腸既代替品!

 為隆重其事，特登煎咗2隻心型蛋來配佢......
結果失望啊~~~~~
只得3、4成似廚師腸......(可能因為我一早對依隻腸仔期望過高啦......)
不過依隻腸仔都幾好食，算不過不失啦!
食完腸仔煎蛋就去咗搓包!

 照住台灣陳明裡老師做既蔥花麵包~
好食到不得了!!
估唔到原來高粉加低粉去搓包包，唔需要加任何麵種都可以咁軟綿綿喎!!
包包星期六出爐，今日星期一剩返4隻(份量好多!)，頭先食咗2隻，
仍然好似星期六出爐時咁新鮮!
不過最衰包蔥唔靚，今次稍嫌落得唔夠蔥花 ，下次再整要落多d先!!

 煙鱒魚火箭菜蕃茄沙律食譜click here~

 唐芹炒雞柳(參考食譜)click here~

 台式蔥花麵包食譜click here~