一來本身好少著佢地d衫，因為覺得少少老氣，去都係買鞋或家居裝飾用品多;
二來上兩次趁佢地5am 開門即去都係空手而回，今次我無咁好氣咯!
大減價星期六已經開始咗，本身無唸住去~
不過見朋友們FB講到買得如何盡興; 出街又見好多人買到一抽二抽......
八卦驅使下尋日去咗打個白鴿轉!
(反正屋企附近有間Next~ 
)出乎意料之外 - 尋日已經係減價第3日，但仍然有比我預期中多既size 8(即細碼)
不過當我揀咗十零件衫去fitting room 試身，竟然全部都太大!
最後只買咗2件 - 2件都係size 6(加細)!!
我喺其他店或網上買衫都係著開size 8，間中有部份款式先會著size 6;
但Next 既size 8真係太大for 我~
所以我有理由相信 - NEXT 用咗vanity sizing!
其實2件都只係麻麻地鍾意，不過唔想空手而回......
我喺cashier 排緊隊比錢既時候見到一個奇景......有一個乾瘦年約4張尾既梳髻師奶，不斷從一個大膠袋裡面逐件衫拎出來交比cashier 既staff，每拎一件個staff 就會用筆刪去張水蛇春長單據上其中一項 - 梳髻師奶係來退貨既!
由我開始排隊到比完錢，我一路數個staff 足足處理咗8件退貨!!
到我比完錢走人時佢地仍然做緊依個動作!
我可以肯定依位梳髻師奶退既貨一定超過10件......
其實英國買野退貨唔出奇，我自己都有退過貨~
之但係我真係未見過有人會一次過退咁多貨!
雖然麻麻地鍾意2件新衫，
不過就好鍾意3隻新茶杯~
個師奶唔鐘意當初做乜買咁多?!蹝時間~~~
回覆刪除3隻杯真係好靚喎 下面果兩隻睇落好細隻,茶碗蒸會唔會放隻蝦同蛤蜊就滿架
[版主回覆07/20/2011 17:41:00]咪係囉~ 雖然唔關我事，不過佢自己唔怕浪費時間，麻煩到個staff 啦!
我都覺得白色果2隻茶杯影出來好似好細隻咁! 不過其實係普通日本茶杯既size 來架，好啱用來整茶碗蒸~
哈哈~我之前做sales見得多呢d人囉~ 係美國好多時都係latino師奶咁做 可能佢地見on sale唔想執輸、寧願買左再決定要唔要~| 而且如果佢地用credit card既話仲有credit card reward... 總之就係超典型師奶啦~
回覆刪除[版主回覆07/20/2011 17:37:00]
其實我懷疑size 6 size 8未必係咁快賣哂(講真英國有幾多女人會係size 6 size 8吖!)，我懷疑真係有人係唔係都先立哂返屋企，唔啱就攞返去退錢，咁咪自私囉!!
真係黐線架! 減價又唔係唔洗錢......
2件衫都唔係好襯你喎!
回覆刪除[版主回覆07/20/2011 17:33:00]咁衫始終都係要著上身先知好唔好睇既! 依兩件衫個款麻麻地，不過質地好好~ 最重要係 - 我著得佢地好睇!
我上次去英國...都見到有對老夫婦拎左一大袋衫去refund 呀 .....仲要分開幾張單 ....
回覆刪除不過眼見好多人都拎起碼5-6件衫去refund .
[版主回覆07/20/2011 17:31:00]我見親人refund 都係一件起兩件止，真係未見過好似梳髻師奶咁大陣容!
有d人好cheap 架，因為有得退貨，所以有d人買咗d衫唔除價錢牌，著一次跟住攞去退返錢!
覺得依件好靚＾＾
回覆刪除[版主回覆07/20/2011 17:28:00]Thanks 晶晶! 不過普通啦~ 兩件都係質地靚過款式.....
第2件唔錯
回覆刪除[版主回覆07/20/2011 19:37:00]我就鍾意第一件多d，第二件係因為質地好又平先買!
我都有去Next 睇過, 不過空手而回!
回覆刪除我呢面間Next 都係得好少細碼, 因為我見好多英國女仕上半身都係買size 6 或8, 但下半身就size 12 甚至16!
完全係啤梨型.
[版主回覆07/20/2011 19:37:00]上半身都係買size 6 或8, 但下半身就size 12 甚至16 </// 有無可能有咁古怪既身型呀? 差一個半個碼就唔出奇，差幾個碼我就真係無見過囉! 啤梨都無可能啤梨到咁奇怪吓哇!
我朋友中有幾個都係咁啤梨的身型, 有一個係中國人添.
回覆刪除[版主回覆07/20/2011 21:51:00]妳住邊part 架? (如介意可以唔講架! ) d人身型咁古怪既!
我依邊d人身型好實牙實齒架，8就8，18就18!
第一件都幾靚呀 我都會因為唔想吉手而回 就算係麻麻地既衫都會買 哈
回覆刪除[版主回覆07/20/2011 21:49:00]所以我鍾意第一件多d!
Next真係好難買到鍾意既衫
回覆刪除[版主回覆07/20/2011 21:48:00]所以我絕少去Next! 今次太遲去，好多家具用品比人買哂咯~
唔記得講你隻杯好靚,如果有紫色我一定買
回覆刪除[版主回覆07/20/2011 21:47:00]有紫色既話我都想買紫色啊~ (不過無呢! )
我係TOPSHOP SIZE 8， 但NEXT 係 6，不過都係買好OFFICE 既衫
回覆刪除[版主回覆07/22/2011 05:01:00]原來其他人同我有同樣問題，所以我咪懷疑Next 用咗vanity sizing 囉!
我當然唔介意, 我住Birmingham 既.
回覆刪除[版主回覆07/22/2011 05:00:00]OIC!
個師奶一定係抱住人買佢又買既心理，唔理37 21買晒先算，返到屋企一件都唔鐘意，d cashiers真係多得佢唔少
回覆刪除[版主回覆07/22/2011 04:59:00]依d人咪自私衰格囉! 令我唸起果種食buffet 一見有新鮮壽司就用筷子打橫掃哂入自己碟，但攞到埋位又食唔哂既同胞!!
Shopping spree!! heheh
回覆刪除[版主回覆07/22/2011 04:57:00]
其實係外國買嘢大部份都可以退貨，我諗d staff都見慣咗d咁煩既客！ 不過前兩日我喺香港shopping時見到個女人就真係煩到冇人有。佢之前喺某連鎖店減價時買咗幾件衫，咁果間鋪講明減價貨係冇得換同退錢，個女人就係咁死摞個staff，人地已經同佢好有禮貌咁重複咗好多次話係公司政策冇得退換，但佢就一直跟住人地係咁摞。我喺間鋪睇咗半個鐘，佢就一直念經咁冇停過，真係佢唔煩我喺隔離聽既都煩啦! 難得d staff仲keep到好有禮貌咁同佢解釋同講對唔住，呢間公司d staff training真係抵讚!
回覆刪除[版主回覆07/22/2011 04:57:00]我來咗十幾年都知道依度買野有單可以退貨，亦都知好多人濫用依個保障消費者既policy~ 但就真係無見過咁誇張一次過退咁多件衫貨!
妳應該記低有禮既staff 寫信去佢公司表揚佢嘛! 雖則話佢地待客有禮係應該，不過我覺得咁有容忍力既staff 真係邊度都買少見少!
咁最後點呀? 妳有無睇埋個結果??
鍾意三隻杯杯, 不過乜原來白色果對唔係想像中咁細... 細啲 cute 啲不過冇乜用
回覆刪除[F回覆01/01/1970 08:00:00]F
可以退錢架, 咁好, 怪吾知得d人拎十幾件返去換....
回覆刪除如果好似香港咁減價貨無得換先岩架 ma....同埋無得退$
我諗有d人著過d外套再拎去換神不知鬼不覺, 如果係綿衫就好吾衛生, 有汗漬真係好鬼恐佈...
[版主回覆07/23/2011 17:19:00]英國一般買野可以7日、14日或一個月內憑單退貨(唔係好清楚，因為我好少退貨!)， 有d店就係換credit note! 電器就一年內可以退貨換新 / 換其他貨 / 退錢~
就係因為有得退貨，所以我見過唔少人買一件衫或一條裙，唔除價錢牌，著一次之後攞返去店退錢，好鬼cheap!
咁樣退貨法 , 又真係幾老套
回覆刪除[版主回覆07/23/2011 17:13:00]雖然係可以退貨，但都唔好咁過份吖! 我唸佢減價買野時仲加老土!!
有d電器都可以一年內換, or退$..... 又盞鬼.
回覆刪除外國d商人, 真係對d顧客賓至如歸.
[版主回覆07/25/2011 18:16:00]所有大戶電器店，電器產品都可以一年內可以換貨或退錢! 咁當然妳要証明到唔係人為錯誤整爛產品啦!
我唔知最後結果係點呀！因為到我走時個女人仲"摞"緊！個女人把聲真係好煩，搞到我唔想行近佢，所以睇唔到個staff既名呀！
回覆刪除[版主回覆08/03/2011 16:56:00]OIC~ 咁又係，咁鬼煩比著我都會快d走人!
有好多人買衫唔MIT牌﹗ 著完拎去退﹐其實係PLAN定既~ 我以前係加拿大個FLATMATE就係咁~ 次次係 Banana republic 買完衫褲﹐ 著完兩次就拎返去退~ 我呢邊D鋪就儘量唔退款﹐但可以換~ 不過如果我一定要番錢﹐ 法律上佢地係要退錢既~
回覆刪除[版主回覆08/05/2011 21:27:00]係呀~ 依種人我都識唔少! 真係好心佢地啦....
我依邊d人多數退錢~