乾燒蟹肉草菇伊麵 (超簡版)

何解叫做"超簡版"呢?
因為除咗煮法超簡單之外，準備材料更加簡單~
只要你屋企有現貨伊麵、蟹肉罐頭 + 草菇罐頭，
半夜隨時煮來做宵夜真係話都無咁易!
罐頭其實都可以好好味架~


1. 罐頭蟹肉和罐頭草菇隔水瀝乾; 草菇切半備用。


2. 伊麵1個煮至剛散開即撈起，瀝乾備用。(自製伊麵方法click here~)


3. 燒熱油鑊，下蟹肉和草菇炒勻一會後灒紹酒。


4. 下胡椒粉、蠔油、糖和麻油調味兜勻，加水剛蓋過材料煮滾。


5. 伊麵回鑊和材料汁料一同兜勻，下少許老抽兜勻至伊麵上色。


6. 煮至汁料收乾，上碟即成。