Devilled Kidneys (魔鬼羊腰)

一道價廉美味又營養豐富既傳統英式早餐或light lunch~

1. 羊腰4個去衣(超市賣既多數已去衣!)，洗淨後用廚房紙抹乾，一開4去掉白筋備用。


2. 細洋蔥1個切碎備用。


3. 密實袋內下麵粉2湯匙，放入羊腰丁和麵粉一同搖勻，讓羊腰丁表面沾滿麵粉。


4. 鑊中燒溶牛油，下洋蔥中火炒至金黃變軟。


5. 羊腰丁拍去多餘麵粉，加入鑊內煎約2-3分鐘至兩面金黃。


6. 下茄膏(tomato puree)2湯匙和英式黃芥醬2湯匙略略炒勻。


7. 慢慢加入清水200ml兜勻煮滾，再下李派林喼汁2湯匙、Mushroom Ketchup 和Tasbasco 辣椒汁各1湯匙。(份量隨自己口味增減!)

Mushroom Ketchup 係一種用蘑菇製造，味帶微鹹色似生抽既英式醬汁; 用作醃製肉類或直接加入食物中調味。(若搵唔到Mushroom Ketchup，可省略唔用! )


8. 轉小火小滾煮10分鐘至汁稠，間中攪拌，用海鹽和黑胡椒調味。

9. 上碟後灑上少許cayenne pepper 紅椒粉和新鮮切碎parsley，拌牛油多士同食。