話說Mr.T上個weekend 睇完急症後，
急性腸胃炎極速痊癒!
不過我擔心完佢 + 照顧完佢後，
身心疲倦加上適逢"親戚"係時間到訪......
我謝上加謝!
於是星期一攤抖吓無煮飯;
星期二(7月17日)本來都唔想煮，因為好攰唔想出街買餸!
不過唔煮又唔知想食乜喎.......
最後唔洗出街買餸，都可以好快手搞掂有餐似樣飯食~
簡簡單單整咗個豉油雞翼;
星期三我精神好返d，Mr.T又一早好返哂，
整餐Mr.T鍾意既chicken chasni 食吓啦!
不過Mr.T就鍾意食naan bread，所以今次試吓自己整!
是日初一我又食齋! 叫Mr.T自行搞掂癲拿~
全日落雨完全唔想出街......
再加埋上次包腐皮卷剩低頭頭尾尾既腐皮碎 (唔好浪費嘛!
)用齋蠔油係咁二炒一下.......
求求其其都好好味啊~
Spiced Onions (印式香辣洋蔥)食譜click here~
Chicken Chasni (咖喱)食譜click here~
Naan Bread (印度烤餅)食譜click here~
That looks really good :-) Your casual meal is still yummy looking!
回覆刪除[版主回覆07/22/2012 03:47:05]Thank you Southerngal!
Mr T 無晒事啦! 食得噤開心!!
回覆刪除[版主回覆07/22/2012 03:46:43]本身唔係好嚴重，係佢之前死忍唔去睇醫生先惡化!
每次睇妳煮雞翼都好想食~~
回覆刪除唔知點解覺得雞翼靚過香港
[版主回覆07/22/2012 03:45:49]依度一到夏天，d雞翼就好鬼細隻! 我都係鍾意香港大大隻既巴西雞翼多d
最緊要Mr. T無事...身邊人病真係好大壓力, 會好擔心...
回覆刪除[版主回覆07/22/2012 03:45:00]果晚喺急症室真係難頂! 佢打咗止痛藥瞓到隻豬咁，我就又攰又眼瞓，夜媽媽報告遲遲未來.....我識咗Mr.T 13年，佢一向身體好好，傷風感冒發吓燒都好少，有都好快好返，未見過佢好似今次咁，真係比佢嚇死! 如果佢早幾粒鐘肯去睇醫生，我就唔洗咁慘!
你真係求求其其都煮得好掂囉^^
回覆刪除[版主回覆07/22/2012 03:41:05]過獎嘞~ 上面果咋簡單菜來!
清清地既齋菜,都可以好好味 !
回覆刪除[版主回覆07/22/2012 07:38:34]
都可能因為平時無咩病痛, 先唔知今次咁大件事呢...下次都係小心留意, 唔舒服就要睇醫生喇...take care!
回覆刪除[版主回覆07/23/2012 21:43:38]男人係唔會聽依枝歌仔架!
有小小唔舒服 怏d去看醫生 因為d細菌好利害 祝身體健康 生活怏樂
回覆刪除[版主回覆07/23/2012 21:39:21]Thank you 嘉麗~ 不過男人係唔會聽依枝歌仔既!