等到頸都長咗幾呎，尋日終於睇咗!
睇前情緒高漲; 睇完後情緒更加高漲!!
原本7月20日晚首影我已經好想去睇，
不過我一定要睇IMAX - IMAX 即代表要預早訂票!
之前Mr.T又唔肯定果日洗唔洗去南下開會，
到佢知道時已經太遲......
我地訂完票第二日再check，29號頭三場已經又爆哂!!
只剩返尾場10.15pm......
尋日晨早起身，Mr.T買早餐返來食完即時出門口~
去到IMAX只係11am，足足早咗一粒鐘......
不過我地係特登早一粒鐘去排隊既!
因為4年前我地去IMAX 睇"The Dark Knight"時，
早半粒鐘去已經打咗蛇餅幾次!
結果入場後好位已比人坐哂，
我地要坐側邊，成套戲啤住Batman!!
一去到IMAX，我同老公兵分兩路......
早一粒鐘去到，但我前面都已經有好多人嘞!!
不過戲仲未開場......好心急呢~~~~~
唔提劇情嘞!
睇咗既人已經知道劇情; 未睇既人唔應該 + 唔需要知......
所以我只記下一d自己既睇後感~ 不過內容難免會透露多少劇情，
所以未睇戲既人最好唔好再睇落去嘞!!
戲完場後燈光一著，
老公同我講既第一句說話係: 哇~ 好正呀!
我同老公既感覺一致 - 真係好正!!
由開場到戲完結絕無冷場無廁所位!!!
雖然我唔係好鍾意Inception + Batman Begins，
但無可否認Christopher Nolan 的確係一位非常出色既導演!
(我好鍾意佢另一部作品The Prestige!)The Dark Knight Rises 係佢既Batman 三步曲最後一步，
真係覺得有d可惜......
三步曲中第一步Batman Begins 我最唔鍾意，睇到我恰眼瞓!
咁第二步(The Dark Knight)定今次第三步好d呢?
我揀唔到啊~~~~~~
但第二步 + 第三步有一個共通點 - 兩集Batman都比反派角色搶哂鏡啊!!上一集Batman 完全比Heath Ledger 演既Joker 蓋過哂風頭;
今集大反派除咗有Bane 之外，
亦正亦邪既Catwoman 都演得非常出色!
甚至只客串咗兩個鏡頭既Scarecrow 都好有睇頭，令觀眾印象深刻!!
in fact 我認為Christian Bale 係歷屆演Batman 最好既人選!
雖然戲既主角係Batman，
不過無可否認果咋反派角色比Batman 本身更有發揮!Christian Bale係一位專業又有演技既演員，
但今集喺IMAX大銀幕見到佢殘咗好多啊......
我 + 老公都好鍾意既英國演員!早在Tom Hardy 大紅前，
我地睇過佢演既英國短篇電視劇"The Take"，
當時我 + 老公已經驚為天人 - 依條友咁好戲既!!
後來我地睇返Tom Hardy 部份舊作，雖然當中有d好怪雞......
再後來佢喺荷李活嶄露頭角......發現佢演既每一套戲每一個角色，
你完全唔會感覺到演既係同一個人來!
好老實講句 - 成套戲Bane 都帶住個面具，佢個真樣只出過一次幾秒鏡頭......
如果無咗果幾秒 + 唔係一早知道由佢來演Bane，
真係打死我都唔信Bane係Tom Hardy 來!!
我完全無睇過Anne Hathaway 其他戲，
因為佢其他戲好多都係love comedy - not my cup of tea!
而且感覺佢好傻大姐，當初知道佢做Catwoman 有d好意外!!
但睇完The Dark Knight Rises 後我更意外.......
佢演Catwoman 真係好出色!
造型好靚好索好sexy 完全無半點傻氣，
身材完美到我係女人都想吹口哨!!
尤其當佢喺Bruce Wayne 墳前喊住向Bruce 父母道歉，
自責辜負咗Bruce 父母，無好好睇住Bruce......我覺得換咗好多其他演員都未必會真喊去演依場只短短分零兩分鐘既戲!
但Michael Caine 喊到老淚縱橫，短短分零兩分鐘已經睇到好心酸......
雖然佢只短短出過兩個鏡頭，不過相當搶鏡!黐黐地線既Scarecrow 講咗句: Death......by exile!
令啱啱飲咗啖可樂既我差d笑到chok 死!!
為依套咁dark 既戲加上點點笑料 + 彩色~
至於戲內其他演員，
e.g. Gary Old, Morgan Freeman, Marion Cotillard, Joseph Gordon-Levitt，
全部都好稱職，但都並非特別出色......
戲中有幾場非常精彩既爆炸場面 - 尤其係炸運動場果一幕!
配合IMAX 超級大銀幕 + 勁爆音響，連張椅都震埋，感覺真係非常震撼!等咗個多星期去睇IMAX 絕對值得!!
-------------------------------------------
相信大家都應該知道7月20日The Dark Knight Rises 首影當晚午夜場，
Aurora 一間戲院發生槍擊慘劇有12人喪生......
V媽媽知道我 + 老公尋日去睇The Dark Knight Rises 後有d擔心，
要我散場後即時打電話比佢報平安~
睇戲時當中有兩場戲令我感到非常感觸......
(1) Batman + Catwoman 喺天台被Bane 手下包圍......
Batman (tells Catwoman): No guns, no killings!Catwoman: Where's the fun in that?
(2) 戲最後部份Catwoman 用槍射Bane 救咗Batman......Catwoman: I don't know if I feel the same way about the no-gun policy.聽到依幾句對白，令我不由自主想起槍擊案~戲未上影前好多觀眾包括我 + 老公在內都非常期待!
終於等到上畫日期，
大家懷住興奮心情開開心心去欣賞同一套期待已久既電影，但因為一個心智唔正常既人做出瘋狂行為，
有人因此一去無回頭，
死傷者家人朋友既世界從此被改寫......雖然我地仍然好鍾意依套戲，
但一套咁精彩既電影已經蒙上咗永遠唔可以磨滅既陰影，
我覺得好感慨好遺憾......
剛剛睇到新聞，
案中兇手James Holmes 今日第二度提堂，
正式被落案起訴24項謀殺 + 116項意圖謀殺~
(每位死者 + 傷者既罪打孖控告!)
難以想像槍擊案中死傷者既家人朋友有幾難過，
殺人兇手固然可恨，但兇手既家人面對巨大壓力同樣唔好過......
戲還戲; 現實還現實~ 願世界和平!
我都覺得依部戲都唔錯幾好!!!我個人喜歡第2同第3集多d!
回覆刪除但覺得有d邪囉..兩集都有人死!!
最慘係d無辜的人,只係睇戲都會因此喪命,就真係可憐
[ok回覆08/02/2012 09:43:25]係呀...依樣真係好重要架...唔係到時後悔就太遲啦!!
[版主回覆08/01/2012 21:21:23]估唔到睇場戲都會發生咁既事，所以大家都要珍惜眼前人!
[ok回覆08/01/2012 12:17:28]唉!依個世界太多人心理唔正常!
[版主回覆07/31/2012 16:55:08]開開心心去睇戲，點會唸到會發生咁既事......
haha...部戲真係好正呀! 我睇先你幾日添...
回覆刪除[版主回覆07/31/2012 16:53:29]妳都係睇IMAX 呀? 好戲早睇遲睇都無所謂~
Anne Hathaway真係樣靚身材正!
回覆刪除我鍾意睇佢既戲
[版主回覆08/01/2012 21:20:09]佢今次無Catwoman 真係好出色! 不過佢其他既戲唔係我杯茶~
我仲未睇丫...我要提番1同2先去睇呀~~因為我睇完D戲成日唔記得~~好抵睇...一套戲可以睇N次~~嘻~
回覆刪除[版主回覆08/01/2012 21:18:55]trilogy 故事獨立，唔洗睇前2集都無問題!
我遲你一日睇,依邊真係冇HK咁瘋狂,我地係開戲前10分鐘買飛的, 影院只係坐滿三分二;當佢地狂炸警員同平民, 我反而諗起911
回覆刪除[Molly 公路之星回覆08/02/2012 07:10:45]UK都咁多人啊~~見咁多人就諗住一定响HK呢!!我响澳洲啦~已經好耐冇撲飛啦~~(concert除外)
[版主回覆08/01/2012 21:17:29]妳果邊即係邊邊? 我唔知HK瘋唔瘋狂喎! 我喺UK....
batman真的很棒很好看!
回覆刪除來到第三步... 真的不想這麼快完結 >__<
alfred哭那幕真的令人印象深刻, 一同感到悲從中來!!!
[版主回覆08/01/2012 21:14:57]trilogy 只係指Christopher Nolan 本身啫! 片尾似有留下伏線John Blake 將會做Robin，我相信遲d會有其他導演再拍Batman!
無錯! Michael Caine 真係一位好有經驗出色既演員~
Nice sharing!
回覆刪除[版主回覆08/01/2012 21:11:08]Thank you!
我仲未睇呀
回覆刪除[版主回覆08/03/2012 19:41:17]如果就到我時間，我強力推介去睇IMAX 版! 物有所值~
[菲仔回覆08/03/2012 08:29:50]之前都有睇開, 不過老公未有時間睇咋
[版主回覆08/03/2012 06:12:29]咁其實妳想唔想睇? 未必個個女人都對依類戲有興趣.....
My husband and I watched it yesterday. We queued up for the tickets, not too bad and happy with our seats! How lucky! Maybe our English isn't that good, we couldn't catch what Bane said, not clear with a mask on! Alfred's acting is good, he wet my eyes...
回覆刪除[版主回覆08/03/2012 21:18:36]actually i think it's because the moive has been showing for 2 weeks now.
[Chan回覆08/03/2012 21:04:51]No, it's IMAX, there were a few empty seats. Maybe people in the south are not too keen on it.. =)
[版主回覆08/03/2012 06:11:27]did you guys go for the normal screen? IMAX tickets for big movies always sell out very quickly!
well actually lots of people couldn't catch what Bane said because of his mask! Mr.T and I both missed quite a bit.....
我都睇左呀~ 不過當然都係會一早買幾日後既先有好位啦~ (好在我屋企附近間新IMAX戲院有reserve seat) 我都覺得好正~ 接近成3個鍾既戲, 睇時真係唔多覺有咁長~
回覆刪除"片尾似有留下伏線John Blake 將會做Robin，我相信遲d會有其他導演再拍Batman!" <--- agreed! 我老公同我argued話唔會再有Batman戲...
[版主回覆08/03/2012 06:01:40]我地依度IMAX 飛無得劃位架，訂咗飛都要早去先霸到靚位!
我覺得將來仲會有Batman 系列既戲，只係唔會再由Christopher Nolan 執導，而且應該唔會係短期內發生既事! Batman 系列咁賺錢，點會無人拍吖? e.g. Joker + Catwoman 之前Tim Burton 已經拍過，落到Christopher Nolan 手咪又再拍一次!
之但係將來既Batman 會唔會拍得好過The Dark Knight Rises 就係另外一件事嘞!
話時話我同你一樣,去IMAX 睇"The Dark Knight"時好位已比人坐哂要坐側邊成套戲啤住Batman, 我地仲要全前頭第二定三行...
回覆刪除[版主回覆08/03/2012 05:53:34]咁我地都好過你地...至少無咁前!
就係因為上次經驗，今次特別早一粒鐘去排隊，今次個位超級正!! 果然係早起的鳥兒有蟲吃!!
我上個星期都睇左依套戲，不過你真係好細心咁做足功課，睇完你篇閱後感，就好似重新翻睇多了一次，而且印象深刻左好多，多謝你呀!
回覆刪除[版主回覆08/03/2012 19:40:12]其實我都無做過咩功課，我地本身一直好Batman 系列 + 依咋演員，對佢地好熟悉，只係睇完戲之後好自然咁記低感想!
Agreed!!! 點會唔再拍丫~ 加上咁樣bring左robin出黎...
回覆刪除Anne Hathaway《one day》,《The Devil Wears Prada》好好睇 :)
回覆刪除[版主回覆08/10/2012 20:20:41]我知佢做過咩戲，不過依咋戲唔係我杯茶~