Mr.T's Packed Lunch 2012年7月13日 - 牛扒火箭菜蕃茄蒜蓉蛋黃醬Panini (附食譜)

本來依個咁簡單唔打算寫食譜，
不過FB有朋友仔問想要食譜.......
橫掂都係要打字，不如喺度打多篇呃吓post 啦!


1. 西冷或肉眼扒煎至自己喜歡的熟度，用海鹽和黑胡椒調味。
P.S. 最好用grill pan 會有燒烤香味既效果~

2. 牛扒煎好後上碟，用鍚紙蓋好待10分鐘後切薄片待用。

3. Panini bread 打橫切半。(其實咩包都得! 隨自己喜好啦~ )

4.先放上火箭菜，再放上蕃茄(切片)，再鋪上牛扒。

5. 搽上蛋黃醬，灑上少許garlic granules 即成。


尋晚 + 今朝Mr.T不停問我"今日packed lunch 有咩食?"
我同老公都係牛魔皇，
我知道佢一定會鍾意依份三文治，
所以我屎都唔肯講比佢知，想比個驚喜佢!

終於到咗lunch time 嘞! 果然老公好鍾意steak~ ♥