二人世界Welcome back my Hon dinner - 2012年7月8日 (附食譜)

Mr.T 前晚(7月7日)由南下返咗來Glasgow 嘞!
仲買咗麥麥比我做宵夜呢~


自從Mr.T 去咗南下做野後，
就少咗好多機會食我煮既野!
我煮親一人前，Mr.T 只可從FB 望相止饑，
有得睇無得食!
我個FB 就好似變咗Mr.T 個餐牌，
佢次次睇完都會同我講.......
"Honhon~ 我想食乜乜乜...我要食乜乜乜......我返來時妳煮比我食吖?"

記得Mr.T 仲未有打算搬返來蘇格蘭時，
當時我地仲計劃緊我搬過去Stoke，
有日Mr.T 問我: Honhon~ 不如妳搬過來第一晚整龍蝦比我食吖?

上星期我整咗芝士龍蝦伊麵，
Mr.T 睇到FB相後，
打親電話比我都話要食龍蝦，我當然唔會托老公手踭啦!
於是我計劃Mr.T 返來後，
煮比佢食既第一餐就整芝士龍蝦伊麵啦!

不過問題係...
我覺得自己親手整既伊麵實在太好食嘞!

一人前芝士龍蝦伊麵;

乾燒蟹肉草菇伊麵;

乾燒伊麵 (前一日有草菇剩低但無哂蟹肉......)就係咁一日一個，連續食咗3日伊麵，
第一水整既3個伊麵已經比我自我欣賞食鬼哂!

於是星期五晚，賢妻特別為第二日回歸既Mr.T深夜炸伊麵!

不過Mr.T 星期六好夜先返到Glasgow，
所以依餐星期日先煮!

星期日(7月8日)lunch 我地先去YO!Sushi 打破紀錄......
32碟 + 2味噌湯!

其實之前2個星期Mr.T weekend返來時，
我地都去咗食YO!Sushi......

6月24日 - 28碟 + 2味噌湯;

7月1日 - 30碟 + 3味噌湯~

講返尋晚餐癲拿.......
因為我地差唔多晏晝2點半先去破紀錄，
食完Yo!已經好飽好飽，
都有少少擔心唔知仲食唔食得落晚餐......

今次龍蝦 + 伊麵都打孖上!

龍蝦好多膏啊!!!!!!

打孖上煮出來一大盆!結果證明我之前既擔心係多餘既......

一大盆芝士龍蝦伊麵比我地兩個清哂!

打孖上既龍蝦 + 伊麵，
Mr.T 鍾意到棟起既手指公都打孖上!

好鍾意見到老公食我親手煮既野個滋味樣~

所以往後幾日我準備咗肥雞;

同埋靚牛腩~
我要老公食到連腳趾公都棟起埋!

今朝送老公出門口返工時，
老公同我講: See you tonight darling hon!
Feel so good~~~~ ♥


芝士龍蝦伊麵食譜click here~
乾燒蟹肉草菇伊麵食譜click here~