Mr.T 由南下搬返來Glasgow 仲未夠一星期，
我想盡快煮返果咋Mr.T 南下期間只有份睇而無份食，
我第一次嘗試煮既一人前比佢試吓!
依個steak & kidney pie 就係其中一樣嘞~
英國d超市真係好衰格!
好多時你咗買一樣野覺得好好用;
或你買到一種食物覺得好好味......返轉頭想買多d時，
果樣野或果種食物通常都係斷貨!
甚至只一水過以後都唔再入貨!!
上次第一次整一人前steak & kidney pie，
係因為見到Tesco 有依隻已處理好切好哂既steak & kidney pack，
可以直接落鑊好方便!
不過買過一次後，就無再見到......
(Steak & kidney pie 用牛腰或羊腰均可!)
豬腰就食得多，羊腰真係第一次試!
點知原來羊腰一d異味都無果喎! 豬肚臭好多好多!!!!!
Mr.T知道我整Steak & Kidney Pie 之後......
Mr.T: Honhon~ 可唔可以唔要kidney 只整steak pie?
我: 唔得! (因為我鍾意食kidney!!)
And guess what?
有人一開波食咗一啖後就同我講......
咦......原來kidney 咁好味架!!Traditional Steak and Kidney Pie 食譜click here~
Pie bird 除了靚靚之外仲有咩作用
回覆刪除[版主回覆07/14/2012 00:25:09]焗面積較大既批時支撐住批皮防止批皮下陷，批裡面既汁滾時，蒸氣會由雀仔咀噴出，防止出現谷爆批皮漏汁既情況~
我都好想試下整，我覺得好好食，不過難唔難整呢??好似好煩咁,個酥皮你自己整定買ga?
回覆刪除[版主回覆07/14/2012 00:36:34]依個唔難整，不過功夫多~ 酥皮我買現成既，上面有食譜條link 啦，妳可以去睇吓!
嘩，你整得好靚呀！！
回覆刪除[版主回覆07/17/2012 20:13:28]Thank you!
我老公都係..唔知點解唔喜歡食內"藏",但就好喜歡食雞腎,鴨腎.其他係唔會食架..都唔明點解會甘
回覆刪除[ok回覆07/20/2012 10:28:28]無錯無錯....
[版主回覆07/19/2012 22:46:03]我都係照煮! 佢唔食我唔洗食呀?
[ok回覆07/19/2012 11:53:56]所以我覺得他們好走寶囉..不過我通常好想食時都係唔理他會照煮
[版主回覆07/17/2012 20:13:12]我老公連雞腎鴨腎都唔食架! 雞肝都係因為我鍾意食雞肝醬，佢試試吓先鍾意食!
我睇完妳整既批想快d返英國到時可以食
回覆刪除[版主回覆07/17/2012 20:10:05]咁妳返來時盡情食多d啦!
haha..又比你" 侷" 到Mr. T 食你鍾意食 D 嘢喎
回覆刪除[版主回覆07/15/2012 06:16:17]d腰切到碎哂撈埋d牛肉、洋葱、蘑菇、紅蘿蔔......點摷返出來呢?
哈哈哈,因為你整好相當好靚呀?不但英國,香港都係咁,買了那東西好吃再去已沒有出售,好奇怪點解呢???
回覆刪除[版主回覆07/19/2012 22:47:57]英國有好多野香港未必有得賣或者會好貴; 但香港有更多野英國完全無得賣或連代替品都無......
[緊張大師-小女人回覆07/18/2012 09:36:50]咁就係,所以你們在外國有好處亦有不好,每個地方都差不多.
[版主回覆07/17/2012 20:09:29]唔係因為我整得靚，而係佢之前根本無試過! 唔知點解佢未試過都覺得內臟核突 + 好臭? 試過後先知好食!
香港好好多! 至少香港每樣野都有好多唔同選擇，搵代替品都容易好多~ 但英國人唔多肯試新野，依個情況成日都出現~
“好多時你咗買一樣野覺得好好用;
回覆刪除或你買到一種食物覺得好好味......
返轉頭想買多d時，
果樣野或果種食物通常都係斷貨!”
呢個喺香港都經常發生
[版主回覆07/19/2012 22:50:18]我唔係話香港無咁既情況，不過香港每樣野選擇都比較多，就算真係搵唔返原本想要既野，好多時都比較容易搵到代替品!
不過我好多時返香港買過一樣野，用過覺得好用，第二年再返香港時都好容易搵得到!