Pepper Chef 胡椒大廚, Birmingham (2014年11月14 + 15日)

我無打錯字...大家又無眼花...的確係"Pepper Chef" 而唔係Pepper Lunch!


上一次南下已經見到依間Pepper Chef，上次無機會試，
今次酒店check in 後直衝Pepper Chef~~~~~

樓面超大! 有3個門口........@@

內裡格局非常港式茶餐廳........

令我唸起翠X + 康X.........


Pepper Chef 係咪抄Pepper Lunch 架?
阿V好遺憾今次返香港無試到Pepper Lunch! 但我喺朗豪坊見過人地食........

味道我就唔知...不過賣相...你話唔係抄，我唸都無人信......

仲有個logo.......=_="

Mr.T 既黑椒豬扒飯...份量好足~ 個黑椒汁好好味，但豬扒稍嫌太薄~

我既日式照燒雞扒飯...唔知佢切開咗定點，係好多分開一塊塊既雞件唔係雞扒!
汁稍嫌甜咗少少，但味道唔錯!


真係抄嗎? 咁我又覺得唔係喎!
因為Pepper Chef 除咗有"疑似Pepper Lunch"之外，
仲有太多太多其他野食~~~~~~~~

雙面印刷圖文並茂既餐牌...款式多到令人花多眼亂! @@


其實每人一個鐵板餐真係好夠! 但受唔住餐牌既引誘.......

肉包子...熱辣辣軟綿綿，肉餡充滿肉汁好好味!

足足3/4我塊面咁大個! @@

肉夾饃...本來唔知係咩來，Mr.T 亂篤餐牌點既......
熱辣辣外面烘到脆脆既燒餅夾住肉餡，好味!!

即點即燒烤羊肉串...香噴噴又入味，好食到不得了!!!

Pepper Chef 既食物水準好高! 價錢又唔算貴，
對有思鄉病既中國人香港人(阿V我係其中一個...)來講係一個好好既安慰~
In fact 超過9成既客人都係中國人.......

不過佢地d飲品...Mr.T 點咗只有一片檸檬既凍檸菜，我就點咗豆漿...兩杯都淡而無味!


返到酒店將依餐post 上FB，有位住喺Birmingham 既blog 友即時推介店內既手抓餅~
決定第二日再去Pepper Chef 食午餐!

先來blog 友推介 + 幾乎每枱客人都點一客既手抓餅...果然名不虛傳!

餐牌上發現竟然有酸辣粉! 完全無唸過喺英國都可以食到酸辣粉!! 開心到黐咗線~~~~
大大碗熱辣辣香噴噴，又酸又辣...雖然唔夠旺角旦王咁正，不過已經非常好味!

Mr.T 既紅燒牛肉麵...都係好味既，但Mr.T + 我自己都一致認為...我整得更加好食!

Encore 個人認為必食既烤羊肉串! 依個一定要嘗試老翻!!

之前凍檸茶豆漿瀨哂野...今日點珍珠奶茶...味道唔錯唔太甜...不過竟然係熱既! 
我 + Mr.T 都係第一次飲熱既珍珠奶茶...凍既好飲d~ =P

錯過咗機會食Pepper Lunch...不過試到Pepper Chef 都唔錯!
忽發奇想...去62餐館攞咗2塊鐵板返來老翻Pepper Chef!! XDDDDD


http://www.pepperchef.co.uk