鹹蛋出世嘞! (2009年11月11日)

4星期前用鹽水浸製法整既第一批鹹蛋出世嘞~~~~~~

其實尋晚已經剛好醃夠4星期，但尋晚煮飯時忘記咗整來試吓!

效果比我預期中好!  食落有淡淡既紹酒香~~~ 老公都話好好食!!!

黃油呀!!! 起砂呀!!!!!!
蛋黃部份我都幾滿意，如果連果少少白色都無埋就更好嘞... 但食落都好甘香~~~

而蛋白部份無街買既鹹蛋咁鹹，不過我認為再鹹少少仲更加好食!
下次再整時我會增加鹽既份量，令蛋白再鹹少少!
下星期輪到用裹鹽法 + 鴨蛋整既第二批鹹蛋出世嘞!! 期待ing~~~

自製鹹蛋 - 鹽水浸製法