我5歲時完全係懵盛盛! e.g. 我會喺西曆新年期間問V媽媽: 點解今年新年無利是逗既? 當時我會為一個得唔到既玩具，或者一粒唔到口既朱古力，當成天下間最唔公平既事而悶悶不樂，甚至扭計發脾氣......
有無唸過5歲就要為自己定下一張"死前願望清單"?
Elena Desserich - 一個大眼睛、笑容甜美，人見人愛既小女孩，就曾經為自己定下咗一張咁既清單......
Elena 因為一次喉嚨痛而被証實患有腦癌，醫生甚至向Elena 既父母定出135日既限期~ 由依一日開始，父母就開始為Elena 既病而奔波，佢地將Elena 接受治療既過程、一家人齊心抗癌既心路歷程、Elena 患癌後一家人更加珍惜剩餘時間既生活點滴，喺網誌裡面一一紀錄下來，好讓Elena 只得3歲既妹妹Gracie，將來會記得依位姐姐......
畢竟現時醫學上對腦癌既治療對策仍然好有限，奇蹟並無發生喺依位可愛既小女孩身上......Elena 經過一番努力，活多比醫生當初定下既135日限期既一倍時間後，最終都唔可以戰勝癌症而離開~
我花咗2晚時間，一口氣睇完成本書~ 睇依本書既過程當中，你會發現Elena 既意志力強得驚人! 腦癌令Elena 既右腳癱瘓而需要坐輪椅，但佢會為一對心愛鑲有閃石既新鞋而拒絕坐輪椅，堅持靠自己力量來行醫院裡每一條既走廊;
Elena 身體患病仍會想鬼主意捉弄爸爸後哈哈大笑~ 你會為佢既天真可愛而會心微笑; 當Elena 無助地問爸爸"點解我頭裡會有個腫塊，但我既朋友唔會?"~ 你會覺得心痛; 後期Elena 失去說話能力，佢唯有用開始癱瘓既雙手，向父母比出"我愛你"既手語，你會為佢既懂事 + 懂得感恩珍惜而流淚......
畢竟Elena 只係一個5歲既小朋友，佢都會因為怕抽血 + 治療帶來既痛苦而鬧過情緒......我發現Elena 既父母並無刻意完美化佢地已離世既女兒; 更加無搏人同情眼淚煽情既情節 - 依一點就係本書感人之處!
"天使遺留的筆記" 既原著英文版 - "Notes Left Behind: 135 Days with Elena" 其實喺美國已出版咗接近1年; 而中文版就係今年9月先正式喺台灣 + 香港出版~ 不過我係因為睇到網上中文版既宣傳短片，先知道有本咁既書 + 有件咁既事!
我喺金石堂訂購"天使遺留的筆記"之前，曾經去勻哂各大書店如Borders, Waterstone's, WH Smith...嘗試搵英文版"Notes Left Behind"......不過各大書店店員們，全部都對依本銷量達25萬本既書未有所聞!
最吹脹既係英國艷星Katie Price 出版既自傳，佔據各大書店當眼位置...我真係覺得好諷刺......
再嘗試轉向英國網上書店搵英文版......都係無! 好明顯 - 依本書喺英國係無得賣!!
最終都係要幫襯返金石堂 - 咦...金石堂都有英文版喎!!!! 不過金石堂海外郵寄只限中文書......最後唯有焗住買翻譯中文版~~~
我咁執著中文or 英文版，其實仲因為我知道英文版既收入會撥歸Elena 父母成立既"The Cure Starts Now Foundation" - 一個幫助患癌兒童既基金! 但中文版既收入去向我就唔多清楚.....
Anyway 無論你準備睇or 已經睇緊依本書; 無論你睇既係中文版or 英文版......希望你都會抱住感恩既心去睇依本書; 已經睇完書既人，希望你會有所領悟; 甚至無打算睇既你......希望大家都會學懂珍惜眼前人~~~
你既介紹令我有興趣睇呢本書, 之前係y blog 睇過某d 類以既blog... 俾我感覺唔係咁好..[可能會俾人打...]點講呢..我最初睇..以為係個小朋友有病既, 點知睇到好後先知...原來...已經離開左. 呢種感覺對我黎講, 我自己覺得恐怖架...
回覆刪除[版主回覆11/16/2009 19:05:00]妳講果種恐怖感 - 若我唔認識對方，加上後來先發現，我都會同妳一樣喎! 但換轉係我果位離世多年既朋友，我自己感覺佢好似只係去咗外國一樣~ 我唸只係認唔認識對方既分別啫.......
不過依本書好特別 - 唔會因為為咗要妳流眼淚而特登煽情~ 反而會覺得好sweet + 一個5歲既小朋友教曉妳好多野!
回覆刪除你講得好好呀, 未睇書先感動! 我有時睇報紙新聞都會喊, 我相信睇呢本書會喊死~
[版主回覆11/16/2009 18:57:00]無話講得好唔好既，只係我睇完書既少少感想.....
我睇前都以為依本書好沉重! 但睇落妳就會發現因為依本書其實係日記來，著重記低Elena 離開前既日子，佢地一家人有好多美好回憶，妳會感受到佢地一家人既愛 + sweet 多過Elena 離開既哀傷~
so touching~~~~
回覆刪除[版主回覆11/17/2009 06:39:00]This is such a good book and i highly recommended~
嘩.... 你講到我都心郁郁呀 , 對上一次睇咁感動的書都是 "一公升眼淚 " 了, 不過我是睇完DVD喊到豬頭咁 , 我再買書來看囉, 仲買哂2本 ( 分別是媽媽寫及女兒寫的日記 ) 。
回覆刪除[版主回覆11/17/2009 06:37:00]我對上一次睇書睇到喊應該係舊年既<生命最後一個月的花嫁>，剛巧都係關於癌症既真人真事......不過個人覺得唔夠<天使遺留的筆記>咁震撼 + 領悟咁深! 我強推依本係今年既好書~~~
我反而好少睇依類改篇自書既電影，因為我覺得日韓拍依類電影大多係婆婆媽媽........好似<生命最後一個月的花嫁>今年都出咗戲，但我喺YouTube 睇完trailer 之後，覺得好turn off! 完全無興趣睇電影版......
Your blog is very interesting and informative. Thank you for all the useful information on the bookstore in Taiwan, the recipes ...etc. Anyway, for info', you can get the book in amazon UK website. I have just ordered one, like you, I am not a great fan of translated works...
回覆刪除[版主回覆11/17/2009 06:25:00]welcome and thanks for your comments!
actually i also found the book on Amazon UK~ however i had a very bad experience with Amazon before! so i dont want to use them again. anyway thanks for letting me know~~~
很感人的一篇真人真事筆記, 我只看了你的短短介紹, 已眼濕濕, anyway希望Elena Desserich在天國快樂
回覆刪除無論如何, 也要珍惜同家人一齊的時間 所以兩年前我決定不工作, 來照顧囡囡及老公的日常起居, 多點陪伴他們
[版主回覆11/19/2009 04:28:00]我比妳更早決定唔工作 - 我自小志願已經係做家庭煮婦架嘞，所以我大學畢咗業就結婚做人老婆，全心全意照顧老公!
以前看過一本書, 好像是宣明會出版的, 但忘記了書名, 封面是一個跛腳的少女, 內容描述第三世界國家, 面對戰火, 面對貧窮, 這些小朋友是如何生存的, 值得一閱!
回覆刪除[版主回覆11/19/2009 04:16:00]多謝推介~~~~
喂喂 " 一公升眼淚 " 的電視版是ok架 , 真係好勵志及感人呀 , 但電影版我沒有睇啦.....
回覆刪除你這本書我想我都會搵來睇睇 , 近排咁凍都要感動一下啦.... 哈哈....
[版主回覆11/19/2009 04:13:00]OIC~ 原來係電視版!
<天使遺留的筆記>新出2個月左右~ 喺香港應該周圍都好易買到!
其實我依家好怕睇依類既書，一來會喊到豬頭咁，二來會攪到個人唔開心好耐
回覆刪除[版主回覆11/19/2009 17:24:00]我好耐以前睇過另一本講心理既書，裡面提過 - 話就算心境保持好開朗既人睇戲 / 睇書會感動或有悲慘同情既感覺而喊，都係一種好既舒緩情緒方法!
我見到依邊圖書館有得借中, 英文版.....多謝推介.....
回覆刪除[版主回覆04/20/2011 06:16:00]唔洗客氣~ 其實依篇只係小妹既讀後感，都唔算咩推介呢...... 咁最好睇返英文版原汁原味啦!