老公出咗trip，得我自己一個人食晚餐......手痕試吓整烏冬!
做法參考日清網站~ 原食譜本係用低筋麵粉，但由於低筋麵粉對我來講太珍貴......
一樣整到滑滑 + 煙韌既烏冬架!
1. 先將海鹽15g加入145ml 暖水拌勻。
2. 中筋麵粉300g 在大碗內篩好。
3. 將暖鹽水慢慢平均加入麵粉中，搓成光滑麵糰。
P.S. 一定要有耐性!
因為剛開始搓時麵糰會稍乾，但一路搓揉既過程當中，麵糰會開始吸水~ 要搓至如BB仔皮膚般光滑既麵糰! 
(係我隻右鴨乸蹄......
)7. 完成腳踏步驟後，將麵糰包好再靜置10-20分鐘。如步驟(5)一樣，用手指測試麵糰。
8. 取出麵糰，用壓麵棍將麵糰平均地輾成約3mm 厚，摺3下切成麵條。
9. 燒滾水下烏冬煮至麵條浮起，取出過冷河後，即可加入熱湯食用。
NOTE
- 要用厚身不易穿既膠袋e.g. 好多人用米袋~ 不過我無米袋，所以改用3個三文治袋代替;
- 腳踏步驟可用壓麵機來做~ 不過我試過......實在要用太大力搞嘞!!!!
都係用腳容易好多~~~
好多日本人都認為 - 最簡單既醬油清湯底最能彰顯出烏冬既美味! 所以好多人食烏冬時都會點醬油清湯底加生雞蛋 + 蔥花依個簡單組合~
不過我無日本人果種生食專用既鮮雞蛋，所以用soft boiled egg 來代替~
首次做烏冬我覺得好成功! 質感超滑滑兼煙韌彈牙~~~
唯一美中不足就係我刀功唔夠好 - 切得太粗......
材料、份量 + 做法全部參照日清網站!
有全個做法過程video: 
亦有詳細既文字版食譜 + 做法: http://www.nisshin.com/entertainment/komugiko_club/meikan/01/01.html我當然唔識睇日文啦!
不過我搵到一個excite 既中日翻譯器: http://www.excite.co.jp/world/chinese/大家有興趣既話，可以將文字版copy & paste 到網站翻譯成中文~ 雖然譯得唔完美，但一定睇得明! 比起Yahoo Babel Fish 翻譯器好得多!!!
你隻腳介指... 好得意呀 ... 隻蛋都好令 .. 應該好好味....
回覆刪除[版主回覆11/29/2009 21:18:00]哈哈~~~~ 果隻toe ring 我剛同老公拍拖頭幾日買架，大大話話帶咗成10年咯!
唔抵得呀，妳整啲烏冬咁鬼靚
回覆刪除點解我整嗰啲咁肉酸架，我唔制呀 ~~~~
[版主回覆11/29/2009 21:16:00]經過我親身試過整，我認為妳整時太鬼心急麵粉吸水不足~ 再試多次啦，真係唔難整架! 只係要耐性 + 手力......妳上次已經成功咗一半嘞~~~~
嘩!!咁難整你都整到,真係犀利呀~~烏冬真係好好味我好鍾意食手打烏冬,不過出面賣得勁貴,百佳賣$50得5個咋,不過我成日都會買,因為真係好好食!
回覆刪除[版主回覆11/29/2009 21:07:00]過獎嘞! 整烏冬其實一d都唔難，只係需要好有手力 + 耐性!!!!
你隻腳有冇洗乾淨呀??!! 睇落真係好好味咁喎,粗d味仲好,會有口感d嘛....
回覆刪除點解低筋麵粉珍貴?你唔容易搵咩?香港冇咩?叫V媽媽寄俾你囉
[版主回覆11/29/2009 21:06:00]我沖完涼先整架! 而且有3層膠袋包住，只要唔穿袋就得啦~~~ 粗d係有口感，不過今次切得實在太粗嘞! 幼返d就perfect 嘞!
我成日都喺度呻話英國買唔到低筋粉架啦~ 英國人焗蛋糕用self-raising flour 架嘛! 香港緊係有低粉啦，但如果次次一下子清哂存貨，就算叫V媽媽寄又要等......
自己試吓實驗吓有冇其實容易買到既材料可以代替，而且又成功~ 何樂而不為?
睇完你呢篇 我真係自愧不如 .......................
回覆刪除[版主回覆11/29/2009 20:58:00]過獎嘞~ 整過烏冬後覺得其實一d都唔難，只係要耐性!
識唔識整碗仔翅呀! 我有食譜--其實我都有啲古怪食譜!
回覆刪除[版主回覆11/29/2009 22:18:00]碗仔翅食譜我都有，不過仲未整過! 不過我對唔同食譜無任歡迎~~~~
嗶, 你最近好勤力呀! 連鳥冬都自己做. 看上去都做得不錯. 得有機會都試做一下.
回覆刪除[版主回覆11/30/2009 21:09:00]我又唔覺得我最近好勤力喎! 我最近都好少煮飯.......
連烏冬你也自己做, 真係好勤力喎
回覆刪除不過, 自家製的箇中樂趣, 感覺真係好得意同好有滿足感架
[版主回覆11/30/2009 21:08:00]thanks~ 不過其實整烏冬同做麵包蛋糕都無乜分別! 無話勤唔勤力~~~
soft boiled egg 點整架..?
回覆刪除[版主回覆11/30/2009 21:03:00]好似普通白烚雞蛋咁整~ 落雞蛋時落埋依個烚蛋器!
嘩 ! 你連烏冬都自己整埋, 厲害~ 我一定沒有這個耐性, 我頂多買吓料自己炒烏冬, 這已經是我的極限!
回覆刪除[版主回覆11/30/2009 21:07:00]過獎嘞! 其實烏冬一d都唔難整，亦唔算麻煩~ 由搓粉到食得，都係個零鐘之嘛!
你唔好咁謙呢，第一次整就整得咁好，都唔係好粗啫、我老公如果出 trip, 我就叫個妹來打边爐 la, 預理你同你的烏東 la ,
回覆刪除[版主回覆11/30/2009 20:59:00]太太太粗嘞!!! 如果幼返少少就同街買既一樣嘞.....
濃縮鰹魚湯底醬油可以係邊度買?!
回覆刪除[版主回覆11/30/2009 20:57:00]中式超市~
我超愛吃烏冬，下次有機會也學學你這自製烏冬才可!!
回覆刪除香港太容易找到低粉，而且好便宜，下次我便用低粉試試~~ ^0^
[版主回覆11/30/2009 20:57:00]英國好少見到有低筋粉~ 不過用中筋粉一樣整到! 我見網上有其他人用高筋粉整呢~~~
烏冬雖然正，但妳既toe ring重型
回覆刪除[版主回覆12/01/2009 08:56:00]個toe ring 帶咗10年咯~ 我唸再過多10年應該除咗佢....因為上面刻住"sexy"!
嘩我都好鍾意食烏冬架~~~ 你好勁呀~ 搞到我都好想學你咁試下整....
回覆刪除直情想將今晚DINNER改做烏冬~
[版主回覆12/01/2009 08:53:00]試吓整啦! 一d都唔難架~ 比多少少耐性去搓粉就一定得!
睇左你個blog有一段時間...我search semolina, 土匪搵到你個blog... 依家先留個言~~~haha
回覆刪除我早排都有整烏冬...用純高粉, 純低粉...混合粉我都試過... 高粉整出黎比較硬,似讚歧...不過感覺粉左d(可能第一次整, 切到好粗~) 低粉就....仲衰過上海麵...一d質感都冇~(明明已經又踩又摺左好多次, 都冇煙韌既感覺)
你用中粉整...食落似邊種呀?
我好想搵到個方法係可以整到稻庭烏冬....但無奈睇左好多日文既website, youtube...都係得手打既做法...冇分稻庭,讚歧...
[版主回覆12/02/2009 20:42:00]歡迎來訪!
我 有2包讚歧烏冬，不過未食，所以唔知質感如何; 我食過一次稻庭烏冬，不過個人覺得同普通烏冬無乜分別~ 我對係讚歧定稻庭都無乜研究! 我自己覺得好食就得嘞~~~
日清個網站教既都係就咁普通烏冬，無分咩地區~ 既然妳純高粉 + 純低粉都試過，咁妳咪試吓純中粉，睇吓啱唔啱妳口味囉~~~
我前晚都跟著你所教的方法去整, 整了兩個麵團, 一個只用低粉, 另一個改了用15%高粉和85%低粉, 結果都成功 , 但比較起來只用低粉好d!! 但我想再 煙韌彈牙一點就更好! 請問有什麼方法去改善呢 ??
回覆刪除[版主回覆12/04/2009 19:48:00]我未用過低粉喎，我今次第一次整咋! 我用中粉整好滿意~
一係妳試吓用中粉 (最好用"00"，夠滑!);
一係妳試吓低粉加菱粉 (tapioca starch)，我見有人咁整，但我自己用中粉整覺得唔洗用菱粉~
好勁呀!!! 烏冬都可以自己整!! 我冇諗過可以自制鳥冬!! 好開心搵到你個BLOG! 我都係O係英國讀緊大學 平時都好得閒 好鐘意煮野食黎發時間!! 有時睇人地D食譜又未必買到D料 而家可以跟足你買英國既野LU :D:D
回覆刪除[版主回覆04/11/2010 03:41:00]我喺英國整到既野，妳一樣整到架! 得閒試試吖~
i just want to say loads of thanks for sharing this recipe. I made this for dinner tonight and it is so successful. Many many thanks....xoxo
回覆刪除[版主回覆08/15/2012 06:01:11]congrats~ you're very welcome!
跟你方法做了，好彈牙，好似食生菜魚肉咁彈牙！配日本味醬油小小麻油已經很好味！但在摺三下切成麵條時有點問題，三層麵條很難分開黐埋一齊，可唔可以再詳細解釋一下這個部分？謝謝
回覆刪除[版主回覆09/08/2013 04:51:25]其實摺只係為方便一刀就可以切出較長既麵條! 你輾平咗後灑少少粉爽吓個麵糰先再摺，摺時只係輕輕叠上去唔好用力壓，咁切完就唔會黐埋架嘞~