金石堂網路書店 (2009年11月9日)

笨呀~ 笨呀~~ 笨呀~~~

一向喺網上買衫買化妝品買書，因為好多網站都係外國website，checkout 比錢用慣哂英文layout，所以多年來買中文書都係幫襯可以自由選擇語言版面既YesAsia.......

之前又唔知台灣既網上書店如金石堂or 博客來原來都有海外郵寄...今次第一次幫襯金石堂，我先知道原來之前喺YesAsia 買書係貴咁鬼多架!!

 今次一共order 咗9本書，連埋郵費若3000台幣~

金石堂 vs YesAsia

Guess what? YesAsia 只要一次訂單金額超過39美金，就會全免郵費~

不過所謂既免郵費真完全係取巧 - 因為YesAsia免咗郵費，竟然比金石堂連郵費要貴!!!!

而且......

- 以今次order 為例 - 今次金石堂買9本書連郵費若3000台幣; 同樣3000台幣喺YesAsia 免咗郵費，只買到order 中其中3本書!

- 我今次order 大部份書只限台灣地區出版，連香港既書店都未必有得賣~ 而YesAsia 更加係買唔到;

- 金石堂用DHL 送貨~ 一出咗貨，就會收到電郵通知，附DHL website 連結，可以隨時keep track order，所以就算而家英國郵局罷緊工都唔會受影響! YesAsia 用既係普通Air Mail 郵寄，出貨後並無order tracking，只可估計送貨日期! (好似而家英國郵局罷工就麻鬼煩嘞~~~~)
之前幫襯咗 YesAsia 咁鬼耐真係呻笨呀!!!!!!!!!!!!!!!!!!!!!!!!!!!

今次買咗乜鬼書......

 高木直子最新2本圖文作品~
我係高木直子fan! 經常都會留意住佢新作品既出版日期，通常一有出版我就會即買!!!

西岸良平漫畫作品 - 幸福之三丁目系列: <奇幻篇>、<動物物語>、<愛情物語1 + 2>~

幸福之三丁目漫畫系列只限台灣地區出版~ 之前睇過幸福之三丁目電影版 "Always"，非常感人!!! 不過唔知點解香港無發行???

07年去台北初遇幸福之三丁目漫畫系列既<夕日國小篇>，即時愛上咗! 電影本係由原著漫畫改篇，所以漫畫故事更原汁原味更感人~~~

 舊版恐怖漫畫<鬼櫃>~

近年市面恐怖漫畫買少見少，加上眼見自己心儀既恐怖漫畫大師如伊藤潤二、犬木加奈子作品越來越少，偶然見到有potential 既恐怖漫畫都屬舊版漫畫，手快有手慢無!

 靚靚化妝書~

Canon EOS 1000D 天書~
買咗部單反Canon 1000D 幾個月都未得閒研究點用， 依本集中講解1000D，啱哂我!