不過話哂喺度生活咗咁鬼耐，除咗曉得將食物要求降到低無可低之外
，仲已經習慣咗一d英國獨有既口味! 但其實好多獨特口味根本唔可以稱得上好味，甚至可以話係難食!
不過好奇怪若一段時間無食過，竟然會開始掛住想食......
Irn-Bru
難飲指數:
好難形容既味道...所以好難形容比大家知有幾難飲~
不過唔知點解大部份喺蘇格蘭土生土長既人都好鍾意依隻超甜既汽水? 包括老公在內......
記得有一次喺大學canteen，我唔小心撞跌隔離罐Irn-Bru，我即時用紙巾抹返乾淨枱面~ 不過Irn-Bru 流經過既雪白枱面，抹乾淨咗都留有一大撻橙色.......汽水印! 好恐怖!!!!
一向已經唔鍾意飲汽水既我，更加敬而遠之~~~
雖則話Irn-Bru 係蘇格蘭獨有，其實都有export 既 e.g.我曾經喺加拿大一間超市見過有Irn-Bru 賣~
不過始終除咗蘇格蘭之外，Irn-Bru 並不常見，亦唔易買得到......所以每逢有親朋戚友由香港來蘇格蘭，我都一定會整罐比佢地試吓!
而佢地反應好一致: 好難飲呀~~~~
Pickled Eggs (酸雞蛋)
難食指數:
我地中國人有醃鹹蛋 + 皮蛋; 而英國人就有酸雞蛋! 酸雞蛋係一種喺炸魚薯條店好常見既小食; 我第一次食，就係初來英時，同學介紹我食~
除咗可以喺炸魚薯條店買到酸雞蛋之外 (每隻計~)，超市亦有樽裝出售，價錢便宜 - 一樽約8隻只售£1.95~
酸雞蛋絕對唔可以話好食~ 不過就係我其中一樣好耐無食，就突然會掛住想食既小食!
抱子甘藍 (Brussels Sprouts)
難食指數:
(老公話!)細細粒十足十迷你椰菜咁款既brussels sprouts，你一係會鍾意，一係會好憎~ 好少話會"無乜所謂"!
不過大部份人都係好憎......
大部份人鍾意brussels sprouts 烚到仍然脆口; 不過我就好畸形 - 我鍾意烚到淋pat pat + 開始變黃~ 個人覺得咁食就夠哂甜嘞!
可能因為先入為主?
初來英返學時仲未開始自己帶飯，當時要幫襯college canteen~ 除咗薯仔 + 紅蘿蔔之外，蔬菜選擇只剩返brussels sprouts，而當時canteen 既brussels sprouts，就係經常都係烚到黃"禁禁" + 淋pat pat 嘞!
Irn-Bru倒(寫)抹唔走汽水印,色素都幾勁囉~~~
回覆刪除Packle egg我真係唔鐘食,我個人都係prefer薑醋個種酸雞蛋,唔會白sigh sigh
我係台灣見到既迷你椰菜比你個d大粒d,唔知同唔同品種呢
[版主回覆11/30/2009 22:13:00]我已經即倒瀉即抹架嘞! 妳可想而知d色素幾犀利~~~~ 妳有冇飲過irn bru?
其實我都唔係鍾意食pickled eggs 架! 不過一排冇食，突然口痕想食.........我都鍾意食薑醋果種雞蛋!!!
妳以前喺英國無食過brussels sprouts 咩? brussels sprouts 大起上來，有d只比乒乓波細少少架咋! 妳可以睇吓係咪叫做"抱子甘藍"嘛!
哈~~~~完來brussels sprouts係一串串架???
回覆刪除[版主回覆11/30/2009 22:07:00]係呀~ 依個就係brussels sprouts 既真身嘞!
我真係冇飲過irn bru,我唔好汽水,對佢地冇研究,汽水我只係認識個兩個牌子,C牌同P牌...仲有台灣既沙士,就係咁多
回覆刪除我真係冇咩印象有冇係英國食過brussels sprouts...等我去街市有見到睇下係咪叫抱子甘藍先
[版主回覆11/30/2009 22:33:00]沙士係咪個罐啡色果隻? 我細個時好鍾意飲! 其實我而家仲有少少記得陣味 (但唔肯定!)
brussels sprouts <我中意食喎..係咪好似有d苦x味咁....通常食西餐先會有..對嗎 ?
回覆刪除[版主回覆12/01/2009 08:45:00]全對! 我就係鍾意食佢果種好似苦苦地既味道~~~
brussels sprouts 以前返學lunch都有食
回覆刪除[版主回覆12/01/2009 08:44:00]咁妳鍾唔鍾意食brussels sprouts?
我班friend 每個都好鐘意飲irn bru!! 仲話飲完酒解酒係好最work wor, 不過我來左scotland gum 多年都無飲過見到隻色都唔想飲
回覆刪除[版主回覆12/01/2009 08:33:00]試一次包妳難忘! 因為實在太難飲~~~~~
brussels sprouts 我都係加拿大既SUPERMARKET見到呀~ 不過未試過...
回覆刪除[版主回覆12/01/2009 08:57:00]買來試吓啦! 好有益架~ 不過未必人人都鍾意食.......
抱子甘藍 (Brussels Sprouts)~一大碌連住莖買, 又幾特別! 還有些似迷你小椰菜
回覆刪除brussels sprouts 香港賣嗰啲未見過有埋莖，有莖個樣幾得意喎，當花咁插都得喎 我一直都以為佢係椰菜仔添，我上次係citysuper有個promoter，佢都係介紹依啲係椰菜仔
回覆刪除我記得好耐以前 (仲讀緊書，妳話幾耐)，第一次見覺得佢個樣好得意，買咗一pack返屋企，食到我同我媽咪想死咁滯，真係好難食呀
酸雞蛋，感覺怪怪地咁
[版主回覆12/01/2009 20:06:00]同椰菜完全唔同味喎......好心佢地做吓research 清楚叫咩名先sell 啦!!!
哈哈~~~~ 咁妳同妳媽咪係好憎brussels sprouts 果種人囉!
酸雞蛋真係幾怪架! 妳想像一個好酸既烚蛋~ 不過咁怪我有時都想食 - 我仲怪.......
你以上講咁多樣野 ,” 酸雞蛋 ” 我最有興趣 , 可能我鍾意食酸野喇.
回覆刪除[版主回覆12/01/2009 19:58:00]其實我覺得酸雞蛋唔好食 + 好怪! 不過唔知點解一排冇食，就會突然間想食......
抱子甘藍 -- 我以為係椰菜仔添 ..... 如果係我都鐘意食... 但咁多人話難食... 睇怕都唔係勒 .....
回覆刪除每個地方都有D食物未必人人可以接受 ... 好似臭豆腐.... 仲有好多人話臭咖 ~~
[版主回覆12/01/2009 19:57:00]每種食物都會有人鍾意 + 唔鍾意~ 人地話好食 / 唔好食都好，我覺得要自己親口試過先有資格講好食定唔好食!
Irn-Bru, 聽落都得人驚...認住呢隻野, 唔怕比人整估...tks!
回覆刪除酸雞蛋, 應該好味過炸魚薯條, (因為我最唔like炸魚同薯條), keke,中國人都係like蒸魚, 新鮮嗎... 唔會係冰魚先至用來炸.
[版主回覆12/01/2009 19:55:00]雖然我覺得irn bru 好難飲，不過如果有機會來蘇格蘭，都值得試吓既~ 自己試過先有資格話唔好飲嘛!
我個人覺得炸魚薯條好味好多! 酸雞蛋根本唔好食~ 只係有時會突然怪口痕.....
依度既魚點都唔會夠香港既咁新鮮架啦! 舊時代因為運輸問題，魚唔新鮮先會攞去炸~ 好多店會用雪藏到有雪味既魚; 有d貴價炸魚薯條店魚柳好新鮮，炸出來好有鮮味好好食架!
我有時都會掛住一d唔好食嘅野，其實，可能只係想"想當年"
回覆刪除[版主回覆12/01/2009 19:38:00]我唔係因為"想當年"，依d食物依十幾年幾乎日日撞口撞面，一排無食就會想食~ 但又唔係因為佢地好食喎.....
brussels sprouts-I love wo, even now in HK, i still cook it to go with roast beef or steak. My husband like it now after I force him to eat many many times
回覆刪除[版主回覆12/01/2009 19:34:00]brussels sprouts - most people either love it or hate it~
brussels sprouts -這不是椰菜仔?
回覆刪除[版主回覆12/02/2009 03:01:00]我唔知呀.......我見過一種好似網球咁大既椰菜，我既認知果隻先係椰菜仔~ 而brussels sprouts 正名係抱子甘藍! 不過可以香港唔同叫法啩!!?!??!
我相信上面3樣我都會唔鍾意,我個人都唔太鍾意接受新事物,所以我覺得果3樣我都唔like~~
回覆刪除[版主回覆12/02/2009 03:03:00]我反而好鍾意嘗試新野~ 好彩老公都同我一樣! 如果唔係無人陪我試新野.......
I LOVE Brussels Sprouts ! X'mas dinner 沒佢唔得, 最鍾意烚到半熟, 加pancetta 再炒一炒 , 好好味、我跟老公返英國時, 都有去食 fish & chips, 我覺得最難吃是 Mushy pea, 好似食牙膏咁, hate it
回覆刪除[版主回覆12/02/2009 19:15:00]gimme5!!!!!!!! 我聖誕又係一定要有brussels sprouts! 妳既煮法好似幾好味喎~~~~ 等我今年試吓先!
mushy peas.....YUCK!!!!! 真係咪搞我~~~ 我覺得個樣似vomit.......見到都唔開胃!!!!!
我諗我算食得到酸嘢 , 我鍾意酸酸哋嘅味道 , 因為唔鍾意太甜 , 所以我會有 D 想試吓隻酸雞蛋~
回覆刪除[版主回覆12/02/2009 19:10:00]就算妳有興趣試，我唸妳都未必會鍾意食! 因為味道都幾奇怪.......
其實我已經唔記得係咩味
回覆刪除[版主回覆12/03/2009 19:51:00]香港都有得賣架! 見到時買來回味吓吖~~~~
你今年試下 la, pancetta 咸咸香香加sprout 一齊, 好夾架, 試完話我知鍾唔鍾意 ? 講到流口水, 明天煮來做 side dish 跟雞扒....
回覆刪除[版主回覆12/03/2009 21:27:00]唔洗等到聖誕~ 我本身鍾意食brussels sprouts 嘛! 隨時都可以試~~~~