日本 - 日式咖喱漢堡扒

1. 免治牛肉用胡椒粉、糖、生抽、磨碎黑胡椒醃好。

2. 加入適量切碎洋蔥拌勻; 再加入雞蛋和麵包糠拌勻成泥狀後，搓成漢堡扒。

3. 洋蔥切碎; 紅蘿蔔和西蘭花切塊備用。(另可加入薯仔塊!)

4. 燒熱油鑊將漢堡扒煎熟，盛起備用。

5. 再燒熱油鑊爆香洋蔥、紅蘿蔔和西蘭花。

6. 加入清水620ml煮至滾，轉小火煮至紅蘿蔔開始腍。

7. 加入弄碎日式咖喱磚1盒，煮滾拌勻至咖喱磚完全熔化，加入漢堡扒再滾一會讓漢堡扒和蔬菜入味即成。

P.S. 我見網上有人話日式咖喱磚要熄火後才加入，如果唔係咖喱汁唔會稠......

 不過我用依隻牌子既咖喱磚並唔需要熄火後先加入! 而且咖喱汁一樣濃稠惹味~~~