我愛金石堂!!! (2009年11月13日)

金石堂對我來講真係一個大寶藏!!!!

剛剛過去星期一送來既書(網誌~)，係我第一次用金石堂網上服務 - 不過其實係我早2個多星期落既order，因為當時有部份書無現貨，所以等咗2個多星期先收到貨。

等緊第一個order 送貨既期間，我又喺金石堂睇中咗幾本書! 於是星期一收到貨後，我就急不及待星期二再落第二次order......

今次order 既所有書全部都有現貨 - 星期二下午落既單，今日星期五下午就收到貨咯喎! 快到吖!!!!
我真係愛死金石堂呀~~~~~

 依水訂咗5本書......

 好多blog 友都推介依本"65C 湯種麵包"，個個都話好用! 於是我又整返本~~~

 若2年前同老公行街見到衣車大減價，我隨口噏吓話想買部衣車學車野......點知隔咗幾日，老公真係買咗部衣車比我!!!

不過到咗今日，部衣車仲係坐咗喺度，一次都未比我用過......唔想嘥咗部衣車，於是買本書的起心肝學車野!

 心野既我樣樣都想玩樣樣都想試......

見到網友刻橡皮章刻到出神入化，我又心癢癢想玩埋一份!!!

頭先立過吓依本書，裡面好多好cute 既印章公仔，睇來刻章應該好好玩~~

等我咪熟本書，今晚上網order 埋d材料......希望可以盡快開工啦!!!

 又比我搵到一本恐怖漫畫，而且存貨仲要得返一千零一本!!!

最後依本書 - "天使遺留的筆記" (Notes Left Behind)，雖然我仲未開始睇，不過我極力推介依本書!
原因係我第一次睇到書既宣傳片段，即時令我淚流滿面~~~~

至於讀後感就待我"讀後"先發表......