金盆洗手 (2011年2月27日)

話說我返香港前打算買多一隻29cm oval cast iron casserole 來煮雞鴨~

見好多網民盛讚Staub 點好點好法，但喺蘇格蘭暫時仍然只得網上店買到Staub，

於是我就等返埋香港，喺香港睇吓Staub 個真身，考慮或者會買隻來試試!

其實我一直都覺得Le Creuset 個樣靚過Staub 好多，

只係見咁多人讚Staub 係煲神我先覺得好奇!

不過喺香港見過Staub 真身後，我連果少少因好奇而引起既興趣都無埋......

煲蓋重過煲身，實在太奇怪......而且我覺得Staub 手工唔夠細緻，

見CitySuper 好多display，煲邊enamel 上得唔平均有水滴位!

 所以都係買返Le Creuset!

原本打算買隻29cm oval......

我十歲，離婚 Moi Nojoud, 10 ans, divorcée (2011年2月26日)

香港買返來既書，法文原著Moi Nojoud, 10 ans, divorcée 中譯本~

書並不厚，我花咗一個早上已經睇完全書~ 睇完之後感覺真係好無奈......

書記述2008年發生喺葉門既一宗童婚事件，年僅10歲既小女孩Nojoud Ali 喺父親排之下，毫無選擇之下下嫁一個30歲既男人，婚後不斷受到丈夫性虐毒打......

小女孩不甘接受殘酷現實，獨自趁機逃走到當地法院要求離婚!

最後喺一位專攻女性權利既女律師Shada Nasser 協助下，成功獲法官宣佈離婚成立，事件暴光得到全世界傳媒關注回教國家童婚問題。

借東西的小矮人 (2011年2月25日)

聖誕當日喺香港上映既宮崎駿編劇新作"借東西の小矮人–亞莉亞蒂"，
因為老公都係宮崎駿fan，但當時老公已經返咗英國，
我想等英國上映時等埋老公先一齊睇，所以我喺香港無睇到!

 不過喺香港灣仔書展時買咗中譯本小說......

孖T跨年回"香"省親2010 - KTL Girls Gathering Part 2 (2011年1月7日)

由於Part 1 既gathering 時間唔多夠，傾得唔夠盡情既情況下結束......於是當晚飯局散既時候，即時定下日期決定要再聚一聚!  

多得偉大發明FB! 令我地一眾離校後多年無見既sis 有機會重聚......

 今次時間充裕下arrange 既KTL girls gathering，陣容好鼎盛啊~~~

孖T跨年回"香"省親2010 - 水準越南菜@海港城芽莊 (2011年1月5日)

是日同V媽媽撐枱腳 ，地點係海港城芽莊~

孖T跨年回"香"省親2010 - 豐富海鮮餐@流浮山邦記 (2011年1月4日)

多年來去親流浮山食海鮮，都一定係幫襯邦記!

孖T跨年回"香"省親2010 - 好正泰菜@九龍城黃珍珍 (2010年12月13日)

一直想帶老公食一餐正宗好味既泰國菜，

因為喺英國食到泰菜，絕大部份都係中國人煮既......

孖T跨年回"香"省親2010 - 第一屆香港龍獅節 (2011年1月1日)

2011年既第一日，相約Mami 阿四一齊參與咗一件盛事 - 第一屆香港龍獅節!

今次除咗係第一屆之外，是次活動仲係為咗創健力士世界紀錄大全既新紀錄，意義重大啊......

1111頭獅子同時舞動5分鐘破世界紀錄，聽到都覺得好震撼!

孖T跨年回"香"省親2010 - KTL Girls Gathering Part1 (2010年12月30日)

心水清既blog 友睇到背景既溜冰場，都應該估到係又一城!

孖T跨年回"香"省親2010 - 工展會 + V牛一 (2010年12月29日)

是日小妹牛一!

雖然老公當時已返咗英國唔可以陪我渡過，
不過今年有V媽媽陪我拍拖行工展會~

孖T跨年回"香"省親2010 - 八卦馬拉松@百利火鍋海鮮酒家(2010年12月28日)

2010年12月28日

是晚好開心同2位blog 友Fian + cycheung 見面!

(徇佢地要求要打格仔! )

V媽媽靚正餸系列 - 金華火腿蠔汁扣鮮鮑魚

V媽媽靚正餸系列 - 白灼鮮雞腸

V媽媽靚正餸系列 - 蜜汁雞軟骨

徇blog 友要求，今日同V媽媽傾電話時 ，問咗佢幾味菜既做法同大家分享!

可惜依味我無得整 - 因為依度無雞軟骨賣.......

簡單幸福情人節 (2011年2月14日)

尋日係Valentine's Day，大家點慶祝呢?

無論係一雙一對既你 + 妳，抑或單身既你 + 妳，希望你地都過咗一個愉快既情人節啊!

今年大家流年健康似乎非常麻麻......

尋日情人節，從FB中得知我竟然有4位朋友同時患感冒要卧床休息 ，未能同另一半慶祝情人節......

全部仲係清一色女性~  幸好佢地都得到另一半細心照顧; 其中一位朋友既老公，為免小朋友喺屋企會阻礙老婆休息，特別帶埋幾個小朋友返工，等老婆可以安心在家休息，真係體貼到令人窩心(咁佢一向都係好鍚老婆既! )......

所以雖然大家都病緊唔可以慶祝，不過大家都好幸福啊!

孖T跨年回"香"省親2010 - 精緻中菜@又一城八月花 (2010年12月8日)

基本上由香港返咗來之後就直病，香港之行既網誌一直落後!
而家身體大致上已好返哂，係時候急起直追嘞!

如果唔係過多1星期開始煮返飯就"呢咁hea"......

本來好想順住日期來出網誌，不過我發現有部份香港網誌已晨早打咗尖!

暫時仲未過戒口期，依篇就同大家分享香港之行其中一餐幾好味既中菜啦.......

地點係又一城八月花~ V媽媽之前同雀友試過覺得唔錯，是晚就同我 + 老公3個人一齊去食飯! 

每人一個套餐~ 上菜以"半西餐"形式 - 有某幾度菜一早分開哂一人一碟......

原粒瑤柱菜膽燉湯 - 原汁原味，湯非常鮮甜!

不過真係好細碗，一碗對我來講唔多夠喉!!

創傷後遺症!?!?! (2011年2月13日)

尋晚(2月13日)老公放完水比我沖涼後，唔小心打爛咗我個IKEA 玻璃蛋糕盆個蓋......

即係依個! 個托無爛，但個蓋就爛成幾塊......

My name is 金!

好多blog 友都知道我每次同Mr.T 一齊返香港，就會住喺太62太99屋企~

太62 + 太99都係對動物好有愛心既老人家，屋企除咗養咗2隻傻狗之外，佢地仲會為一隻經常喺屋企自出自入既外來金色野貓長期預備貓糧!

講返2隻傻狗......

一隻黑色既叫做蕃薯，但佢好似非常唔妥我......見親我都吠過不停，而且佢見到閃光燈就會開始發癲，所以我都唔蘇佢 + 無興趣影佢!

雖然蕃薯唔妥我，但我就愛屎另一隻身型小巧既芝娃娃 - 金金~

 見到金金個傻樣，我個心就好似溶緊咁~~~~