心水清既blog 友睇到背景既溜冰場，都應該估到係又一城!
是晚同3位中學舊同學食飯，地點係又一城既Rice Paper~
不過唔知係咩魚來，我覺得有少少腥!
幾好食，不過太細兜份量太少呢!
我掂都無掂過，唔知咩味!
唔記得叫做咩名......上面既係炸魚，下面係檬粉~
依鑊野一來到時我已經聞到好腥，凍咗就仲加大鑊!!
同樣都係美心集團，不過Rice Paper 同八月花水準真係差天共地......
之前我同老公試過美心集團另一泰菜餐館 - 心‧泰，冬蔭功裡面隻蝦係霉既!
睇來美心都係stick to 做中菜好d!!
不過醉翁之意不在酒~ 是晚依餐飯水準雖然麻麻地，
不過真係食得好開心! 大家傾吓近況講吓中學時代既趣事，不知不覺到咗訂枱時定咗既"收枱時間"......
唯有請侍應哥哥幫我地換過張枱繼續傾過!
為免霸住人地張枱無幫襯，order 咗2個甜品4人分~
雖然大家都知道我唔食甜，但各同學力勸之下我2個都試咗少少......
甜到阿媽都唔認得!!!!!!!!!!!!!!!!!!!!!!!!!!!!
多謝哂Carly + Erica 請客依餐生日飯啊!
其實最重要是故友重聚!
回覆刪除[版主回覆02/19/2011 08:01:00]無錯呀~ 反正同佢地食飯都係傾多過食!
好多野食啊 你地會 傾d咩架? 點解可以 傾咁耐ge? 咁你地食左幾耐啊? 好鍾意睇你個blog啊!! 你要+油啊! 見你野左咁多次blog 我諗你都好返曬lu 唔好再令mr.t 擔心啦
回覆刪除[版主回覆02/19/2011 22:59:00]其實佢地d野每份份量不多，而且味道麻麻，我自己唔會再幫襯! 遲d同大家分享另一間好味既越南菜~
我地幾個大大話話識咗廿年，其中一個多年來大家都無聯絡過，所以今次出來講吓大家離開中學後既經歷，生活近況，以前返學時既趣事.......大把野catch up!
餐飯食咗3粒幾鐘，不過傾未夠喉，所以我地即時arrange 咗另一次gathering! 遲吓會再同大家分享~
多謝caramel 妳鍾意睇我blog 啊~ 我會加油架嘞! 妳都開始咗寫blog，妳都要加油啊!
多謝關心~ 我已經好返哂嘞! 今晚會去打邊爐食餐返勁!!
原來你同我都係唔嗜甜架！
回覆刪除[版主回覆02/19/2011 22:50:00]吓? 小魚兒妳而家先知我唔嗜甜架??
我好鐘意食甜品架~對我來講可以抗憂鬱~...不過呢兩個甜品就...感覺上好heavy
回覆刪除[版主回覆02/19/2011 22:48:00]我由細到大都唔鍾意甜品! 當然都會有例外，不過絕對唔可以太甜~
老公話我係佢識得唯一一個女人唔鍾意朱古力 + 雪糕!
依2個甜品真係好鬼甜! 反而我d同學話唔太甜......
下次妳返香港我地唔會去食甜品,我知妳唔啱既
回覆刪除[版主回覆02/19/2011 22:46:00]其實妳都可以點甜品既，我可以點杯茶陪妳嘛!
我每次同好耐無見既朋友聚舊都會傾到唔願走 !!
回覆刪除[版主回覆02/20/2011 00:31:00]係呀~ 尤其好耐無見既朋友，一見到會覺得時間過得好快好快!!
我次次返香港都係同D朋友們雞啄唔斷 成日坐幾粒鐘都唔捨得走 D 人一定好鬼討厭我地 BTW係香港個陣我最鍾意去金不換食泰菜 珮夫人
回覆刪除[版主回覆02/21/2011 03:17:00]哈哈~~~ 話時話今次返香港真係約朋友咁多次，次次一係比人催埋單，一係要換枱繼續!
Rice Paper 其實係越南菜來架! 依餐唔好食，不過今次我同V媽媽都食咗一餐好好味既越南野~
美心做元氣都做得唔錯呀 我認得妳話隻味好假既sherbet
回覆刪除[版主回覆02/21/2011 03:13:00]原來元氣都係美心架.......真係全香港比佢地玩哂咁滯! 但佢地d泰越菜真係好唔掂!!
係呀~ 個sherbet 陣味香到似香水.......
我有好多趣事都係中學時發生的 最好的朋友都係中學同學
回覆刪除[版主回覆02/21/2011 03:12:00]讀書時代真係好多值得回味既回憶~
我最好既朋友係幼稚園時代同學呢!
真係好開心oh..... 我同你一樣唔多like甜,我like鹹的
回覆刪除[版主回覆02/22/2011 03:35:00]係呀~ 果日聚得唔夠喉，所以我地即時arrange 咗另一日再聚過，傾到飽為止!
我由細到大都唔鍾意甜品! 細個時去日本旅行參觀明治雪糕廠，參觀完人人派杯雪糕，成團人個個小朋友都好興奮......唯獨我一個唔食比咗V爸爸!
真係好多都係美心，我地食完元氣，再去starbucks，兩間都係美心，比佢賺晒我地啲錢
回覆刪除[版主回覆02/22/2011 03:31:00]咁真係賺死佢地喎! 淨係Starbucks 佢地都賺到笑啦~