當時我仲未去沖涼，老公即時道歉，因為佢知道我好鍾意依個蛋糕盆，佢怕我會嬲!
不過我當時我只有一個反應 - 好驚!
而且係驚到個心好似會跳咗出來果種......老公一路清理玻璃碎片，
我一路喺佢隔離扯住自己頭髮大嗌: 你小心d呀!! 你小心d呀!!!
老公就一直笑住安慰我: 無事~ 無事~ 我唔會整親架!
老公將玻璃放哂入膠袋紮好，放咗喺門口，唸住今朝早返工時順便攞去揼~
之後老公叫我去沖涼......
不過我一路沖涼個心仍然不停跳!
果種感覺就好似出咗街，突然醒起屋企煲緊野唔記得熄火咁 - 但感覺強烈好多好多倍，又暈又想嘔既感覺!!
於是我喺浴室大叫老公入來，我一輪咀"求"佢攞袋玻璃出去揼!!
當時我無話比老公知我唔舒服，老公見我一副緊張兮兮既樣反而覺得啼笑皆非，於是順我意出咗去倒垃圾~
不過佢出咗去果分零鐘我仲加大鑊! 腦中不停亂唸: 個膠袋會唔會穿? 老公會唔會唔小心整親?? 開始有少少抖唔到氣......最後嘔咗一啖黃膽水出來!
老公返到來同我講: 我揼咗嘞~ 無事嘞! 我無整親呀!!
我稍為放鬆少少~ 不過沖完涼後，我捉住老公對手驗咩咁驗大肆"檢查"一番!
老公反應係 - 覺得我好cute 咁款! 仲苦笑用手摸摸我個頭
，直至佢開始察覺到我面青青......
老公: 妳唔係想暈吓哇?
我: 想暈又想嘔! 老公: 我都無事.......袋玻璃揼咗啦! 傻人~卒之老公斟咗杯水比我，安慰咗我大半粒鐘，我"好驚"既心情先慢慢平伏落來!
我唔知點解一個玻璃蓋會令我咁大反應?
又唔係第一次打爛野，不過當時我真係好唔舒服!
老公話我係panic attack，可能係藥物既影響~
不過......
後來我地喺睡房睇DVD，突然聽到一聲"咕~~~~~~~~"
我發現原來我好肚餓!
依排食得太清淡，要就食藥時間早食野，個肚傷口影響到裡面所有感覺都遲鈍哂，連自己肚餓都唔知道......
(可能因為咁先會嘔黃膽水!
)老公即時煮咗碗麵比我，食完後感覺好"充實"!
仲有一個星期藥.......我要頂硬上啊!!!!!
睇到前半段真係嚇c我勒..... 原來只係太肚餓....哈哈哈 要認真戒口呀
回覆刪除[版主回覆02/15/2011 03:22:00]我自己當時都好驚架! 依幾日Mr.T 成日"恐嚇"我，話如果我唔舒服就送我返醫院，所以我都無話比佢知我嘔黃膽水!
仲有一星期我就可以走出戒口地獄嘞!
肚餓有沒有快d食嘢呀 ...
回覆刪除[版主回覆02/15/2011 03:19:00]即時食咗碗麵囉! 食完即時無哂事~
我諗如果你下次覆診, 就要將此"驚歷"話過醫生知! 睇o下佢會唔會幫助到你!! 可能真係葯物導致到你會有咁大反應!! 好似好恐慌咁!! 保重呀!
回覆刪除[版主回覆02/15/2011 22:23:00]Thanks Double iron legs! 係啦我平時唔係咁失控架嘛! 所以我都覺得果晚係餓過飢 + 藥物既反應!
我仲覺得d藥整到我鬼打咁精神，好耐都瞓唔著~ 尋晚我試停一次藥，個人無咁緊張 + 好瞓咗! 剩低一星期藥我仲考慮緊食唔食......
可能係你緊張 Ｍｒ． Ｔ 會整親同你又餓．．．．
回覆刪除不過你如果去覆診都同醫生傾下．．．
因為可能 ｄ 藥太 ｓｔｒｏｎｇ 令你有呢 ｄ 不安情況．．．
加油吖．．．仲有一個 ｗｅｅｋ 就可以食返 ｄ 好嘢啦．．．
Ｔａｋｅ Ｃａｒｅ．．！！
[版主回覆02/15/2011 22:21:00]Thank you Ka Man~ 我係緊張Mr.T會整親，不過我平時唔係咁失控架嘛!
所以我都覺得果晚係餓過飢 + 藥物既反應! 尋晚我試停一次藥，個人無咁緊張 + 好瞓咗! 剩低一星期藥我仲考慮緊食唔食......
我覆診時會同醫生講架嘞! 多謝提醒~
記得同醫生講ar!!! 仲有一個禮拜想食咩都得la 忍下la
回覆刪除[版主回覆02/15/2011 22:15:00]Thanks Kelly! 我會同醫生講架嘞~ 係呀過多一星期食咩都得~ cant wait!!!
仲有一個星期，好快就過，到時食返多啲好嘢補返數！
回覆刪除[版主回覆02/15/2011 22:13:00]係呀~ 過多一個星期我就乜野都可以食嘞! cant wait~~~
乜咁曳牙瞞住佢...~ 其實我諗你同你講佢都只會錫多你兩啖 見到你咁驚仲送你入地獄咩~ 總之你照顧好你自己、快ｄ食晒藥好返晒喇~ 咪唔使再過呢ｄ咁辛苦日子囉！ 你辛苦你老公都唔會好得去邊、所以乖乖地戒口食藥 唔好成日諗住ｖ媽媽整既好餸...
回覆刪除[版主回覆02/15/2011 22:10:00]我而家都覺得若我話比Mr.T 知我嘔，佢會鍚多我兩啖!
不過當時我咁鬼緊張，我真係怕佢的我返入醫院架!
Thanks wind 關心~ 果晚應該係我餓過飢 + 藥物雙重影響吓，我先會咁失控，我平時唔係咁架嘛! 尋晚我試停一次藥，個人無咁緊張 + 好瞓咗! 剩低一星期藥我仲考慮緊食唔食......
而家咁既時勢仲去唸V媽媽正餸，咪即係折磨緊自己....... 好返哂先唸想食乜咯~
我覺得可能係妳依段日子太依賴Mr.T,加上之前Hilton玻璃事件,所以喺藥物影響下妳就變得精神緊張,驚妳老公會再整親咁,冇事架嘞傻人...
回覆刪除我諗妳頭暈想嘔一定係餓過頭啦,仲有一星期,妳一定生生性性千其唔好破戒呀!!
[版主回覆02/15/2011 22:00:00]係啦~ 就係Hilton 果次咁搞法我都好鎮定，無奶油依次完全無見血會咁失控架嘛!
我估應該係餓過飢 + 藥物作怪~ 尋晚skip 咗一次藥無食，因為我想睇吓係咪d藥搞到我精神緊張瞓唔著.....不出我所料! 尋晚無食藥瞓得好咗，我唸緊剩低既藥仲食唔食好? 反正傷口已埋口 + 唔痛~
你幾時去覆診呀?你快啲話比醫生聽呀，藥物負作用可以好大架，take care !!!
回覆刪除[版主回覆02/15/2011 21:04:00]Thanks Jessica~ 5月先覆呀! 尋晚我試吓停一次藥，早咗瞓得著 + 無咁易醒，之前好多晚我鬼打咁精神，就天光都瞓唔著呀........所以我唸緊剩低既藥仲食唔食好? 反正傷口都埋哂口，只係d線未溶~
V女--放鬆的，唔好想太多，亞V媽知道實心痛死，快的康復呀!
回覆刪除[版主回覆02/15/2011 21:01:00]Thanks dayday! 我估果晚一定係餓過飢 + 藥物影響，我先會咁大反應! 我未試過咁架，傷口已好得七七八八，所以我考慮緊唔食剩低既藥.......
情人節快樂~有無煮大餐啊?
回覆刪除已經太遲...今日個頭好痛同成身無力...要打電話請假...都唔知聽日返唔返到工添...
[版主回覆02/15/2011 20:47:00]妳唔好唸住聽日返唔返到工先啦~ 要定時食藥 + 飲多d水 + 快快去休息! 而且點無胃口都要食d野呀，如果唔係身體無energy 打仗架! 要好好休息，必要時請埋聽日假啦，身體要緊呀!! take care~ 要快d好返啊!
尋晚無煮野呀! Mr.T 話我要過咗戒口期先比我入廚~ 等我過咗戒口期先出去食餐補祝情人節!
放鬆...放鬆...吾好太緊張....一星期好快過....好好休息...
回覆刪除[版主回覆02/15/2011 20:38:00]我未試過咁架! 我通常見紅，仲要係好多血先會暈暈地架嘛!
上次老公喺酒店食自助餐時比玻璃割到手，流血流到成張餐巾紅哂，我都好鎮定同酒店經理交涉完先喊.....
今次應該係肚餓 + 藥物影響啦! 我會好好休息架嘞~ Thanks Samchi 媽!
好好休息,快快康復~~~~~~
回覆刪除我好鍾意睇你教煮餸架
[版主回覆02/15/2011 20:33:00]多謝ET 關心~ 今日要開始勞動吓嘞! 休息得多腰骨都痛哂~ 而且我個廚房比Mr.T 搞到..........
暫時傷口雖然唔痛，不過仲有少少紅紅地，所以等多幾日睇定d我一定會重回廚房!
" 嘔黃膽水"...真係令人心痛呀！ 可能真係d藥嘅side effect... one more week to go... hang in there, sweetie! Mr. T's deepest love to you will definitely carry you through. 加油v女！多d休息呀！
回覆刪除[版主回覆02/15/2011 20:29:00]Thank you 靚媽! 我唸我因為餓過飢先會驚到嘔黃膽水既啫!
其實我知道任何藥物都有副作用架嘞~ 依隻藥令我精神長時間處於緊張狀態~ 夜晚鬼打咁精神好耐都瞓唔著; 小小野就哇哇叫......
我尋晚得老公批准試吓唔食一次藥，的確早咗瞓得著 + 無咁易醒! 我而家唸緊剩返既藥仲食唔食?
原來只係肚餓......真係嚇死人啦~~ 乖乖地捱埋呢個星期就無事GA LA! 加油加油! 珮夫人
回覆刪除[版主回覆02/15/2011 20:08:00]Thank you 珮夫人! 我估應該係我餓過飢，所以先會嘔黃膽水!
不過我已經開始曳 .....因為我發現d一日食2次既藥食到我好鬼精神! 有一晚誇張到清晨5點幾都瞓唔著!! 所以我尋晚同老公講 - 唔食一次藥，做吓實驗睇吓瞓唔著關唔關d藥事? 果然不出我所料 - 尋晚好鬼好瞓! 所以我唸緊仲應唔應該食埋d藥? 因為我覺得真係d藥令我長期處於緊張狀態......
我呢幾日病左,個人既心都好似成日心不在焉咁..
回覆刪除唔知做咩,成日覺得好似會有事發生.
不過我諗可能係食左好多藥,食藥食到怕怕
好彩你係肚餓咋,快D病好又可以食多D野啦
[版主回覆02/15/2011 22:45:00]西藥真係好多副作用 + 食到個人好散! 我做手術果晚d麻醉藥未過時仲加嚇人呀!!
我覺得果晚係餓過飢 + 藥物既反應! 我仲覺得d藥整到我鬼打咁精神，好耐都瞓唔著~ 尋晚我試停一次藥，個人無咁緊張 + 好瞓咗! 剩低一星期藥我仲考慮緊食唔食......
咁妳好返未呀? 妳都要休息多d呀! 食咗藥瞓到既話就最好瞓覺啦，唔好亂唸野~ take care!
Take care 又暈又嘔嘅感覺真係好辛苦
回覆刪除[版主回覆02/15/2011 22:41:00]無事~ thanks La Belle! 只係果晚太早食野，到咗夜晚又肚餓返，餓過飢加藥物反應啫~
好彩妳食完個愛心麵就冇事~真係俾妳嚇親
回覆刪除take care ar
[版主回覆02/15/2011 22:40:00]最主要係餓過飢啦，其次應該係藥物影響~
我無咩事架嘞! 唔洗擔心~ thanks Andrea!
好耐無留言俾你啦~ 未過十五都仲趕得切同你拜個年先~~~ 最緊要係祝你同Mr.T 身體健康!! 家人每個都心想事成!! 仲有就係情人節快樂啦~~~ 前半段仲諗緊點解你咁驚添~~ 好在都無整親.. 後半段就覺得好好笑~~ 如果俾Mr.T 知你嘔黃膽水..佢會仲驚過你.. 快D養番好個身體呀~~ 免得佢擔心你嘛
回覆刪除[版主回覆02/15/2011 22:39:00]新年快樂燒肥亞! 祝妳兔年身體健康行大運，事事如意每日開心~
尋日我 + Mr.T 無慶祝情人節呀~ 等我完全好返先補祝! 我都祝妳情人節快樂啊! hope you had a great one~
我唸我係餓過飢先會嘔黃膽水! 因為果日5點幾就食咗野嘞! 我唔敢話比Mr.T 知我嘔黃膽水，費事佢的返我去醫院呀!!
我大致上已經無事架嘞! 唔洗擔心我啊~ 過多一星期可以入廚房煮返餐呢!
Ah V , I think you might be too nervous and not enough sleep
回覆刪除& rest after the surgery . Hope that you will be fine soon !
[版主回覆02/16/2011 07:20:00]dont worry Eddy~ im fine, thanks!
actually i think it was the side effects of the medication! couldnt sleep well after taking them. i stopped taking them today and im feeling a lot more relaxed~
妳咁嘅情況, 有可能係心血少, 臨瞓前一小時, 用温水食珍珠沬, 可安神定驚, 又唔會食壞人, 仲可以美白, 古代楊貴妃都日日食, 好野黎架。
回覆刪除[版主回覆02/16/2011 07:16:00]Thanks 情若無花不結果! 係呀? 不過我都唔知依度有無珍珠末賣.......
我估十成九都係d藥既副作用多架嘞! 今日無再食藥，我9點鐘已經開始覺得眼瞓~ 之前食藥時成日都好精神瞓唔著!!
take care
回覆刪除[版主回覆02/16/2011 07:16:00]Thank you agnes!
妳咁嘅情況, 有可能係 有baby ar~need to check ar~
回覆刪除[版主回覆02/16/2011 07:27:00]緊係唔係啦! 我年初一做過微創手術呀，跟住年初四突然發燒入咗醫院2晚，應該係佢地開比我既藥副作用~
5月至覆診???????????咁耐?????? 如果係消炎又或抗生素一定要食晒呀
回覆刪除[版主回覆02/16/2011 22:52:00]係呀~ 因為醫生話表面傷口埋咗口都好，但裡面既傷口最快要成3個月先會完全康復架! 佢叫我依段時間唔好拎重野!!
係呀~ 係消炎來! 本來唸住唔食，但仲有幾日都係捱埋佢咯!
你一定得既﹐我支持你~ 嘔黃膽水實係因為的藥~ 心跳加人震都會有既~
回覆刪除[版主回覆02/16/2011 22:50:00]Thank you 妹妹妹!
西藥最大唔好處就係副作用! 不過我尋日擅自停藥後，感覺到肚裡面傷口仲未好，所以我都係乖乖捱埋幾日藥嘞! 我會加油架嘞~~~~
poor you. take care.
回覆刪除[版主回覆02/16/2011 22:48:00]Thank you sydney! im fine, dont worry~
仲有一個星期藥捱埋佢喇 , 雖然係辛苦乖喇食埋就會冇事0架嘞 .
回覆刪除[版主回覆02/16/2011 22:47:00]多謝ak 關心! 係會聽話架嘞，反正都努力咗2星期，仲有幾日藥我會加油捱埋佢架嘞~
妳依家無事啦, 真係比妳嚇C 妳要捱多一個星期, 一定要支持落去呀
回覆刪除[版主回覆02/16/2011 22:45:00]係呀~ 無事嘞! 多謝菲仔有心啊! 都捱咗成2星期，仲有幾日我一定會捱埋落去既!
睇你嘅形容真係好驚... 不過真係要小心呀, 生理心理都要, 一見唔妥就要話俾 Mr T 知, 我估佢見到你咁, 雖然冇講出聲, 但佢會好擔心啦.... take care 呀靚女~
回覆刪除[版主回覆02/16/2011 21:51:00]多謝莊主關心! 唔洗擔心我啊~
果晚我一直亂唸，除咗怕老公受傷，仲好怕佢知我嘔會的我返去醫院嘛! 咁緊係老虎都唔話佢知啦!!
緊張應該係藥物既副作用，尋日我擅自停咗一日藥，真係放鬆 + 好瞓咗好多! 不過變咗肚裡面傷口敏感咗......所以我都決定捱埋果幾日藥廠佢咯~
為左你個傷口...乖乖地食哂D藥佢啦 始終就咁自己斷藥唔係幾好 仲有幾日就捱埋佢啦 珮夫人
回覆刪除[版主回覆02/16/2011 21:42:00]珮夫人妳真係有先見之明 - 因為我尋日全日斷藥之後就賴野!
尋日 + 今朝打咗幾個乞嚏，先feel 雖然外面傷口復完咗，但裡面應該仲未得住! 裡面扯扯吓都幾唔舒服........
所以我決定都係捱埋幾日藥嘞!
Poor V, take care!!
回覆刪除[版主回覆02/16/2011 21:38:00]Thank you wawa! im fine, dont worry~
放心, 我有2 個加拿大插刀, (2協插刀呀), 我可以寄比妳, 只要妳身體好就得。
回覆刪除[版主回覆02/17/2011 01:05:00]多謝情若無花不結果! 真係好鬼感動既呢~
等我搵吓又或者問吓V媽媽先~ Thanks very much!
(加拿大 - )
咁副作用太勁呢 不過你第時有 baby我都會登你高興呢 你地個baby實好靚同得意ga i think take good care yourself.
回覆刪除[版主回覆02/17/2011 01:03:00]未入院時果隻藥食到我胃痛兼肚脹; 而家依隻藥又食到我精神緊張......西藥真係多副作用!!
thank you Star! 我已經無咩事，我會小心身體架嘞~
哈哈~~~ 承妳貴言! 我希望將來有個似老公既小朋友，因為老公細個時太太太可愛~~~~
阿V你要乖乖食哂D藥~ 頂住呀 ^^
回覆刪除[版主回覆02/17/2011 23:59:00]係呀~ 我尋日已乖乖食返藥嘞! 反正仲有幾日咪捱埋佢囉~
Thank you 吉比太太!