孖T跨年回"香"省親2010 - 精緻中菜@又一城八月花 (2010年12月8日)

基本上由香港返咗來之後就直病，香港之行既網誌一直落後!
而家身體大致上已好返哂，係時候急起直追嘞!

如果唔係過多1星期開始煮返飯就"呢咁hea"......

本來好想順住日期來出網誌，不過我發現有部份香港網誌已晨早打咗尖!

暫時仲未過戒口期，依篇就同大家分享香港之行其中一餐幾好味既中菜啦.......

地點係又一城八月花~ V媽媽之前同雀友試過覺得唔錯，是晚就同我 + 老公3個人一齊去食飯! 

每人一個套餐~ 上菜以"半西餐"形式 - 有某幾度菜一早分開哂一人一碟......

原粒瑤柱菜膽燉湯 - 原汁原味，湯非常鮮甜!

不過真係好細碗，一碗對我來講唔多夠喉!!

 鮑菇皇伴露筍 - 個汁係精髓，鮑菇炆得香軟但仍然好有咬頭 ，用刀好似鋸扒咁切來食!

燒汁大花蝦 - 酸酸甜甜既汁類似茄汁蝦碌好惹味，蝦頭勁多膏!!

脆脆BB豬 - 我強推依味菜!  完全無骨，比乳豬皮更卜卜脆，肉更加嫩滑.....

皮 + 肉中間有一層甘香無比薄薄既脂肪......

套餐一人一塊緊係唔夠喉啦，最後我地另外點多2碟BB豬!!

 胡麻醬茄子 - 涼拌胡麻醬加其他調味料，茄子香軟非常入味!

我 + 老公都好鍾意食茄子，唔夠一陣就清咗隻碟!!

 迷你桶仔飯 - 真係好迷你! 啱啱好每人一小碗~

套餐係得咁多野食嘞! 我地另外點多2個菜......

 醬皇茄子海參 - 老公唔鍾意食海參只食茄子，海參由我 + V媽媽搞掂哂!

海參炆得入味軟糯，但又唔會淋pat pat 糊哂，正~~~~~

 鍋粑醬爆銀鱈魚 - 濃味既醬爆銀鱈魚同咬落酥脆既鍋粑簡直係絕配呀!

一向我都對銀鱈魚麻麻地，因為我唔多like 佢肉質鬆散~ 不過依個鍋粑醬爆銀鱈魚好有水準呢!

一向食飯我都唔食飯後甜品，中菜既飯後糖水咩野紅豆沙綠豆沙西米露......更加唔洗預我 + 老公!

燕窩我亦只食V媽媽整既 - 因為可以叫佢唔好整咁甜!

不過V媽媽推薦依度既冰花燕窩好清甜，一人一碗~

 真係唔錯，唔太甜好好食~

 而且好足料呢!

 餐牌竟然有個叫做"鬼唔搭八春卷"......
依餐我 + 老公都覺得好好味!下次返香港一定要再去!

 等食無聊自拍!

 據聞又一城依棵係全港最高既聖誕樹! 真係好靚啊~~~~~~