2011年2月18日星期五

孖T跨年回"香"省親2010 - 第一屆香港龍獅節 (2011年1月1日)


2011年既第一日,相約Mami 阿四一齊參與咗一件盛事 - 第一屆香港龍獅節!

今次除咗係第一屆之外,是次活動仲係為咗創健力士世界紀錄大全既新紀錄,意義重大啊......

1111頭獅子同時舞動5分鐘破世界紀錄,聽到都覺得好震撼!


活動下晝2點先開始......

我地早2粒鐘去霸位,成條尖沙咀廣東道已經人山人海!

千幾隻色彩繽紛既獅子塞滿整條名店林立既廣東道......

加上2011年第一日,場面非常熱鬧,到處充滿喜氣洋洋既氣氛!




創紀錄時刻到嘞~~~~~~

參與醒獅既人年紀最細只有4歲,而最大既竟然有80歲!

1111 頭獅子同一時間舞動5分鐘,鑼鼓聲叫囂聲震天,我自己有份見証依個創舉都好興奮呢!!







  佢地都喺度喎!

除咗醒獅之外,仲有2條威猛巨型金龍呢......



 真係好犀利既呢~~~~~~





喺廣東道創既紀錄完成後,由2條金龍帶頭既大隊就沿住海旁星光大道,一直遊行去百周年紀念公園......

沿途大家仲可以同獅頭近距離接觸拍照留念!

 原來個獅頭好鬼重架! 我一個人舉唔起,靠後面位哥仔頂住~


 成個尖東海旁人山人海~

終點百周年紀念公園,以梅花莊 + 吐紅既醒獅表演作終結......






果真係藝高人膽大,令我大開眼界呢!

>>>>>>>>>>>>>>>>>>>>>>>>>>>>>>>>>>>>>>>>>>>>
龍獅節結束後,我 + 阿四已經餓到傻咗......

咁啱百周年紀念公園有間元氣,唸都唔洗唸夠哂就腳!


 傾多過食,戰績一般! 多謝阿四請客啊~~~

食完野出來天已經黑哂!

見尖東聖誕燈飾仲未拆,我同阿四就沿住海旁行去天星碼頭順便影吓燈飾......


 喺海港城捐咗廿蚊,可以入去裝飾裡面影相~ 做善事幾好吖!

 最後同阿四再去咗Starbucks 把茶 / 咖啡談心~

結束咗一個愉快既元旦!




16 則留言:

  1. 哇................!! 比起农历年的舞 獅表演,这个场面比较" 劲" . 不过太多人了 ,如果我在香港,我不会在现场看。
    [版主回覆02/19/2011 23:38:00]當然啦~ 今次有1111隻獅子要破世界紀錄嘛!  
     
    人多就緊架嘞~ 不過一年一次無幾可嘛! 可以既話我一定會現場睇!! 感受相差好遠架~
     
     

    回覆刪除
  2. Gaileは林家歐巴桑2011年2月18日 下午5:38

    我都好鐘意睇舞龍舞獅,但未見過咁盛大既場面...見到video都覺得好震撼同澎湃
    [版主回覆02/19/2011 23:34:00]我以前覺得舞獅舞龍好嘈,不過可能喺外國生活耐咗,少咗好多睇舞獅既機會,而家反而好欣賞依種國粹,好鍾意果種熱鬧 + 喜氣洋洋既氣氛!
     
     

    回覆刪除
  3. 你真係好叻呀,遠道而嚟都可以參與呢個盛會,我呢個香港人竟然唔知道...
    [版主回覆02/19/2011 23:15:00]我係有日睇電視無意中見到廣告先知有依個活動! 加上係創健力士世界紀錄,所以更加想去!
     
    佢地好似話以後每年1月1日都會舉行龍獅節! 佢地希望依個活動成為一個有中國特色既旅遊節目~
     
     

    回覆刪除
  4. 舞獅表巡遊表演好特別呀 連我都唔知1/1/2011有呢個咁精彩既活動添 
    [版主回覆02/19/2011 23:14:00]我有日睇電視見到廣告先知有依個活動! 加上係創健力士世界紀錄,所以更加想去!
     
    今次錯過咗唔緊要~ 因為佢地好似話以後每年1月1日都會舉行龍獅節架! 佢地希望依個活動成為一個有中國特色既旅遊節目!
     
     

    回覆刪除
  5. 連我唔知有D咁好睇既活動架
    咁就錯失左咁好睇既表演啦..
    次次有舞獅睇既地方都一定會係好熱鬧架
    [版主回覆02/19/2011 23:13:00]我係有日睇電視見到廣告先知有依個活動! 加上係創健力士世界紀錄,所以更加想去!
     
    今次錯過咗唔緊要~ 因為佢地好似話以後每年1月1日都會舉行龍獅節架! 佢地希望依個活動成為一個有中國特色既旅遊節目!
     
     

    回覆刪除
  6. 醒獅果真好熱鬧o番!

    回覆刪除
  7. 因為我已經中毒太深應該救唔到
    [版主回覆02/20/2011 00:29:00]唔洗救~ 紫色係好靚嘛! 緊係多人鍾意啦!!
     
     

    回覆刪除
  8. 你返HK 真是夠"食"力!! 返來有無肥到呀!! 我都而家做工課!! 來你個BLOG, 睇下邊度好食!! MRS.T 有咩好介紹呀??
    [版主回覆02/20/2011 08:43:00]依餐同朋友掛住食,好濕碎喎!
     
    我返到來係有重咗,不過手術後 + 病後已輕返哂打回原型......
     
    早兩日我寫過又一城八月花唔錯: http://hk.myblog.yahoo.com/veronicams_tsim/article?mid=59850
     
    依間值得一試! 玩得開心D啊~
     
     
     

    回覆刪除
  9. 紫色的那隻好靚~
    [版主回覆02/20/2011 08:37:00]紫色果隻顏色確係幾少有 + 幾搶眼!
     
     

    回覆刪除
  10. 好好睇咁,我明年一定去睇
    [版主回覆02/21/2011 03:01:00]係好好睇架! 不失為一個新年好節目!
     
     

    回覆刪除
  11. WA~~現場睇實好震撼啦!
     
     
     
    [版主回覆02/21/2011 02:57:00]係呀~ 場面盛大好壯觀!
     
     

    回覆刪除
  12. 喂喂喂,多咩謝呀,上次妳夠請我同兩隻馬騮咯 ~~~ 諗起嗰日都覺得我地跟足全程確係“勁!”   
    [版主回覆02/21/2011 02:57:00]要既~ 要既~ 一單還一單嘛!
     
    我都覺得我地好勁! 不過真係好精彩,而且係破紀錄嘛! 真係不枉此行~
     
     

    回覆刪除
  13. 真係好熱鬧  下年我都帶埋d小朋友要去睇先
    [版主回覆02/21/2011 02:55:00]真係好熱鬧好開心~ 不過好多人,一定要小心財物啊!
     
     

    回覆刪除
  14. 1111 頭獅子 !  真 勁 !!!
     
    [版主回覆02/21/2011 03:03:00]新一年攞意頭嘛! 11年1月1日~  破咗新加坡300幾隻既紀錄呢!
     
     

    回覆刪除
  15. 自己住香港都唔知有 龍獅節,多謝分享
    [版主回覆02/23/2011 22:27:00]今年係第一屆嘛~ 聽聞佢地想以後每年1月1日都舉辦,希望依個活動成為一個有中國特色既旅遊節目,吸引更多遊客聖誕新年期間去香港喎!
     
     

    回覆刪除

Related Posts Plugin for WordPress, Blogger...