2011年2月21日星期一

孖T跨年回"香"省親2010 - 豐富海鮮餐@流浮山邦記 (2011年1月4日)


多年來去親流浮山食海鮮,都一定係幫襯邦記!

指定動作 - 先去揀海鮮.......

 然後去海邊行吓......

再埋位坐定定等食......

 先來一碗滾到白雪雪既白菜豆腐魚湯~

依個湯充滿魚既精華,百飲不厭! 每次都要飲2、3碗先夠喉!! 

 豉汁炒蟶子 - 雖然蘇格蘭蟶子皇好出名,不過我比較鍾意食依種短一倍既蟶子仔!

 非常乾身既豉油皇大蝦 - 好食到每次都一定會點依味!

 第一次見 + 食既白烚蝴蝶蚌......

哇! 好好食呀~~~

 肥美既蝴蝶蚌就咁白烚,唔需要任何調味料,非常鮮甜!!

而且食完之後鮮甜味會一直喺喉頭徘徊,回味無窮!!!

 肉比普通蜆肥大好多!

 形狀特別既殼

 西芹斑腩炒球 - 用好大條既石斑起肉來炒,皮爽肉滑,正~~~~~~

 一魚兩味 - 骨先炸後再炒至乾身,同一條魚兩種食法,各有風味!

兩種我都咁鍾意!

炒球 + 炒骨都係每次去邦記一定會點既菜!!

 清蒸鮑魚仔 - 喺邦記食清蒸鮑魚最大既好處係 - 佢地唔會搣走鮑魚腸!

我好鍾意食鮑魚腸,不過V媽媽唔比我食! 但喺邦記就食到嘞~~~

 酥炸生蠔 - 今次第一次點依個,蠔好鮮甜,不過粉漿稍嫌厚咗少少......

 白灼唐生菜 - 生菜一向非我所愛,不過依個唐生菜真係好甜好好食! 我食咗好多呢!!

 每次去到流浮山,見到咁多生猛游水海鮮.......

 仲有各式各樣既海味,真係唔買都好鬼開心~~~~~



 大大隻金黃生曬蠔豉,真係聞到香味都令人流哂口水~~~~




27 則留言:

  1. I really like this --> 蟶子皇, but we don't have this here.
    I tried 蝴蝶蚌 when I went to HK too~ very yummy...and 蝴蝶蚌 is a seasonal thing...I think the owner told me that 蝴蝶蚌 is only available during winter~
    [版主回覆02/22/2011 06:34:00]蟶子皇is a well known seafood in Scotland, but i dont really like it~ i prefer the small ones in HK!  
     
    this was the 1st time i tried 蝴蝶蚌, it was very nice! didnt know it's only available during winter.....no wonder i never saw it before!
     
     

    回覆刪除
  2. 《Ka MaN 日記》2011年2月21日 下午2:57

    見到已經流晒口水啦...
    聖子同蝴蝶蚌好正....
    我好多年無去流浮山啦...
    上次返去只係去咗長洲食海鮮...!!!
    不過都好味...
    而家唸起又好想食...!!
     
     
     
    [版主回覆02/22/2011 23:25:00]樣樣野都好正好好味! 尤其係蝴蝶蚌、炒球 + 炒骨~ 真係唸返起都流口水!!!
     
    雖然我次次返香港都會去長洲探V婆婆,不過好少機會喺長洲食海鮮~
     
     

    回覆刪除
  3. 講真,我真係未去過流浮山=.=
    [版主回覆02/22/2011 23:23:00]如果妳鐘意食海鮮既話,流浮山係一個值得去既食海鮮好去處!
     
     

    回覆刪除
  4. 見到咁多美味既海鮮 好想入去食添 哈哈 
    [版主回覆02/22/2011 23:22:00]去啦~ 去啦~ 真係好正架!
     
     

    回覆刪除
  5. 那天在看香港的饮食节目,有界绍“ 流浮山”,又有說到“ 蝴蝶蚌”,
    下次回港又多一个地方去了。
    [版主回覆02/22/2011 23:22:00]係呀~ 對鍾意食海鮮既人來講,流浮山真係一個食海鮮 + 買海味既好去處來架!
     
     

    回覆刪除
  6.  依張影得好靚呀!紫色既!我之前去親,影出來都係灰灰白白咁^^
    [版主回覆02/22/2011 23:21:00]果日天氣唔錯,去到流浮山時正值黃昏日落,個天紫紅紫紅咁,真係好靚!
     
     
     

    回覆刪除
  7. Seafood. I love it .
    [版主回覆02/22/2011 23:20:00]im a seafood lover too!
     
     

    回覆刪除
  8. 蝴蝶蚌我都第一次見+未食過呀,啲海鮮睇到我流口水呀  依餐貴唔貴呀?唔太貴我又去試下呀  個天紫色好鬼靚呀 
    [版主回覆02/22/2011 23:20:00]我都係第一次見 + 食蝴蝶蚌咋! 真係好鬼鮮甜好鬼正!!
     
    我負責食架之嘛,而且依餐係一位uncle 請既,我都唔知貴唔貴呀!  我淨係知買海鮮 + 餐館煮分開比錢~
     
    果日天氣唔錯,去到流浮山時正值黃昏日落,個天紫紅紫紅咁,真係好靚!
     
     

    回覆刪除
  9. 我哋通常去路口果間~歡樂呀!
    [版主回覆02/22/2011 23:14:00]係呀~ 歡樂我未試過呀! 我地幫襯咗十幾年都係邦記~
     
     

    回覆刪除
  10. 我一路睇相一路係到流口水....蝴蝶蚌我都未食過...外形好似鮑貝呀....
    去流浮山係吾係好遠架? 
    [版主回覆02/22/2011 23:13:00]蝴蝶蚌我都係第一次見 + 食咋! 真係好鬼鮮甜,就咁白烚最食到鮮甜味~~~~  
     
    係囉~ V媽媽都話佢凸出來果舊肉似鮑貝呢!
     
    流浮山都幾遠架! 元朗果頭~ 不過如果鍾意食海鮮既話,絕對係一個食海鮮既好去處!
     
     

    回覆刪除
  11. 我都未去過流浮山~~如果去一定會買海味呢
    [版主回覆02/22/2011 23:10:00]鍾意食海鮮既話,流浮山絕對係一個食海鮮既好地方呀!
     
    如果妳去流浮山既話,記得買裕興金蓋蠔油試吓喎! 係我食過最好味既蠔油啊~
     
     

    回覆刪除
  12. 咁大個女都無去過流浮山食海鮮TIM... 最多都係去西貢同埋LAMMA ISLAND........ 或者下次返香港真係考慮下去試下先... 珮夫人
    [版主回覆02/22/2011 23:08:00]以前我地都有去西貢食海鮮架,不過而家西貢出名咗變哂遊客區,已經完全失哂水準!
     
     

    回覆刪除
  13. 好耐冇去過流浮山, 多數去布袋澳或離島!
    [版主回覆02/23/2011 07:59:00]我無去過布袋澳呀!
     
    以前食海鮮多數去西貢,不過而家西貢d海鮮唔掂,所以十幾年來都係去流浮山~
     
     

    回覆刪除
  14. 我鍾意食海鮮呀,不過流浮山比較貴。
    [版主回覆02/23/2011 22:23:00]我食咗十幾年都唔知貴唔貴.....因為我只負責食!
     
     

    回覆刪除
  15. 如果你下次入嚟新界區,可以去屯門三聖 邨試下,D海鮮都唔錯架..
    [版主回覆02/23/2011 22:22:00]好呀~ 有機會我都想試多d唔同地方!
     
     

    回覆刪除
  16. Gaileは林家歐巴桑2011年2月22日 下午7:55

    我咁大個女只係去過一次流浮山食海鮮,不過唔記得食果間野叫乜名
    蝴蝶蚌外表好靚,我都好想試下佢係咪有外表又有內涵
    [版主回覆02/23/2011 22:21:00]我覺得蝴蝶蚌個殼其實怪怪地...不過佢真係好鮮甜好好味!
     
     

    回覆刪除
  17. 好正呀 ! 由其碟炒班球 .
    [版主回覆02/23/2011 22:20:00]碟斑球緊正啦! 條大斑我地睇住佢劏架,d皮幾爽呀! 碟炒骨都好正啫,香口惹味~~~~
     
     

    回覆刪除
  18. 海鮮餐真係好正.
    睇到我而家流哂口水啦
    你病好哂啦?!我冇上黎幾日你咁勤力UPDATE個BLOG
    [版主回覆02/23/2011 22:18:00]我睇返相都流哂口水呢!
     
    我好返哂嘞! thanks 布丁~ 只係傷口仲未甩線,仲要等完全埋哂口,不過而家已經活動正常,唔洗食藥又唔洗戒口,但我唸胃口仲要一段時間先可以完全恢復.....
     
     

    回覆刪除
  19. Pandos - 喺Krakow2011年2月23日 下午2:23

    我淨係 去過布袋澳.... 你下次返去試吓!
    [版主回覆02/24/2011 22:12:00]如果去開果頭都會去試吓~
     
     

    回覆刪除
  20. 全部都正 , 美味可囗添 !
    [版主回覆02/26/2011 03:00:00]係呀~ 流浮山食海鮮好正架!
     
     

    回覆刪除
  21. 呀!原來你也是 邦記FANS!
    她的烹飪鑊氣和調味真正無得頂! ......十分回味啊!
    乘坐西鐵在天水圍站落車,再轉K巴士或綠色小巴,幾分鐘就到了!
    [版主回覆02/28/2011 04:09:00]係呀~ 食咗十幾年都係幫襯佢地,食到同阿蓮姐熟哂咯!
     
    我唔識搭車去呀,我地去親都係渣車~
     
     

    回覆刪除
  22. 我做佛跳牆的花膠也是在流浮山買的,幾十元一大包,有排煲啦!
    請看以下網誌,THX!
    http://hk.myblog.yahoo.com/hukinwa08/article?mid=1345
    [版主回覆02/28/2011 04:07:00]我未喺流浮山買過花膠呀! 我d花膠都係V媽媽 + d auntie 送比我既......去親流浮山都係得個睇字!
     
    妳個佛跳牆好正啊! 等我遲吓都整返個先~
     
     

    回覆刪除
  23. 超耐無去過流浮山,有無西貢o甘搵老襯?不過起碼應該好食好多 有無試過去三門仔?
    [版主回覆03/01/2011 21:05:00]我地幫襯咗邦記十幾年嘞,如果搵老襯我地就唔再去啦!
     
    無去過三門仔喎~ 有機會都會試吓!
     
     

    回覆刪除
  24. 我下個星期都可能去食, 如果去試o下邦記先。
    [版主回覆03/04/2011 03:21:00]食得開心d!  不過我唔suggest 食炸蠔,個粉漿太厚嘞~
     
     

    回覆刪除
  25. 我下個星期都可能去食, 如果去試o下邦記先。

    回覆刪除
  26. 我都覺得去呢的海鮮酒家食海鮮好開心~ 我見到你的相都吞晒口水~
    [版主回覆03/04/2011 23:50:00]係呀~ 之前去揀生猛海鮮,買完就去等食,好爽架!
     
    依間邦記真係好好食! 我地幫襯咗十幾年嘞~
     
     

    回覆刪除
  27. 早d睇到你呢篇 blog 就好啦....我哋實order 蝴蝶蚌....試吓啦

    回覆刪除

Related Posts Plugin for WordPress, Blogger...