2011年2月22日星期二

孖T跨年回"香"省親2010 - 水準越南菜@海港城芽莊 (2011年1月5日)



是日同V媽媽撐枱腳 ,地點係海港城芽莊~

 V媽媽之前已經來過,佢話平時架郵輪泊咗喺海港城時,個窗比船底遮咗一大半!

是日郵輪駛走咗,就睇到好靚維港夜景嘞!

 雖然得我同V媽媽2個人,不過我地都點咗好多野食......

 鮮蝦卷 - 沾上魚露伴食,味道清新~

 炸軟殼蟹卷 - 軟殼蟹香脆惹味,同鮮蝦卷完全唔同風味!

 生牛肉湯檬粉 ........

通常一間越南餐廳水準如何,睇牛肉湯粉湯底就略知一二~

芽莊依個生牛肉湯檬湯底味鮮甜,絕對合格有餘!!

 我既香茅豬扒檬粉 - 豬扒厚薄適中又好味! 好食過Rice Paper 果個多多聲~

 越式燒乳豬 - 豬脾軟滑,配埋特別沾汁,新口味乳豬!

啱啱入坐時見芽莊裝潢同Rice Paper 風格大同小異,印象分已打咗個折......真係好怕又係Rice Paper 咁上下既貨色~

不過食物水準同Rice Paper 完全係兩回事!




15 則留言:

  1. 檬粉呀....
    [版主回覆02/23/2011 00:14:00]食越南野我鍾意檬粉多過河粉!
     
     

    回覆刪除
  2. 芽莊依啲我又啱喎    係邊頭架,我唔覺眼海港城有依間越菜 
    [版主回覆02/23/2011 00:14:00]喺Pizza Hut 果層架! 不過要再行入d,佢地個位唔多覺眼~
     
    之前芽莊只喺港島區,海港城依間分店係後來新開既!
     
     

    回覆刪除
  3. 越南食物我麻麻地!
    [版主回覆02/23/2011 07:57:00]我好鍾意越南菜架! 尤其香茅豬扒~~~~
     
     

    回覆刪除
  4. 等我去搵下先,thank you晒 
    [版主回覆02/23/2011 07:56:00]如果搵唔到既話,可以等我下次返香港時帶妳去架! 不過妳請喎!!
     
     

    回覆刪除
  5. 最鐘意生牛肉湯檬,撈檬(在夏天or無胃口時),牛油雞翼這些,想下都開心,幾時去食好呢
    [版主回覆02/23/2011 22:15:00]生牛肉我一定食湯檬,一係食湯粉絲,因為我鍾意個湯! 加埋牛油雞翼、香茅豬扒飯就滿足嘞~
     
    妳喺香港幾時去食都得啦! 我就要等返香港先有得食囉.....
     
     

    回覆刪除
  6. Gaileは林家歐巴桑2011年2月22日 下午7:47

    越南野都好岩我...仲可以睇埋海景,依餐一定食得好滋味啦
    [版主回覆02/23/2011 22:13:00]依餐緊係好食啦! 個乳豬仔好正呢~ 總之好食過Rice Paper 多多聲!!!!
     
     

    回覆刪除
  7. 見到個生牛肉湯粉就流口水啦 !!!
    [版主回覆02/23/2011 22:12:00]生牛肉湯粉 + 香茅豬扒飯 / 檬 + 牛油雞翼 - 係我最愛既3個越南菜式!
     
     

    回覆刪除
  8. 鍾意食墨爾本既越南河多過香港個D... 夏天就鍾意食撈檬 不過呢....呢邊D檬粉都唔係檬粉 係普通米粉....... 激死...... 珮夫人
    [版主回覆02/23/2011 22:11:00]我食越南野好少食河粉,無論凍食或放湯,我多數都係食檬粉,一係就食飯囉~
     
    最少妳果邊都有越南野食吖! 我依邊只得間fusion 東南亞小食店,佢個香茅豬扒完全唔係果回事!!!
     
     

    回覆刪除
  9. 海港城都有rice paper~~~haha 越南野我麻麻地呀
    [版主回覆02/23/2011 22:09:00]依間係芽莊唔係Rice Paper 呀!
     
    我知海港城都有間Rice Paper,不過由於又一城果間唔好食,我對海港城分店都無乜信心......
     
     

    回覆刪除
  10. 通常一間越南餐廳水準如何,睇牛肉湯粉湯底就略知一二
     
    絶對認同你既講法....因我都有同感....
    [版主回覆02/23/2011 22:07:00]如果個牛肉湯底唔得,咁間野都唔慌好食得去邊!
     
     

    回覆刪除
  11. 哈哈,就算搵到都可以請妳既 
    [版主回覆02/23/2011 22:06:00]咁我老實不客氣多謝妳先嘞~
     
     

    回覆刪除
  12. 香茅豬扒檬粉係我至愛
    [版主回覆02/23/2011 22:05:00]我好鍾意香茅豬扒! 飯同檬粉一樣鍾意~
     
     

    回覆刪除
  13. 呢間係我上次返香港唯一食過既越南菜! 係美國D 越南餐廳通常都比較"yap", 呢間真係又有景, 又好味! 我都order左 鮮蝦卷! 不過香港太多野食, 無機會去第2次添!
    [版主回覆02/24/2011 22:03:00]我依邊無越南餐廳架! 所以要食越南野就要返香港先有得食!!
     
    其實相比起一d舊式街舖既越南餐廳,芽莊依種裝修靚 + 菜每樣細細份既"新派"連鎖店並非我杯茶! 可惜既係舊式越南餐廳已經越來越少,就算有都未必好食.....
     
     

    回覆刪除
  14. 越式燒乳豬 - 最正 !
    [版主回覆02/26/2011 03:02:00]樣樣野都好正架~ 個乳豬好特別!
     
     

    回覆刪除
  15. 香茅豬扒檬粉都係我食越菜既最愛~
    [版主回覆03/04/2011 23:48:00]gimme5! 香茅豬扒都係我最愛既越南菜 - 配飯配檬都無所謂~
     
     

    回覆刪除

Related Posts Plugin for WordPress, Blogger...