二人世界復活燒羊腿 Easter Roast Leg of Lamb - 2013年3月31日 (附食譜)

今個復活節無時間整蛋糕餅乾，
無整任何蛋食譜，
無整復活燒火雞燒牛肉.......
不過第一次整燒全羊腿!

依隻羊腿差不多2.2kg........

仲大過我個頭!



1. 預熱焗爐200C。

2. 羊腿洗淨後以廚房紙抹乾，用小刀插出小洞。

3. 紅洋蔥2個切大塊，放在深底大焗盆內。


4. 預備蒜瓣十數粒(不用去皮); rosemary、parsley 和thyme 攪碎備用; 另預備數小棵
rosemary。

5. 羊腿放在洋蔥上; 攪碎香草抹在羊腿上; 蒜瓣塞入羊腿洞內，再插入rosemary ; 灑上海鹽和黑胡椒; 淋上橄欖油和檸檬汁1個; 最後將白酒400ml 倒入焗盆內。


6. 以鍚紙蓋好焗盆，放入焗爐先焗20分鐘。


7. 20分鐘後將焗爐溫度調低至180C，半生熟: 羊腿每500g 焗15分鐘; 全熟: 羊腿每500g 焗20分鐘。

e.g. 我依隻羊腿重2.182kg - 半生熟既烤焗時間約1小時6分鐘; 全熟則約1小時28分鐘~


8. (7)的烤焗時間最後10分鐘取去鍚紙，再放回焗爐讓羊腿上色。


9. 羊腿出爐後盛起，以鍚紙蓋好保溫10至15分鐘，讓肉質放鬆。

10. 薯仔去皮及切粒，放入滾水煮10分鐘至熟，瀝乾水份，下牛油、少許牛奶，以海鹽和黑胡椒調味搗成蓉，保溫備用。


11. 焗盆內的汁液以篩過濾，洋蔥壓出汁液後棄掉; 汁液加入牛清湯200ml一同煮滾，勾粟粉水芡至稠，盛起即成gravy。

12. 15分鐘後取去鍚紙，撥去羊腿表面香草。

13. 切開羊腿。


14. 剁碎一把新鮮parsley，加入薯蓉內拌勻。

15. 上碟配上薯蓉和蔬菜，淋上(10)的gravy 即可享用。



咁大隻燒羊腿我 + Mr.T兩丁友一餐緊係食唔哂!

將羊腿剩低既肉切落來，滿滿一大兜! 真係好大隻呢~

拆肉拆得幾乾淨!!


是晚半夜翻熱咗剩低既1/3來做宵夜!
仲有2/3.......依隻羊腿真係抵食~