阿V推介 - 日本Vivatec 360牙刷

早前收到Vivatec邀請試用佢地既360牙刷~
孤陋寡聞既我未聽過又無見過，
好難想像牙刷究竟可以點樣360度呢?

睇過佢地網頁圖片資料後，
見牙刷設計新奇，好有興趣想親身感受一下，
於是厚住面皮膽粗粗問可否寄來英國，
大方既公關先生一口答應，上星期終於收到牙刷嘞!
Thank you~

360牙刷分有成人 + 兒童裝，咁我依枝就緊係成人架啦~
刷柄設計 + 長度同一般普通牙刷大同小異;

不過刷頭非常小巧，刷毛比普通牙刷短一半以上，但密度就高好多，設計成360度，而且毛質亦比一般牙刷幼細 + 柔軟好多~我本身有牙齒及牙肉敏感，
皆因我細個時唔識野，以為刷牙刷得越大力越乾淨，
而且我瞓覺時經常會磨牙(唉........)
所以有少許牙肉痿縮 + 琺瑯質磨蝕既手尾，
雖然而家已經矯正刷牙力度，
但間中刷牙時牙肉或牙齒仍然會有麻痺感覺，
所以我一直都要用敏感牙膏~

如果你同我一樣有牙齒或牙肉敏感既問題，
咁依枝360牙刷就啱哂你嘞!
因為我試用咗幾日，咁多日來都無再試過麻痺既感覺，
依點要歸功特別幼細 + 柔軟既刷毛!

你可能會問: 刷毛咁軟，會唔會刷得唔乾淨架?
始終從小到大習慣咗用傳統牙刷，坦白講第一次用360時感覺真係好怪好唔習慣!
因為四面都有刷毛，
刷毛接觸到面頰內側時有點"魔術貼效應"，
有種揩住揩住好難郁枝牙刷 + 用唔到力既感覺;
又好似有好多地方刷唔到，尤其係牙齒內側.......
不過刷完牙後你就會發現，
其實棚牙已經乾淨到用手指捽時會"it it"聲!
尤其下排牙齒內側牙齦效果更加明顯~
大家唔好睇我個口咁大，查實我顎骨細，
一般成年人牙刷其實對我來講有少少太大，
加上刷下排牙齒內側時條脷"阻住哂"，
對顎骨細既我來講，
刷依個位置要刷得徹底乾淨真係有點難度!
所以有時難免要大力少少，甚至刷多幾下，
不過普通牙刷刷毛粗硬，刷大力又會刷傷牙肉!!

咁既情況下，我發現咗360有2個好處.......

(1) 刷頭細，極適合顎骨細既我! 

(2) 刷毛短又密力度較集中，
唔需要特別大力已經可以刷得好乾淨~

我個人覺得依枝新奇既360牙刷真係非常好用!
無論你有無牙齒/牙肉敏感; 顎骨細唔細都一定會啱用，
唯一只係要花點時間去習慣適應~
如果將來英國有得賣依種牙刷的話，
我都一定會轉用360度!


Vivatec official website: www.vivatec.hk