2013年4月2日星期二

頭文字V

Mr.T送我一套靚到令我尖叫既骨瓷茶杯碟.......


22ct 金頭文字V~


好鍾意~ 好鍾意~ 靚到有點唔捨得用!


近排Mr.T頻頻送小禮物比我,我都要禮尚往來......



上次返香港有晚同V媽媽經過旺角西洋菜街行人專用區,
見到一個男人喺街頭賣藝 - 用腳寫毛筆書法!
地上貼咗一段報紙新聞.......
男人細個時屋企發生嚴重爆炸,
倖保性命但雙臂齊膊盡失,而且留有滿頭嚴重燒傷過既疤痕~



我唔理男人既身世堅定流,
亦唔洗同我講咩野大陸丐幫勢力控制殘障人士利用香港人同情心賺錢乜乜物物........
因為我真正欣賞果位仁兄既毅力!

至少佢唔係齋坐喺度乞搏路人可憐,
佢真材實料賣緊自己苦練過既身手才藝,
你估用腳寫字咁容易?
The sad bit
is.......佢用腳寫都靚過我用手寫.....好多.......


我用$120買咗依張"厚德載物"~
"厚德載物"係清華大學校訓,
意思大約係......
君子有仁厚高尚既品德,
做人做事按照自然規律去工作 + 生活
待人接物量度寬廣到可以承擔萬物;
而當中既"物"亦可指為"福報",
一個人可以承受多少福報,就要依靠自身品德
~

我認為依幅書法好有意思!
本來打算買來掛喺屋企提醒自己要好好學習

不過帶咗返來Glasgow一直放埋一邊無搵個位掛起佢......
最近我終於唸到一個非常適合既位置 - 就係Mr.T's office!

雖然經我解說後Mr.T仍然對依4隻字一知半解,
不過佢都好鍾意依幅書法~
Mr.T d staff 就覺得好得意,個個走來問我依句野點解?



我仲買咗盆Peace Lily 放喺Mr.T office 增加吓生氣!


同場加映........

早前頻頻落雪,有晚Mr.T放工返來後叫我望吓出面........





Photobucket

20 則留言:

  1. đẹp !
    [版主回覆04/03/2013 21:19:24]Thank you =ÚtQuyền=!

    回覆刪除
  2. 緊張大師-小女人2013年4月2日 下午6:09

    你們夫婦倆都係有心思的人,大家互相欣賞那是幸福幸運.但那杯真的好有氣質,多謝Mrs.T講解咁詳細(厚德載物),多謝
    [版主回覆04/03/2013 21:19:04]多謝緊張大師!
    其實我買張書法時並唔知道"厚德載物"點解架! 係隔離圍觀既一位女士解釋比我聽,我覺得好有意思,不過自問仲未做得到,要好好學習啊~

    回覆刪除
  3. 真係又要講一次MR.T好有品味....MRS T 就內外都一流
    [版主回覆04/03/2013 21:18:02]Mr.T緊係有品味~ 妳睇佢識揀我做老婆就知啦!!

    至於我自己...外未至於一流,但感謝父母生得我五官端正; 而內自問更未到家,仍然有排好好學習.....

    回覆刪除
  4. 好浪漫啊。
    [版主回覆04/03/2013 21:11:23]Thank you Leung!

    回覆刪除
  5. 我都很欣賞Mr. T & Mrs. T, 你們倆個互相尊重, 非常愛對方又多才多藝, 真的十分合拍! V logo 杯和Mr. T's office 的擺設很清雅! 我而家先知道"厚德載物"的解釋, 多謝妳的解說和分享呀!
    [版主回覆04/03/2013 21:11:07]過獎嘞馬迷! 同得一個人一世,當然要愛對方 + 互相尊重啦,如果唔係對住對方應該感覺似酷刑!!

    其實我買張書法時並唔知道"厚德載物"點解架! 係隔離圍觀既一位女士解釋比我聽,我覺得好有意思,不過自問仲未做得到,要好好學習啊~

    回覆刪除
  6. wow wow wow骨瓷茶杯碟靚到呢,清雅又顯貴氣,love it very much, luck you V:-)
    [版主回覆04/03/2013 21:06:28]我真係好鍾意呢! 茶杯茶碟輕碰時叮叮聲仲好清脆好好聽~

    回覆刪除
  7. Mr T is so romantic! You are guys a wonderful couple... both are so . 有心思 ah!!

    Peggy
    [版主回覆04/03/2013 21:04:55]Thank you very much Peggy!

    回覆刪除
  8. Kennis' Kitchen2013年4月3日 上午12:03

    SO SWEET
    [版主回覆04/03/2013 21:04:35]Thank you Kennis's Kitchen!

    回覆刪除
  9. 最後果張, 真係轍底俾佢打低啦! 係佢啦, 你呢世都要粘住佢先幸福架啦.
    [版主回覆04/03/2013 21:04:16]幸福有好多種~ e.g. 父母家人朋友愛鍚,身體健康無大病痛...依d都係幸福來! 況且佢係我老公,我喺佢老婆,無咩話粘唔粘

    回覆刪除

  10. [版主回覆04/03/2013 21:01:46]

    回覆刪除
  11. 100+ LIKE啊~你地兩個都好有心思!我同我老公學到一半就好啦~兩個都係大悶蛋...ee...
    [版主回覆04/04/2013 18:12:04]Thanks 小樹太太! 人人性格唔同嘛,最緊要另一半愛鍚妳,妳又愛鍚佢咪得囉~

    回覆刪除
  12. 真係SWEET到震
    [版主回覆04/04/2013 18:10:57]Thanks Perla!

    回覆刪除
  13. 真係好靚~如果我有都唔捨得用
    [版主回覆04/04/2013 18:10:34]真係好靚,好鬼鍾意!

    回覆刪除
  14. 忍唔住想留言"SO SWEEEET"
    看了你BLOG好耐了. 謝謝你.
    [版主回覆04/06/2013 02:56:54]妳好Selina! 多謝妳捧場 + 留言啊~

    回覆刪除
  15. 咁Mr T 系未BBC(British Born Chinese)來咖。如果系,識得用中文同你溝通都已經好好啦。新一代的BBC已經好British架啦。
    [版主回覆04/06/2013 02:56:12]係呀~ Mr.T係bbc來! 不過佢只識講,但唔識睇又唔識寫,佢識講係因為佢同我老爺奶奶講中文~ 佢講得唔算好好,而且好多時佢識講既都唔明白意思,我同咗佢一齊14年,到而家同佢溝通都係半中半英~

    回覆刪除
  16. 但呢十四年你竟然一點都沒變,看來仲系好細個。你老公就成熟佐,無佐baby fat。(對比你們近照及主題照片)我估你去買酒,sales 會問你拿ID添。看來人開心對美容都好。多謝你紅豆沙既回覆。你講得好準,我真系無刮白色D野。你個blog好合我用,因為好多食材都在英國買,雖然我家裡好多cooking book, 但系好多野都買唔到;你整野真系好有天分,好多野都識整!
    [版主回覆04/06/2013 06:38:35]唔係呀...我地今年9月就一齊咗14年 - 拍拖7年,不過我地結咗婚6年半咋!

    其實Manchester Chinatown 都有好多中式食材賣啊! 我依邊d中超成日入d好好有驚喜既新食材e.g. 台灣臭豆腐~ 多d去逛吓,可能妳都會有好多驚喜新發現~

    多謝讚賞~ 有天份唔敢當! 不過可能遺傳真係有d影響~ 我公公以前係餐廳大廚,V媽媽煮野食好叻,影響到我都好鍾意食野 + 煮野! 我以前初來英讀書時自己一個人住,由果時一直都係自己煮,熟能生巧啫~

    回覆刪除
  17. Love the last picture! Too sweet!
    [版主回覆04/08/2013 01:30:01]Thank you Southerngal.

    回覆刪除
  18. 你地2個真係羨慕c人喇~
    [版主回覆04/09/2013 17:32:37]Thank you baobao!

    回覆刪除
  19. 你好~~~
    我屋企都有呢位人兄既書法, 我都有同感好佩服同欣賞佢呀!
    [版主回覆04/09/2013 22:11:00]咁妳都係識貨之人啊!

    回覆刪除

Related Posts Plugin for WordPress, Blogger...