戰利品@The Cake & Bake Show 2013

雖然The Cake & Bake Show展品水準令我大跌眼鏡;
而且我又唔會額外買票喺cake show上堂學整餅......
我有後悔去cake show嗎?

咁又無喎! 事關依類cake show集中哂好多烘焙用品店，
而且通常都有折扣，齋係去買野都值回票價啦!
何況我地果張仲係6折票!! 嘻嘻~~~~

今次收穫唔算多，
不過全部都係我去cake show之前已經想買........

一set3隻大中細巴黎鐵塔曲奇模

入場唔夠5分鐘已被眼利既我搵到依套模!
皆因我幾星期前已經好想好想要巴黎鐵塔曲奇模!
Search過英國大小網上烘焙用品店、eBay、Amazon.......
但一直搵唔到啱心水 - 一係太貴一係個型唔靚，
甚至個型根本完全唔似巴黎鐵塔，買唔落手!!

依套個型夠哂明顯，一睇就知係巴黎鐵塔
仲要有齊大中細，即時興奮尖叫住比錢買起佢地!
好開始啊~~~~

翻糖壓花棒

睇咗現場示範，壓出來既花紋好明顯，效果好靚!
我又買枝來玩吓~

超平message stamps

可惜選擇不多，一大咋但來來去去都係果幾個message.......

食用metallic食粉

勁細盒只得15g，平時買要£2.50，cake show 5 for £10~

Fred & Friends喪屍曲奇模

第二個尖叫! 之前喺網上店見到依套模已經好鍾意~ ♥不過網上店delivery charge乸脷;
平時有賣Fred產品既精品店又見唔到依套模.......
竟然比我喺cake show搵到喎! 難忍尖叫~~~~~

Bake-O-Glide玻璃纖維矽膠焗爐墊

第三個最大尖叫!!!
話說上次我返香港時已經想買塊Silpat，
不過去親CitySuper都係得返細size買唔成~

喺英國無見過Silpat，不過有同類型既焗爐墊!Bake-O-Glide係英國製品牌，
之前我喺愛丁堡一間廚具店見到我想要既size 300mm x 400mm，
不過賣£17我覺得好貴，一直都唔捨得買~
網上店價錢雖然平少少，不過計埋delivery咪又係差唔多!

去cake show前已經希望依塊墊cake show會有得賣，因為多數會平d!
行咗一大半都無見依塊墊，心想以為cake show無得賣........
點知行到近尾先見到佢地有個大攤位，仲要平到只買£11!!
係時候帶佢返屋企嘞~~~~




我喺香港買依套CakeLand餅乾印字組(日本製)，承惠98個香港大洋;

Cake show依套優質copycat只售£3.......


Cake show除咗有烘焙用品之外，仲有酒 + 其他食品攤檔，
見有檔賣芝士既人頭湧湧個個爭住試食，
為食Mr.T又走去試埋一份~
一向都極少空口食芝士，本來我對芝士興趣不大......

殊不知試食後我累住要買返屋企慢慢歎!

行完買完......臨走喺出口仲有"法國好媽媽"果醬贈品派呢!