2014年1月23日星期四

二人世界2014第一餐三餸一湯 - 2014年1月22日 (附食譜)

真係作死......
一味掛住執舊文爆圖,
踏入2014年後,都未正正經經煮過一餐飯食!
Well~ 咁其實又唔係日日都出街食或叫外賣既,
都有煎過牛扒咁既.......

我依d OCD 係咁 - 一係就唔做,要做就要一氣呵成!
Btw 經我一番努力後,爆圖大致上已經全部修復;
而我堅持每篇加返"閱讀更多",
亦只剩返2008年前期大約6個月左右既舊文,
相信依個星期內會全部攪掂哂! (開心~ )

La Cuisine De Veronica, V女廚房, 三餸一湯

花膠響螺頭排骨煲雞腳; 洋蔥豬扒; 辣子腰花 & 清炒菜心

La Cuisine De Veronica, V女廚房, 花膠湯, 花膠響螺湯
真係好耐好耐無煲過湯! 要煲返個滋陰又養顏既靚湯~


 
上次發依隻花膠時,我已經發現用LC 29cm oval 唔夠大......
(未發時就啱啱好,發起後花膠脹大浮面浸唔透!)

可能我真係太耐無煮過飯...我竟然重犯依個錯誤!!
好彩都趕得切煲湯!!

發花膠方法click here~


La Cuisine De Veronica, V女廚房, 豬扒, 洋蔥豬扒
咁耐無煮飯,唔洗問阿貴都知Mr.T 下聖旨指定要食乜啦!


La Cuisine De Veronica, V女廚房, 豬腰, 辣子腰花, 炒腰花, 炒豬腰
之前整過一次辣子腰花,好好送飯回味無窮~
不過超市唔係成日都有豬腰賣 - 通常好想食時都無得賣!


我終於捨得將把聖誕禮物旬刀開光嘞 - 旬刀既第一次獻咗比豬腰!

豬腰比其他內臟難切,所以刀一定要夠鋒利~
依把旬刀果然名不虛傳! 鋒利無比削腰如泥...
上次我處理2個豬腰攪要成10分鐘;
今次只5分鐘左右就攪掂哂!


舊文已經處理得八八九九,
剩低既手尾可以稍為放慢些少手腳......

因為我個蒸糕bell 又係時候響起來嘞!


花膠響螺頭排骨煲雞腳(參考食譜)click here~

洋蔥豬扒食譜click here~

辣子腰花食譜click here~







4 則留言:

Related Posts Plugin for WordPress, Blogger...