韓國 - 生醃辣魷魚 Ojingeojeot

Ojingeojeot 係一道生鮮既韓式前菜，口感味道集鹹、辣、爽口、滑劣劣於一身，
一小口生醃辣魷魚配一啖熱辣辣白飯...一次就食上癮直吞兩大碗白飯!
好食到唔停得口!!! 超讚~ ❤

早前見已食上癮既朋友頻頻買鮮魷魚來整，引到阿V流鬼哂口水~~~ 
蘇格蘭好少有新鮮鮮魚賣，所以一直都係得個恨字........
後來朋友告知佢係跟Maangchi 整，一睇Maangchi 既食譜，原來佢係用急凍魷魚! 
正呀~~~ 因為蘇格蘭中超都係賣依隻一樣牌子既急凍魷魚呢!! ^^


做法來自Maangchi.......

1. 急凍魷魚900g 溶雪。(每隻大約手板咁上下長度! 有新鮮就買新鮮啦~)


2. 魷魚撕掉外皮，劏開挖出*內臟和軟骨，魷魚頭切去眼睛，放在大碗中。(魷魚去除內臟後大約剩下650至700g左右~)

Maangchi 將切出來既魷魚內臟 / 魷魚蛋(膏)...whatever you call it 掉咗，但我就留起用海鹽醃一兩日，再加油 + 蒜蓉蒸熟，味道唔錯啊! ^^


3. 開大水喉用手抓勻洗淨魷魚，瀝乾。

4. 魷魚放入食物盒，加入海鹽5湯匙撈勻醃好，蓋好食物盒蓋，放入雪櫃普通格一個月。

5. 鹽醃一個月後的魷魚。

6. 放在筲簊內沖洗乾淨及瀝乾。(蘇格蘭的自來水可直接飲用~ 否則請使用凍開水清洗魷魚!)

7. 醃料做法: 韓國辣椒粉1/2杯、粟膠1/2杯、蔥2條(切蔥花)、蒜頭5瓣(去皮切片)、薑米1湯匙、青辣椒和紅辣椒各2隻(切片)、芝麻2湯匙、魚露和麻油各1湯匙，全部材料放在大碗內拌勻。

8. 魷魚用廚房紙抹乾水份後切小塊，放入(7)內拌勻。

9. 放入乾淨玻璃瓶。

10. 放進雪櫃普通格可保存數月。(不過應該留唔到數月...實在太好味，好鬼快會食哂! XD)


Step by Step 詳細做法請睇返Maangchi 既YouTube: