李家小姐初出城‧日本北海道 (1987年2月)

尋日(2月24日)一早起身望出窗......即時忍唔住爆咗句F word!

又落大雪!!! 而且大雪係打橫咁落足一整日~~~~~~

 不過落既係濕雪，落到行人路比人踩到一pat pat......非常醜惡!!!!!!


老實講今年不停間斷地落大雪，我已經好fed up!!!! 同我人生第一見落雪時既興奮心情，真係差天共地........

(今年真係落夠嘞~~~ 大佬唔好再落啦唔該!!! )

早幾日有網友提起佢今個農曆新年到北海道旅行渡過......

而我第一次見落雪，係N年前既農曆新年，地點正是北海道!

(今日比Yahoo 激咗成日，就等我搵返d舊相出來比大家笑吓啦! 哈哈~~~ )

時為1987年2月既農曆新年假期，當時小妹正讀緊四年級~ (應該計到我而家幾歲嘞啩! 嘻~ ) 

三年級時我上、下學期都考第1名，得到2份獎品 - 鋼琴1座 + 北海道白雪旅行1個! (所以要等到讀四年級既農曆新年......)

 第一次搭飛機，心情緊張!!! 當時我地仲係搭商務客位呢! (不過果時既商務客位無而家果d咁正......)

 第一次見到落大雪，感覺真係好得意好興奮! 仲覺得大自然真係好神奇~~~  因為香港唔會落雪嘛......

 到訪北海道，當然會參觀札幌一年一度既雪祭睇雪雕 + 冰雕啦!

 日本人好似好鍾意我國唐僧取西經既故事 - "西遊記"~~~

 有好多1:1既建築物雪雕~ 細個時真係覺得嘆為觀止!!!

 又要玩又怕屎......唯有黐住V媽媽一齊玩!

 見到狐狸啊!  我仲記得之後扭V媽媽買咗個狐狸鎖匙扣比我，來紀念第一次見到真狐狸!

我仲記得喺雪祭裡面攤位用大木槌"中"年糕啊!  不過可惜張相留咗喺香港......

 喺酒店著住件浴衣扮哂空手道! (其實我唔識架!!! )

 東京天氣好好無落雪~

 已經唔記得當時住既係咩酒店~ 不過我記得依間東京既酒店好靚! 有一個好大，有人工小河 + 鋪滿石春既花園~

 我仲執咗粒石春來留念呢! 依粒石春我仲保留到而家~

不過......

 當年無數碼相機既年代，V爸爸既攝影技術認真麻麻!!!

 

 唉...........

有日旅行團行程兵分兩路 - 一係去Disney; 一係去電器街~
當時因為我自覺無人陪我玩 ，就算喺V爸爸 + V媽媽力勸之下，我都固執地選擇唔去Disney! 而去電器街......

之後緊係後悔到揼心口啦!!!!!

V媽媽為咗補償我，買咗好多個米奇老鼠毛公仔比我......

 仲有依2個喺機場精品店買既原子印!

不過唔知點解我咁怪會揀唐老鴨 + 米妮!!?!?!

我細個時一定係一個好怪既小朋友.......

>>>>>>>>>>>>>>>>>>>>>>>>>>>>>>>>>>>>>>>>>>>>
當年錯過咗無去而揼心口既Tokyo Disney......

 多年後終於再有機會一遊嘞!