V家愛心包裹 (2010年2月10日)

越來越討厭Royal Mail!!!!!!

V媽媽大頭蝦計錯日子 - 上星期五 (2月5日)寄咗個特快郵包比我; Parcelforce 星期一(2月8日)曾經嘗試送貨，不過我地仲喺羅馬，當然無人應門收郵包啦~

正常做法應該會留張咭，通知我佢地曾經嘗試送貨但無人接收，將會幾時幾日再次送貨，又或要我本人去取件.....之類~
但今次佢地竟然即時將郵包送咗去郵局 - 即係要我自己去郵局取件!!!!

依個都唔係問題~ 不過係咪應該通知聲我呢?

通知咭又唔比我; online tracking 又話尋日(2月9日)會再次送貨，搞到我尋日全日唔敢出街喺屋企等郵包，最後又無送來!

今日本來想出街買材料整年糕，又係因為等佢地送郵包唔敢出去......等咗成朝都無聲氣! 最後打電話問佢地......佢地先同我講郵包送咗去郵局，要我自己去取件!

足足嘥咗我2日時間等個郵包!!  成班正飯桶!!!!

 雖然郵局好近屋企，不過大箱野好鬼重!

 滿滿一大箱!!

 附送V媽媽紅髮1條!

 好鬼多野呀!!!!

 花膠1大包~

 髮菜又1大包~

 罐頭鮑魚1罐~

 響螺乾1大包~

 鵝肝腸1大包~ (一打開箱已聞到依包野好鬼香!!!)

 至愛既金銀潤 + 臘鴨脾1大包~

 陳鴨腎~

 正正爽滑瀨粉4大包~

 余均益辣椒醬2枝~

 魚皮2大包~ (V媽媽話上星期入長洲買唔到極品偉記魚皮喎 ......所以整2包現成野補數!)

 無厘頭環保袋4隻......

雖然比Royal Mail 激死!!!
不過拆開郵包後見到咁多正野，我即時開心返哂嘞!

Thanks V爸爸 & V媽媽~~~~