第二天 - 2010年2月5日
是日終於可以見到"佢"嘞!!!
預計將要排好耐隊，所以離開酒店後第一件事......
)是日午餐......
日日都要食既雞雜 - 除咗雞肝雞心之外，上面果咋燶燶炒洋蔥好鬼正架!!!
香噴噴既迷迭香薯仔~~~ (燶燶地既部份仲加香呀!
)
咪睇碟菜炒到一pat 好似好核突咁! 依碟野巴閉到我2年多前一食傾心~~~~
用少量辣椒炒過既菜，味道少少辣得來又帶少少苦，正!!! 雖然我仍然唔知佢叫做咩名，不過每次我一見到佢，一定會認得佢~ 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
食飽後我地就出發去見"佢"嘞!
地點: Vatican City 梵蒂岡
全部人排隊都係為咗去"佢"果度! (時為2007年6月30日)當日我地排隊期間發生咗一件好唔開心既事......
有一個來自美國既阿嬸，以為我 + 老公打尖，突然一野好大力拍落我背脊 + 講咗句野 - 好似係問我野，但我當時太火聽唔到佢講乜!
我無理個女人~ 但就好火滾講咗一大堆中文粗口向老公投訴! (阿嬸太巨型，我一定唔夠佢揪......
)老公見唔到阿嬸拍我，所以佢即時好嬲問我係邊個! 阿嬸既丈夫比較有文化 - 佢見狀即時好有禮地問老公係咪排錯隊? 阿嬸又即時扮哂野笑哂懶友善咁搭嗲......
查實當日我地排隊期間不知比幾多人打尖，但係我地都無出聲! 一來周圍都係來自世界各地既遊客，各有不同文化，打尖情況無可避免; 二來雖然我地並非天主教徒，但我地尊重梵蒂岡依個神聖既地方!
而且去旅行係為咗開心~當日係我地喺羅馬既最後一日，傍晚要趕飛西班牙~ 我地排隊超過2粒鐘後，先發現前面仍有足足2條大街既長龍!!!!
睇情況就算再排多2粒鐘，我地都無可能入到去~
最後我地唯有放棄! 同"佢"緣慳一面......喺離開梵蒂岡既路上，一來見唔到"佢"令我非常失望
; 二來比阿嬸醒咗一野，我終於忍唔住喺我既honeymoon 喊咗出來! 
老公不停安慰我 - 將來一定帶我返來見"佢"......當日整個梵蒂岡人頭擁擁......整個聖彼得廣場佈滿遊客......
點解當時會咁多人呢?
依個謎底終於喺2年多後既今日解開......
原來每年6月29日，係Celebration of St. Peter & St. Paul!!!!! 所以世界各地修女、修士 + 遊客，都會集中喺依段時間來到羅馬聖城朝聖~大家如果唔想排長龍，記住避免喺依段時間來參觀嘞!!!
講返今次........
我要見既"佢"，其實係位於梵蒂岡裡面既Sistine Chapel (西斯汀教堂)~
P.S. Vatican Museum開放時間為:
- 3月中至10月: 星期一至五8.45am - 4.45pm, 星期六8.45am - 1.45pm;
- 11月至3月中: 星期一至六8.45am - 1.45pm;
- 逢星期日休館 (
記住嘞~ 如果唔係會摸門釘架!)進入博物館後會見到好多雕塑......
終於都可以同"佢"見面嘞!!!!!!!!!! 
Sistine Chapel 中央部份天頂係描述聖經"創世紀"既壁畫，分別由9幅不同壁畫組成; 而"創造阿當"就係當中最受注目既作品~ 好多postcard 都係以佢為圖架!
其實我並唔係一個懂得欣賞名畫既人~ 只係我有一個情意結......
就等如巴黎既Mona Lisa一樣 - 我從小就知道既歷史悠久藝術品，只要我到過藝術品存在既地方，就會好渴望可以一睹佢地既真身~
我唔係教徒，但當我望到畫果一刻，我覺得好感動~~~
甚至有想喊既衝動......是日我終於一償從小多年既心願嘞!!!! 老公見我傻傻仰頭眼定定望住畫，用手摸摸我個頭......
盡頭牆上亦係Michelangelo 既作品 "Last Judgement" (新約啟示錄裡面既"最後的審判")
點解依2張相濛查查既呢?
因為一來果度好暗; 二來依部份係唔比影相既! 我係冒住比人鬧既危險而偷偷地影架!!!
(不過周圍好多人都係咁......
)償完心願後，我地就離開Sistine Chapel~
P.S. 梵蒂岡係全世界最細既國家，由羅馬天主教教廷統治，最高元首為教宗~
是日奇景......
隔離有架長頸鹿車，應該係是日先開始拆除裝飾......>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
本來以為要排全日隊先入到Sistine Chapel，是日行程只安排咗梵蒂岡，點知完全唔洗排! 所以我地離開梵蒂岡後，又去咗shopping......
途中買咗件褸，遲d先著比大家睇!
咁是日shop 咗乜野呢?
C.U.C.I.N.A 係羅馬一間最出名既廚具店! 旅遊雜誌都有介紹~ 咁我當然要去及及啦! 哈哈~~~~
Cucina 係意大利文"廚房"既意思~
記憶中羅馬市應該有3間C.U.C.I.N.A 分店，我當然無咁得閒去勻哂3間啦! 今次去既依間係位於Piazza Euclide，應該係比較細果間分店......
無理由去幾日旅行搬隻煲返蘇格蘭.......
)第二站......都係廚具 - Gusto~
Gusto 係意大利文"味道"既意思!
依間分店我都唔知道喺邊? 因為只係搭巴士時咁啱線見到先落車睇吓......
第三站係食得落肚既店......
搵緊下一站另一間廚具店既時候，竟然落起大雨來!!!!
我有2件，但Mr.T 屎都唔肯著.......因為我著住依件野行街時，好多人用好怪異既眼光望住我!
見落咁大雨，是日shopping 就此作罷~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
2日無米落肚吊飯癮......我 + 老公都係食炒risotto (無汁既~ 好似炒飯咁炒!); 蕃汁牛扒 + 唔知咩菜~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
食完晚餐又去咗超市一趟買飲品......+ 宵夜帶返酒店!
喺超市買咗盒醋漬墨魚仔 (哇~~~~ 依盒野超好食!!!
)
再整多盒膽固醇 - 雞雜~ (依盒野會食上癮架!!! 是日第二次食嘞!)
返到酒店我又即時開餐! 我一路食一路問老公食唔食......
老公: 妳唔洗再問我嘞~~ 我真係好飽呀!
我都唔明點解妳可以咁快又食得落野......
沒有留言:
發佈留言