海鮮墨魚汁意大利粉
羅馬之旅已完結，連遊記都寫完嘞......不過我對羅馬既狂熱仍未減退!
於是今晚整個墨魚汁意大利粉來懷念吓啦~~~~
(好彩仲未到期啫!
)長麵比一般正常意粉長個double，都幾難放入鑊裡面煮!
不過好彩意粉一掂到熱水就變軟，所以唔洗整斷佢~ 依隻長麵好有墨魚汁既鮮甜味!
只需簡單地用橄欖油、海鹽、黑胡椒 + 碎辣椒乾調味已經可以突出墨魚汁既鮮味; 灒少少白酒令長麵更惹味 
............早知今次買多包返來啦!!!! 
超市陰招.....
今日去Asda 買急凍大蝦，見到急凍硬櫃既cod fillets 每包由£2.78減到£2......
一，唔洗special offer，買2包都只係要£4;
二，價錢牌既左上角亦標明£5有1kg~ 但£2一包只得400g，£5 / 2包只得800g.....
有時見有special offer 會一時大意就賴野嘞! 真係好討厭超市依種誤導顧客既手法!! 好似當顧客係白痴一樣! 根本就係擺到明呃人!
大家去超市入貨時真係要睇清楚呀!
白酒海鮮墨魚汁長麵食譜click here~
wa.... Mrs T. 您好叻呀！ 咁眉精眼企。。。您一定係讀accounts 架啦 .. 好多時我見到特價，我就會即刻買！ 都無計過條數！
回覆刪除[版主回覆02/24/2010 08:52:00]多謝! 不過妳都相當醒吓 - 雖然我唔係純讀accounting，我讀business management 既~ 不過其中一科就係accounting，而且我當年係攞merit 既! 不過格價依家野，做咗師奶自然會自我訓練到架嘞~~~
好多時減價唔係一定有so架,所以我都會compare份量睇下邊個抵d,如果唔係俾佢地捉住師奶仔心態以為多就係抵,最後變蝕左就好揼心~~所以做師奶都要做個精明既師奶
回覆刪除[版主回覆02/24/2010 19:29:00]減價無so 唔緊要，但無理由調返轉比佢搵笨架嘛! 我都係架 - 我經常喺唔同貨架前攞住部手機計計計，咪佢有佢搵笨，我有我精明囉!
真係要小心D, 做個精明消費者 !
回覆刪除[版主回覆02/24/2010 19:21:00]係呀~ 小數怕長計嘛! 比佢地陰到係佢地著數哂!!!!!
我都覺得D超級市場好奸，成日出埋D陰招！自從同孫生呢個會計佬一齊再變成師奶仔後我都學得眉精眼企咗！哈哈
回覆刪除[版主回覆02/24/2010 19:26:00]不過未必個個做同數字有關既工作數口都好呢! Mr.T 係銀行管理層，佢數口真係差到令人擔心既地步...... 我唯有自我訓練得更精明來平衡返!
係啦係啦~ D超市成日都係咁~ 有時跟本冇減到~ 不過都唔一定淨係超市係咁...
回覆刪除[版主回覆02/24/2010 19:11:00]我都聽過有某d店舖會減價前mark up 個價錢，然後先再減返.....咁即係無減到!!! 不過超市應該係最容易賴野既地方!
好多時d supermarket都係咁, 總有人比佢呃到嗎, keke!
回覆刪除墨魚汁意粉hk好難買呢, 一般supermarket都無...
[版主回覆02/24/2010 18:48:00]有special offer 時我當然會特別留意，但我好多時都會攞住部手機計清楚係咪真係買得過先會買!
一般超市無墨魚汁意粉唔出奇，未必個個人都啱口味架嘛! 除咗有墨汁鮮甜味之外，煮出來仲有一種海鮮香味~ 唔鍾意既人會覺得腥! 妳試吓去西式超市搵吓~
你果然係精明消費者, 哈哈..有時係SUPERMARKET買野未必真係買兩件就平呢, 呢D真係要睇清楚呀..
回覆刪除[版主回覆02/24/2010 18:43:00]d超市好乞人憎囉! 除咗買兩件未必抵之外，有時大size 都一樣未必抵過細size~
D 墨魚汁意粉真係長好多喎~ 但在我記憶中, 我冇乜食過, 頂多試過兩次掛, 所以 冇乜印象 D 墨魚汁意粉 係咩味呢....
回覆刪除[版主回覆02/24/2010 18:40:00]我果時(honeymoon)就係貪得意貪佢長先買! 我仲記得果時最後一晚喺羅馬pack 行李時pack 得好辛苦，因為我地當時由羅馬去西班牙仲有一星期旅程.......最後喺西班牙買咗2個喼先夠放野返屋企!
靚既墨魚汁意粉先食到墨汁既鮮甜味! 我喺餐廳食過麻麻地果d除咗黑色之外，同普通意粉分別不大......
ASDA 成日擺烏龍, 你肯定無俾佢陰到, 你咁精明 我都要去入貨了.
回覆刪除BTW 你的墨汁意粉好有意大利FEEL. 我都好想食
[版主回覆02/24/2010 18:35:00]都唔知佢地真傻定假懵既啫! 一次兩次就好可能係擺烏龍，成日都係咁既話，我就覺得佢地有心陰d客嘞!!!
哈哈~~~~ 依個墨汁意粉用咗果隻急凍帶子!
墨魚汁意大利粉整得好靚
回覆刪除[版主回覆02/25/2010 07:14:00]多謝! 不過黑忟忟加d紅加d綠......
咁睇起上來就好靚架嘞!
一睇以為「海鮮墨汁意大利粉」，原來係墨魚汁，都無咁驚！
回覆刪除[版主回覆02/25/2010 07:14:00]一睇你留言，我仲以為自己打錯字令你誤會，原來係你睇錯，都無咁驚!
香港超市咪又係，成日嗰啲優惠孖庄仲貴過單買2件，所以我依家都睇清楚先買，唔會再比"優惠庄"呃~~~
回覆刪除[版主回覆02/25/2010 07:12:00]係呀! 我返香港時同V媽媽一齊行超市，都發現過佢地d陰招!!!
真係好過份,如果吾係好似你呢d精靈一族,甘未好容易被騙 law !
回覆刪除[版主回覆02/25/2010 07:11:00]其實只要細心d睇清楚就唔會咁易上當架嘞!
果然精明醒目Mrs. T, 我有時去到超市都要碌大雙眼, 怕佢地有陰招 仲有要心水清先得
回覆刪除[版主回覆02/25/2010 17:08:00]佢地咁古惑，好彩我都有返咁上下!
墨魚麵勁勁勁勁勁勁勁好食呀,我最鍾意食,不過食完d牙會黑蚊蚊,搵日要去食下先!!
回覆刪除[版主回覆02/26/2010 08:56:00]吓??? 妳食乜鬼墨魚汁意粉會甩色咁搞笑架? 係咪用新鮮墨魚汁撈普通意粉果種? 咁咪好似舊時代d日本女人囉!!!
我好鍾意食墨魚麵, 不過未試過貫返屋企自己整, 通常係出面食
回覆刪除[版主回覆02/26/2010 19:07:00]買定d喺屋企，想食時咪隨時有得食囉! 唔洗下下出街食~ 依度出街食墨魚汁意粉比較少又比較貴~~~~