2013年4月19日星期五

敗家樂

上星期某日我 + Mr.T一齊喺廚房整野食,
突然聽到身後既Mr.T"Oh"咗一聲......


我轉過頭來把罐頭刀已經變成咁既樣!
由於事發時我背住Mr.T睇唔到事發經過,
唔知佢點可以將把罐頭刀一分為二,
只可以肯定佢無跌過把罐頭刀落地......


Anyway我心裡不禁歡呼: 我終於可以換罐頭刀嘞!話說賢妻睇中咗Kuhn Rikon罐頭刀好耐,
大大話話無3年都有2年......
之不過依把Culinare一直性能良好盡忠職守,
知慳識儉既
賢妻次次行街見親KR都掙扎住一直忍忍忍~~~
感謝
神力麒麟臂Mr.T終於幫我整爛咗佢!印象中今次應該係第一次整爛咗廚房野但我覺得開心!!
哇哈哈~~~


急不及待抱住興奮心情去買KR罐頭刀.........
不過世事總係咁,當我唔打算買佢既時候,
佢無時無刻都喺我面前出現,仲要
乜顏色都有齊哂!
但當我去決定買佢既時候,去到第一間TK Maxx竟然一把無罐頭刀都無! 乜牌子都無!!


去到第二間TK Maxx,有一千零一把Kuhn Rikon,
不過係咁多隻色之中我最唔鍾意既藍色! 唔買!!



去咗2間TK Maxx都買唔到罐頭刀,不爽指數直線上升!

唯有敗吓其他野補償 + 平衡一下心理......

補償一: V&A Victoria Tea Set

V&A...唔係Veronica & Andy呀!
係Victoria and Albert Museum啊~

其實之前已見
V&A出過好多花花杯碟枱墊杯墊,
但佢地既花花大多"太寫實"太老氣not my cup of tea.......
不過今次依套好有Cath Kidston feel,靚到無朋友! 






補償二: 立體雀仔點心碟
 



造型可愛,手工精細~ 大愛!


補償三: Joseph Joseph型仔湯殼筲簊


去到第3間TK Maxx.........


搵到一把紫紅色Kuhn Rikon + 一把桃紅色Emsa~

問題來了.......
牌子我比較屬意Kuhn Rikon,因為聽過好多人話好用;
但我想要黑/白/深紅,
我覺得依隻紫紅無黑/白/深紅咁靚!


Emsa依個桃紅色好靚........

而且mechanism同Kuhn Rikon一模一樣 - 都係唔介手罐頭刀~
坦白講...我其實鍾意依把桃紅Emsa多d!


不過Emsa手柄設計無Kuhn Rikon咁好.......
KR手柄可以完全合埋成單柄,清楚知道罐頭位置已經鎖好;
相反Emsa係雙柄,而且合埋後中間仍然有條罅,
一時大意就會以為未鎖好而再大力d夾...斷柄風險好高啊!


一番思量後,最後都係決定要依把紫紅Kuhn Rikon~
依個紫紅越睇越靚呢!




果然名不虛傳! 的確係好好用完全唔洗點用力~


街,行開就會有條癮!
搵罐頭刀之餘,經過其他店亦光顧一下........

唔洗錢既清潔相機鏡頭碳筆
我本身有一枝,不過反轉屋企都搵唔到!
Mr.T間中會做mystery shopper,
咁啱早幾日接到做Currys既mystery shopper,
所以依枝
碳筆唔洗錢,另外仲有錢收!!



6色可愛雀仔夾





最近開始有太陽,想買多幾盆香草來種~


不過果日無香草,最後買咗盆靚靚白玫瑰!



自己種蘑菇! 唔知種唔種到呢?



上次只買咗一條既發花癲hand towel終於又有貨嘞!


洋人本身白皮膚唔興美白,英國比較少美白護膚產品......

所以我一見有美白產品(有信譽既牌子!),我都會買來試吓!
L'OREAL依隻美白洗面乳唔錯,
泡沫豐富,香味乾淨清新~ 要買多幾枝!!


平到無朋友既無牌子果凍拖鞋~
雖然唔係名牌,不過好靚又著得好舒服!



之前買咗依套T shirt 顏色筆仲未用.......
買咗對白飯魚等Mr.T幫我將佢扮靚靚!


FB友話可能Mr.T一早知道我鍾意Kuhn Rikon罐頭刀,
但又知道我太賢淑唔捨得買(依句係我自己講既!
),
所以用心良苦特登幫我整爛屋企把罐刀,
等我可以如願以償買把
Kuhn Rikon!

唔知Mr.T係咪以為我想換新微波爐?
佢竟然叮薯仔都可以叮到著火!  photo _001.gif
(Well~ 我好鍾意我個微波爐! 心領了~)






Photobucket

14 則留言:

  1. 雀仔點心碟好靚。我之前係TK又見到立體雀仔茶壺同茶杯。可惜我屋企都無位放了。
    [版主回覆04/22/2013 18:01:24]茶壺茶杯我依邊都有,仲有個糖盅,不過我覺得麻麻地~

    回覆刪除
  2. 我一睇到都覺好Cath Kidston feel
    [版主回覆04/22/2013 18:00:48]好少見V&A出依種花花

    回覆刪除
  3. 雀仔夾我屋企都有,超cute
    但我d係10了蚊店買既,得1袋得1隻色,我買左粉綠色~平時吾用夾係零食箱都好睇
    [版主回覆04/22/2013 18:00:25]我用來夾開咗包裝既乾食材~ 咁我依包咁多隻色幾好喎!

    回覆刪除
  4. I am using the L'oreal milky foam too! The smell is great and very foamy! but I think the whitening effect is not that great thou. but the price is ok.
    [版主回覆04/22/2013 17:56:59]i dont expect a few pounds product will change my skin tone dramatically. however as a face wash, it is a good one.

    回覆刪除
  5. 等緊睇你對白飯魚扮完靚個樣呀
    [版主回覆04/22/2013 17:52:06]我催佢緊d叫佢快d開工呀吓!

    回覆刪除
  6. 蕙食廚房 - Cat's kitchen2013年4月21日 下午9:15

    男人入廚房真係好危險....
    [版主回覆04/22/2013 17:50:20]就算Mr.T整爛哂我廚房裡面所有野都無所謂.....最緊要有殺有賠就得嘞!

    回覆刪除
  7. 可愛雀仔夾-巧令!!
    [版主回覆04/22/2013 17:49:26]我都覺得好靚! 我上星期見到買咗,尋日再去果間店已經一包都無....依隻雀仔夾好似好賣得~

    回覆刪除
  8. 我都剛剛把一把廚房剪刀整斷,拆蟹的時候把手位"bang"一聲斷了,,又可以買新的~~
    [版主回覆04/23/2013 18:34:33]恭喜妳啊! 快d去買返把新廚剪啦~

    回覆刪除
  9. 嘩!! MR.T 都好犀利wor叮薯仔都可以叮到著火!!! 睇來你要唔俾mr.T 入廚房la...如果想做 mystery shopper 要去邊到apply ??
    [版主回覆04/23/2013 18:32:23]無野架~ 佢整爛我d廚房野咪賠囉!

    妳去google search mystery shopper 會搵到好多唔同公司

    回覆刪除
  10. HAHAHA MR.T 想幫你換過哂D野~HAHAHA
    [版主回覆04/25/2013 00:53:23]如果我有咩想換新既話,應該執定出來叫Mr.T幫我"攪掂"佢地!

    回覆刪除
  11. Wow! Mr.T 都好犀利..叮薯仔都可以叮到著火?!!! But, he give u a really good chance for shopping....

    Peggy
    [版主回覆04/29/2013 21:39:00]我一向係微波爐白痴來! 我試過用微波爐將個漢堡包叮到得返1/4咁大隻.....

    回覆刪除
  12. 我都有把 Kuhn Rikon,用咗成 4 年都仲好好用!
    [版主回覆04/29/2013 21:36:48]之前見好多人都讚依把罐頭刀好好用,但本身果把未爛所以唔想浪費.....估唔到真係好用成咁喎!

    回覆刪除
  13. Yovela求減肥成功2013年5月2日 上午2:15

    你好吖 我系新加坡讀書果鎮已經成日睇你嘅Blog gar. 我準備今年9月去愛丁堡大學讀大學啦 所以我想問下 電飯煲洗唔洗帶過去啊 斬骨刀咧?
    [版主回覆05/03/2013 17:53:44]蘇格蘭唔係原始森林,電飯煲 + 斬骨刀中超都有得賣!
    不過電飯煲妳唔好期望係Toshiba Panasonic 依d,基本上全部都係一d完全無聽過既大陸牌子,如果要用日本牌子的話就自己帶過來~ 再唔係洋人電器舖都有質素好既電飯煲賣e.g. Tefal,比大陸不知名牌子平

    回覆刪除
  14. 今天上午和朋友行街, 朋友買Kuhn Rikon的煲, 後跟我說Kuhn Rikon的罐頭刀, 十分好用. 叫我也買來用. 突然想起妳的blog也說過這事情, 所以買了一把, 只得白色, special price HKD89. 幾喜歡看妳的blog, 可以知道很多事情/事物, 總有一天, 可能會用得著呢!
    [版主回覆05/10/2013 19:04:25]妳一定都會覺得好好用!
    [馬迷回覆05/10/2013 13:48:07]未開光呀! 快用啦! 要感覺下那種好用法!
    [版主回覆05/10/2013 06:55:17]妳把罐頭刀開光未? 我買之前已經見過好多人話依把罐頭刀好好用,自己用過先知好用成咁!
    聽朋友講香港只係得白色,無其他顏色揀無咁多煩惱!

    回覆刪除

Related Posts Plugin for WordPress, Blogger...