2013年4月1日星期一

阿V偷懶的日子 (附食譜)

早排一來忙,二來天氣凍到連餸都唔想去買!
所以無乜煮飯 + 整野食,
但不代表我完全無煮啊~
只係少煮 + 煮得簡單快手少少.........



2013年2月27日: 花膠雞腳煲瘦肉; 蠔油花菇炆豬手豬脷; 橙香雞翼; 蒜蓉菠菜

偷懶前煮既最後一餐三餸一湯~

是晚Mr.T miss 咗一班車,
我太肚餓頂唔順先行食自己........


花膠雞腳煲瘦肉(參考食譜)click here~


農曆年初二既開年盆菜,Mr.T竟然不停食煲過湯既豬脷,
所以依餐既目的係試探一下Mr.T係咪真係鍾意咗食豬脷!
本來只想炆豬脷,但冰格剩低一隻豬手順便炆埋佢~
豬手要累骨,預咗Mr.T唔吼......
結果炆咗2大條豬脷,
有人返到來同我全部食哂,
留低哂d花菇 + 豬手!!

不過都好 - 至少prove 咗Mr.T真係鍾意食豬脷,
我以後攞正牌可以整多d!


蠔油花菇炆豬手豬脷食譜click here~

其實本來想整檸檬雞翼,不過唔記得買檸檬,
而家鍾意咗食橙,屋企常備橙,就改用橙來煮啦!

橙香雞翼食譜click here~



依餐三餸一湯之後,我就進入咗"半冬眠"狀態.......


因為天氣凍......少出街買餸,所以煮得比較簡單;
加上早排個胃唔舒服,
Mr.T叫我要準時食野,
所以
食得比較清淡 + 好多時肚餓等佢唔切我就自己先開飯~


半冬眠期間有時連煮都唔想煮,依個時候就要叫外賣嘞!
英國外賣一般來來去去都係中國野、咖喱、pizza、炸魚薯條.......



最近發現屋企附近有間意大利餐廳竟然有做外賣!
以前都幫襯過依間意大利餐廳,一向都好鍾意,
而家送埋外賣真係正!! 所以最近經常幫襯~




2013年3月21日: 酸辣湯; 上海排骨菜飯

是晚來個簡單"上海之夜".......
醒起原來Mr.T仲未試過我整既酸辣湯!
因為上次整(第一次),當時Mr.T仍然喺南下工作,
是晚特別整比佢試吓~


酸辣湯食譜click here~


上海之夜.......不過Mr.T唔鍾意醉雞,
所以整佢最鍾意既豬扒,
我又可以乘機試吓新食譜 - 上海排骨菜飯~


雖然我係第一次整,但真係忍唔住讚自己整得好好味!


美中不足果日Tesco得返一千零一包小棠菜,
得2棵仔仲要唔係好大棵,用哂2棵個菜飯都係唔夠菜......

上海排骨菜飯食譜click here~

Mr.T勁鍾意個酸辣湯! 一大煲只飲剩一碗左右,
第二日揼包烏冬麵落去,好快就有個熱辣辣既好味午餐~



2013年3月27日: 煎格格牛扒

冬眠狀態未完全回復,咁食牛扒就最好! 又快手又好味~



2013年3月29日一人午餐

不過我條牛扒癮一食開就好難止!
連lunch 都要整塊肉眼扒歎吓~



突然想食紅豆沙,坐言起行即時煲返煲!
我煮餸既果皮全部都係V媽媽自製比我既,
平時煲湯用既都有十幾年陳,
今次煲紅豆沙用咗三十年珍品,成煲紅豆沙充滿陳皮香氣~
食完一碗仲即時不停嗝氣,陳皮果然好化氣!!

三張野陳皮紅豆沙食譜click here~



2013年3月30日: 花旗參無花果煲瘦肉; 上海排骨菜飯
自從"上海之夜"之後,
Mr.T成日都話要encore 上海排骨菜飯.....

是晚佢終於得償所願,因為我自己都想再食!


今次用咗無骨豬扒,整夠3塊,每人1塊半,讓Mr.T食到夠!
不過.......
我覺得用返有骨豬扒好味d!


今次小棠菜一包有3棵! 今次個菜飯終於夠菜嘞~


今餐無酸辣湯.......

因為開始覺得熱氣,整返煲花旗參湯啱d!

花旗參無花果煲瘦肉(參考食譜)click here~





Photobucket

7 則留言:

  1. Kanny...yan's Blog2013年4月1日 上午9:03

    同意,我都覺得上海排骨菜飯的“排骨“係要有骨的才好食,正如椒鹽豬排想是要有骨的才好食!!
    [版主回覆04/02/2013 18:47:01]Mr.T唔鍾意累骨,所以今次試吓用無骨豬扒,不過真係唔夠有骨豬扒好味!!

    回覆刪除
  2. Hi Mrs.V, haven't been to your blog for a while. : ( 我見到你個上海排骨菜飯我都好想食呀!When you fried your pork chop, do you use a small pot to fry it or a larger pot and have a lot of excess oil left over? Thanks!
    [版主回覆04/02/2013 18:42:18]i used a wok to deep fry the pork chops as you can see the pork chops were quite big. not a lot oil left after, just abt a bowl (rice bowl). i then filtered the oil for reuse.
    [彌敦道9號回覆04/02/2013 01:47:10]好野,又唔止我一個人流口水哦,有靚女出沒,小心火燭

    回覆刪除
  3. 好鬼死好食咁既款哦,款款都啱咁點算啊,死火了,半夜三更肚餓添,大禍...
    [版主回覆04/02/2013 18:35:32]多謝~ 我依個廚房blog 好多野食架! 下次記住食飽先入來探我~

    回覆刪除
  4. 我尋日去左半島85週年既特價CAKE SET...85蚊一件CAKE加COFFEE......平平無奇....
    食緊既時候想起你既甜品SET....其實我.....好想食你整既野.....
    [版主回覆04/03/2013 21:24:38]睇咗....我都覺得自己整到!
    [小車回覆04/03/2013 10:11:01]我講真架....你去我BLOG"愚人"果篇....最底有果2件CAKE...我好肯定你整到...
    [版主回覆04/02/2013 18:34:40]好多時高級食府除咗賣食物之外,仲賣環境服務嘛!
    85蚊一件CAKE加COFFEE 幾抵食喎~
    哇~ 小車咁睇得起我,將我d手作仔同半島相比...唔敢當唔敢當啊!!

    回覆刪除
  5. 言語治療師加英文教師Carley2013年4月1日 下午8:49

    嘩!偷懶都煮得咁勁!
    [版主回覆04/02/2013 18:32:26]煮少咗好多餐嘛!

    回覆刪除
  6. 你真係又乖又叻!
    [版主回覆04/04/2013 18:13:22]乖...叻......兩樣都唔敢當啊! but thanks baobao~

    回覆刪除
  7. 阿V,你早排又係胃唔舒服?我都係呀!3月到依家成個月都未好,好左d又復發,所以都無咩心機煮野食
    [版主回覆04/11/2013 22:38:43]病向淺中醫啦! 我都去咗睇醫生~ 祝大家都身體健康!
    [ok回覆04/11/2013 17:14:09]係呀!!再唔得就要去睇腸胃專科了,thx!
    唔駛客氣,希望對你有幫助啦!
    [版主回覆04/11/2013 06:55:33]睇咗咁多次醫生都唔好!

    thanks for the link! 我會試吓煲來飲,希望會有效啦~
    [ok回覆04/10/2013 14:24:15]有呀!依個月都睇左兩次西醫兩次中醫都未轉好,所以尋日買左d秋葵食睇下有無改善,(因話對腸胃炎有幫助)食左又好似好左d!!會再睇下點先,謝謝關心

    另外你試下睇下依個blog有好多食療架我個次睇到有講胃酸倒流有幫助的湯水,你試下
    http://www.healthy-food.hk/?p=1534
    [版主回覆04/09/2013 17:24:53]妳唔去睇醫生?
    我係因為舊年大半年時間Mr.T去咗南下工作,成日舟車勞動食無定時吽到胃酸過多,我睇咗醫生食咗胃藥架嘞~ 不過一唔定時食野又來料..... 妳快d去睇醫生啦!

    回覆刪除

Related Posts Plugin for WordPress, Blogger...